WASHINGTON: Barack Obama okwa ti ye okwa tala ko oludhi lwe (omwAamerika omuludhe) ong’oshinima tashi ka kutha po omahoolokathano pokati kaantu moshilongo shika, Oshifokunandeki sha The Washington Post, osho sha lopota ngaaka ohela.
Obama shika okwe shi popi pethimbo lyoonkundathana dhe nOshifo shika. Obama, ngoka he e li Omukenya omanga yina e li oshilumbi sha za moshitopolwa sha Kansas mu Amerika, ota yi koshipundi shUupresidende wa Amerika nena na ota kala Omupresidende gwa Amerika omuti: 44 .
Obama oye wo Omupresidende Omwaafrika-Amerika gwotango moshilongo shika. ‘Opu na epepi limwe tali ka koka, kali na ko na sha tali ti Ombelewa onene moshilongo omu na OmwAafrika-Amerika,’Obama osho a popi ngaaka.
‘Mpaka onda hala okutya, ndika elunduluko enene. Osha lundula nkene aaluudhe taya ka kala yi itala ko. Osha lundulula wo nkene aanona yaatiligane taya ka kala ya tala ko aanona yaaluudhe,’ ta tsikile ko ngaaka. Obama okwa ti okwa ti pethimbo e li koshipundi shUupresidende, okwa hala okweeta po omakwatathano omawanawa gaantu moshilongo.
‘Mboka inaye ku fa na itaya ku tsu kumwe nangoye, shoka tashi ka lundula nee opolitika yetu.’Shika otashi ka eta po wo aniwa omalunduluko mokudhiladhila nawa nkene Aamerika ye na okuya komeho kombinga yomakwatathano pokati komihoko. – Nampa/Reuters
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
