OSIKEMA yAagundjuka yOpashigwana/National Youth Scheme (NYS),
palongelokumwe nUuministeli wAagundjuka.
Iilonga yopashigwana, Omaudhano nOmithigululwakalo, oya tota po oskema tayi ka gandja omikuli koongeshefa dhaagundjuka aanangeshefa.
Oskema ndjika oya lalakanenwa okukandeka okwaaheniilonga mokati kaagundjuka noya shoneka mboka yena oongeshefa dhopetameko noshowo mboka ya hala okutota ongeshefa oompe ashike ka yena oshimaliwa shokutotitha oongeshefa.
Oskema ndjika otayi gandja gandja omikuli omishona noshowo okugandja omadheulo guunongo wopetameko nokuungaunga nongeshefa.
Omukuli gwo Credit for Youth in Business ogwa lalakanenwa okugwandjwa kaagundjuka mboka ya hala okutota po oongeshefa dhawo ashike kaye na iimaliwa mombanga.
Nenge eliko lyontumba ndjoka omuntu ena okukala ena ngele a hala okwiindila omukuli kOombaanga .
Omukuli nguka ogwa lalakanenwa nee okukoleka oongeshefa dhika opo dhi ithikamene pondondo mpoka tadhi vulu okupewa omikuli mOmbaanga.
Omukuli nguka otagu ka gandjwa melongelokumwe nOmbaanga yoBank Windhoek notayi ka ningilwa omalolelo uule woomvula mbali miitopolwa ihetatu ngaashi Hardap, Karas, Ohangwena, Oshana, Otjozondjupa, Omaheke, Caprivi naKavango opo ku talike ngele otagu opalele tuu.
NYS ota ka gandja omadheulo kaanambelewa yaagundjuka nosho wo aakwatakanithi yaagudjuka yopaitopolwa yomUuministeli wAagundjuka, Iilonga yopashigwana, Omaudhano nOmithigululwakalo, yomiitopolwa Omaheke, Ohangwena nOkavango.
Omadheulo ngaka otaga ungaunga nomilandu dhokuunganeka etulomiilonga lyomukuli nguka.
Oshigongiilonga shomasiku gaali osha li sha tameke moshitopolwa sha Hangwena ohela.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
