Ohamba Shelungu ya fumvikwa nesimaneko lyOpakwiita

O MUKWANIILWA gwUukwanyama tatekulu Mwetupunga Kornelius Shelungu ngoka a manene oondjenda dhe meti 3 Novemba 2005 konima yuuwehame nomepipi lyoomvula 89, okwa fumvikwa nesimaneko lyOpakwiita kengathithi enene pOmhedi mUukwanyama mEtiyali.

Omupresidende Hifikepunye Pohamba nosho wo Omupresidende Omukulu Sam Nujoma nayo opo ya li poshituthifumviko she. Omupresidende Pohamba ta popitha oshigwana pehala lyEpangelo omanga Omupresidende omukulu Sam Nujoma e shi popitha ongOmupresidende gwoSwapo.Omukwaniilwa gwUukwaluudhi tatekulu Josia Shikongo Taapopi oye a popi pehala lyOmalelo gOpamuthigululwakalo, omanga Elenga enene lya Eudaneko mUukwanyama, tatekulu George ya Nelulu a popi pehala lyElelo lyUukwanyama nokuulikila oshigwana sha Namibia, unene tuu shoka shUukwanyama.Omukwaniilwa omupe Meekulu Mwadinomho Martha yaKristian yaNelumbu gwoomvula 74, ngoka ta pingene po Ohamba Shelungu ndjoka ya thigi po uuyuni mbuka.Ta ti Omukwaniilwa Shelungu sho a mono kutya uukolele we otawu ende tau nyangwa, okwa ulike mumwayina gwe Mwadinomho, oye e mu landule mokulela oshigwana shUukwanyama.Tatekulu Nelulu ta ti kutya Omukwaniilwa Shelungu e shi ningile meti 9 Oktoba 2005.Elelo lyAukwanyama olye shi tseyithilwa pambelewa noku shi taamba ko meti 29 Oktoba 2005.Elenga Nelulu tali indile oshigwana shAakwanyama shi taambeko Omukwaniilwa gwasho gwOmukiintu nomaako gaali.Shi mu simaneke noku mu kwathela apehe mpoka ta pumbwa ekwatho.Omukuluntu gwEwawa lyAakuluntu moSwapo tatekulu Simon Mzee Kaukungwa oye a eta po ondjokonona ya nakusa Shelungu noku mu tanga kutya okwa li Omukondjelimanguluko gwoshili.Omukwaniilwa gwUukwaluudhi tatekulu Josia Shikongo Taapopi, okwa pandula noonkondo oshigwana shUukwanyama sho sha pendula po Uukwaniilwa washo.Ta ti kutya nokuli osha kwata ethimbo ele inashi wu pendula po, molwashoka ye sho e shi oshigwana shAakwanyama, oku shi shi oshigwana shoka shi hole Aakwaniilwa nohashi simaneke Aakwaniilwa kwali nonando sha kala shoshene kashi na Omukwaniilwa.Omuporesidende Pohamba okwe shi yeleke kutya oshigwana shAakwanyama sho sha kala kashi na Aakwaniilwa ethimbo ele ngawo okuza sho Omukwaniilwa gwasho gwa hugunina Mandume ya Ndemufayo a sile miita ye nAakolonyeki momumvo 1917, Aakwaniilwa yAukwanyama mboka ya kalele po oya fadhukile po nokukahondama kOmbandja.Omumbiishofi Apollos Kaulinge oye a ningi euvitho.Ta ti kutya Ohamba Shelungu, okwa li Omukriste, Omwiitaalikalunga gwoshili nokwa kala e na elandulathano monkalamwenyo ye.A li a tokola okuyakula oshigwana sha Kalunga shUukwanyama noku shi tula kumwe, shi kale shi holathane nokukala nelandulathano.Ta indile oshigwana shAukwanyama shi hangane molwashoka osha li sha kuthwa kumwe hanga sho sha kala kashi na we Aakwaniilwa yasho, mboka konima yeso lyOhamba Mandume ya Ndemufayo momumvo 1917, ya fadhukile po nokukaholoma kOmbandja.Ta indile wo koshigwana shAukwanyama shi yambule po esimano lyasho nokwiikelela kiinima iiwinayi ngashi komaukolwe nokomaukolokoshi gi ili nogi ili ngoka taga shundula oshigwana noku shi kutha esimano lyasho.Omumbiishofi Kaulinge oye wo a ningi eyapulo lyomudhimba gwOhamba Shelungu, sha ningilwa mEtala lyOmalenga tuu moka mOhangwena.Oohamba dhUukwanyama nadho omo dha li moshituthi moka nodha li wo dha thikamekwa kElenga enene George Nelulu pethimbo ta ulikile oshigwana Omukwaniilwa omupe Mwadinomho.Aanona ya nakusa Shelungu, aatekulu nuutekulu nayo omo ya li moshituthifumviko.Okuthika pOmbila, ndjoka ya li ya kolongwa nawa, Oshiketha osha kulukithwa, nopethimbo ndyoka, aakwiita oya kala taya umbu oondjembo.Taya gandja esimaneko lya hugunina lyOpakwiita kependafule lya Ngulumbashe, nakusa Omukwaniilwa Shelungu.Omupya omunene Omunyekadhi gwa nakusa Shelungu, meekulu Analisa Kakiya, ka li po molwashoka okwa hakukilwa komukithi mOmaandaha nokufalwa kOshipangelo sha Shikuku, hoka ta mono epango.Elenga enene George Nelulu, olya ti nando nakusa Shelungu ina lala mo mOmbala yUukwanyama, omutekulu gwe Mwadinomho, pahalo lya Kalunga, ota lala Ombala mOlyomakaya.Omupresidende Pohamba ta popitha oshigwana pehala lyEpangelo omanga Omupresidende omukulu Sam Nujoma e shi popitha ongOmupresidende gwoSwapo.Omukwaniilwa gwUukwaluudhi tatekulu Josia Shikongo Taapopi oye a popi pehala lyOmalelo gOpamuthigululwakalo, omanga Elenga enene lya Eudaneko mUukwanyama, tatekulu George ya Nelulu a popi pehala lyElelo lyUukwanyama nokuulikila oshigwana sha Namibia, unene tuu shoka shUukwanyama.Omukwaniilwa omupe Meekulu Mwadinomho Martha yaKristian yaNelumbu gwoomvula 74, ngoka ta pingene po Ohamba Shelungu ndjoka ya thigi po uuyuni mbuka.Ta ti Omukwaniilwa Shelungu sho a mono kutya uukolele we otawu ende tau nyangwa, okwa ulike mumwayina gwe Mwadinomho, oye e mu landule mokulela oshigwana shUukwanyama.Tatekulu Nelulu ta ti kutya Omukwaniilwa Shelungu e shi ningile meti 9 Oktoba 2005.Elelo lyAukwanyama olye shi tseyithilwa pambelewa noku shi taamba ko meti 29 Oktoba 2005.Elenga Nelulu tali indile oshigwana shAakwanyama shi taambeko Omukwaniilwa gwasho gwOmukiintu nomaako gaali.Shi mu simaneke noku mu kwathela apehe mpoka ta pumbwa ekwatho.Omukuluntu gwEwawa lyAakuluntu moSwapo tatekulu Simon Mzee Kaukungwa oye a eta po ondjokonona ya nakusa Shelungu noku mu tanga kutya okwa li Omukondjelimanguluko gwoshili.Omukwaniilwa gwUukwaluudhi tatekulu Josia Shikongo Taapopi, okwa pandula noonkondo oshigwana shUukwanyama sho sha pendula po Uukwaniilwa washo.Ta ti kutya nokuli osha kwata ethimbo ele inashi wu pendula po, molwashoka ye sho e shi oshigwana shAakwanyama, oku shi shi oshigwana shoka shi hole Aakwaniilwa nohashi simaneke Aakwaniilwa kwali nonando sha kala shoshene kashi na Omukwaniilwa.Omuporesidende Pohamba okwe shi yeleke kutya oshigwana shAakwanyama sho sha kala kashi na Aakwaniilwa ethimbo ele ngawo okuza sho Omukwaniilwa gwasho gwa hugunina Mandume ya Ndemufayo a sile miita ye nAakolonyeki momumvo 1917, Aakwaniilwa yAukwanyama mboka ya kalele po oya fadhukile po nokukahondama kOmbandja.Omumbiishofi Apollos Kaulinge oye a ningi euvitho.Ta ti kutya Ohamba Shelungu, okwa li Omukriste, Omwiitaalikalunga gwoshili nokwa kala e na elandulathano monkalamwenyo ye.A li a tokola okuyakula oshigwana sha Kalunga shUukwanyama noku shi tula kumwe, shi kale shi holathane nokukala nelandulathano.Ta indile oshigwana shAukwanyama shi hangane molwashoka osha li sha kuthwa kumwe hanga sho sha kala kashi na we Aakwaniilwa yasho, mboka konima yeso lyOhamba Mandume ya Ndemufayo momumvo 1917, ya fadhukile po nokukaholoma kOmbandja.Ta indile wo koshigwana shAukwanyama shi yambule po esimano lyasho nokwiikelela kiinima iiwinayi ngashi komaukolwe nokomaukolokoshi gi ili nogi ili ngoka taga shundula oshigwana noku shi kutha esimano lyasho.Omumbiishofi Kaulinge oye wo a ningi eyapulo lyomudhimba gwOhamba Shelungu, sha ningilwa mEtala lyOmalenga tuu moka mOhangwena.Oohamba dhUukwanyama nadho omo dha li moshituthi moka nodha li wo dha thikamekwa kElenga enene George Nelulu pethimbo ta ulikile oshigwana Omukwaniilwa omupe Mwadinomho.Aanona ya nakusa Shelungu, aatekulu nuutekulu nayo omo ya li moshituthifumviko.Okuthika pOmbila, ndjoka ya li ya kolongwa nawa, Oshiketha osha kulukithwa, nopethimbo ndyoka, aakwiita oya kala taya umbu oondjembo.Taya gandja esimaneko lya hugunina lyOpakwiita kependafule lya Ngulumbashe, nakusa Omukwaniilwa Shelungu.Omupya omunene Omunyekadhi gwa nakusa Shelungu, meekulu Analisa Kakiya, ka li po molwashoka okwa hakukilwa komukithi mOmaandaha nokufalwa kOshipangelo sha Shikuku, hoka ta mono epango.Elenga enene George Nelulu, olya ti nando nakusa Shelungu ina lala mo mOmbala yUukwanyama, omutekulu gwe Mwadinomho, pahalo lya Kalunga, ota lala Ombala mOlyomakaya.