Obama a ya koshipundi shUupresidende

W
ASHINGTON – Barack Hussein Obama okwa ningi Omupresidende gwa Amerika omuti: 44, sho a ganithilwa oshipundi shUupresidende wa Amerika mEtiyali lyoshiwike shika.

Moshipopiwa she, Obama okwa ningi eindilo kAamerika ayehe ye mu ‘ndjoine’ mokukondjitha uupyakadhi weliko tali nana nondatu, shoka ta ti kutya ina shi etwa ashike kuuluya – ihe osha etwa wo kendopa ‘lyawo ayehe okuninga omatokolo ga kindja.’
‘Nena otandi otamu lombwele kutya omashongo ngoka twa taalela ogoshili,’ Obama osho a popi ngaaka, konima sho a ganithilwa oshipundi shUupresidende, a tula eke lye kombanda yOmbiimbeli ndjoka oyo wo ya li ya longithwa ku Abraham Lincoln, pethimbo a li a ganithilwa oshipundi shUupresidende momumvo 1861.
Obama okwa ti omashongo ngoka Amerika a taalela omenene na itaga ka kandulwa po nuupu nenge muule wethimbo efupi. ‘Ihe shi tseyeni – Amerika -otaga ka kandulwapo,’ Obama ta popi.Obama oye omuluudhe omwAamerika gwotango ta ningi Omupresidende gwoshilongo shika, sha simana muuyuni.
Obama (47), omonamati gwomulumentu Omukenya, omanga yina oshilumbu sha zi mu Kansas.