ODTA ya hala epangelo li konakone aaniilonga yalyo

OMUTOTIMPANGO gwo DTA mOshigongi shOpashigwana okwa pula Omuprima Minista Nahas Angula a ninge ekonakono kombinga yaaniilonga yepangelo mboka ta ya longo iilonga yofuto pondje yiilonga yawo mepangelo.

McHenry Venaani okwa pula omusamane Nahas Angula omwaalu gwaaniilonga yepangelo mboka ye na epitikilo lye opo ya longe iilonga yilwe pondje yiilonga yawo mepangelo, uule woomvula ndatu dha piti.Okwa pula woo ngele amushanga gwo kabinete oku na woo epitikilo lya za ku ye opo a longele ondjambi pondje yepangelo.Kepulo ndika Angula okwa yamukula Venaani ta ti amushanga gwoKabinete oku li kohi yombelewa yomuperesidende , onkene ye ke na oshinakugwanithwa sho ku gandja epitilikilo mwaashika.Venaani okwa tsikile ta ti iilonga ya gwedhwa po oya ninga unene oyindji mepangelo, naaniilonga oyendji oye na oongeshefa, naashika ota shi ulike kutya opwa pumbiwa ekonakono opo pu talike kutya aaniilonga yangapi ye na uuthemba okulonga ta ya futwa pondje yiilonga ye pangelo na aaniilonga yethike peni, ye na iilonga ya tya ngiini ya zimininwa ya longe.Pamautho gOmpango yAaniilonga yEpangelo 1995 ota shi dhengele ku kehe omuniilonga gwepangelo a mone ombapila ye pitikilo opo a longe iilonga yilwe moka ta mono ofuto.Epitikilo ndika oli na oku gandjwa kombelelwa yoPrima Minista.Venaani okwa pula Prime Minista ngele ote shi tala.’Itandi vulu oku shininga ngame mwene Angula ta yamukula ngaaka.’Ngele ope na omukwashigwana e na uuyelele kombinga yoshinima shika ota vulu oku wu eta, no kekankameno ndika epangelo ota li vulu oku tameka ekonakono.