Nujoma a tumbulwa moshinima sha Avid

Y AMWE oya fa ya lya nedhina lyomukuluntu. Okampani ya Avid Investements oya kwatakanithwa na SSC ku ngoka a li nale oshilyo shoSwapo mOmparliamende Ralph Blaauw ngoka wo a popi kutya Ewawa lyAagundjuka moSwapo oli na mo oosheya dhoopelesenda omilongo hetatu (80%) mu Avid Investements Corporation.

Aniwa Blaauw okwa li wo a popi kutya Omupresidende omukulu gwa Namibia Omundohotola Sam Nujoma oku ma wo oosheya mu Avid, uumbangi wopamushangwa mboka wa pewa Ompangu yOpombanda ku ngoka a li nale menindjela mu SSC, Avril Green osho tau popi ngaaka. Esiku etihamano lyomapulapulo pakatendo kOokampani (Company Act) kombinga yoomiliyuna omilongo ndatu (N$30 million) olya tameke mOmpangu yOpombanda mEtiyali moka Omupanguli Raymond Heathcote a tseyithile oohahende mboka ya kutha ombinga moshinima shika kutya uumbangi nenge tutye omukanda gwa Green guuyelele ogwa pewa Ompangu.Omupanguli okwa gandja ookopi dhomukanda nguka kaamaveta mboka.Konima sho a popi kutya okapalagrafa lwopehulilo lyomukanda ngoka, hoka taka ti kutya Omunashipundi gwa SSC Frans Kapofi okwa pewa oshimaliwa opo a undulile esiku lyokushunitha oshimaliwa shoka komeho, Ompangu oya tsikile niinima yilwe.Omukanda nguka ogwa longithwa pamukalo guumbangi komeho gOmupanguli Heathcote.Edhina lya Blaauw olya dhana nale onkandangala moshinima shika sha Avid na SSC lwotango Amushanga gwEwawa lyAagundjuka noku li wo Ominista yOpevi muuministeli wIiyenditho nOmakwatathano, Paulus Kapia, okwa li a popi omasiku ga zi ko mOmpangu kutya Blaauw oye a ningi ekwatathano naye opo a ninge oshilyo shOlaata ya Avid Investements.Shika osha li sha ningwa mu Apilili omumvo gwa zi ko.Ngashiingeyi Blaauw ngoka a li nale oshilyo shOparliamende oku li Amushanga gwOpakathimbo gwOlaata yAagundjuka yOpashigwana/ National Youth Council (NYC).Blaauw ye mwene ka li omuwiliki mu Avid, ihe omukulukadhi gwe Sharon Blaauw okwa li noku li sigo onena omuwiliki mu Avid.Nando ongaaka, Omukanda gwa Green otagu popi unene kombinga ya Blaauw nota gu ulike kutya Blaauw okwa dhana onkandangala moshinima shepungulo lyiimaliwa ya SSC mu Avid Investements shi vulithe nokuli omasiku ga zi ko sigo omEtiyali.Oshinima shoka sha li sha tumbulwa kutya oshimaliwa shoka osha liwa nedhina nenge tutye noonkondo dhopombanda osha holoka ishewe momukanda gwa Green mEtiyali.Pamushangwa gwa Green, Avid okwa longitha aniwa oonkondo okuza pombanda opo a pewe oshimaliwa shoomiliyuna omilongo ndatu (N$30 million) okuza ku SSC.Pamushangwe nguka omupe okwa shanga ngeyi: “Momaandaha geti 3 Januali 2005, Mr Ralph Blaauw okwa li e ya ku ngame, nokwi itseyitha mwene ongoshilyo shOparliamende, ta ti okwa tumwa a tseyithe Avid Investements Corporation (Pty) Ltd ku SSC.Okwa lombwele ndje kutya ye okwa kalelapo Avid Investements Corporation (Pty), oopelesenda omilongo hetatu momapungulo ga Avid odhEwawa lyAagundjuka moSwapo ndyoka li li kohi yOmupresidende gwa Namibia.Okwa lombwele ndje kutya Omupresidende oku na wo oosheya mu Avid ihe shoka itashi hololwa nando openi.”Okwa lombwele ndje ishewe kutya Ewawa lyAagundjuka mo Swapo olya pewa olisinisa yowina okuza kOmbaanga yUuyuni (World Bank) opo li vule okuya moongeshefa dhomapungulo shoka tashi vulu okweeta iizemo iiwanawa.Otaya pumbwa nee okushunitha moshigwana shoka ya mona po okuza momapungulo na ndika olyo nee etompelo kutya Ewawa lyAagundjuka moSwapo li kale li na oosheya odhindji mu Avid Investements Corporation (Pty) Ltd.”Green okwa popi kutya okwa lombwela Blaauw kutya okwa pumbwa manga epitikilo lyOmukuluntuwiliki gwa SSC, Tuli Hiveluah, omanga inaya moonkundathana na Avid.”Mr Blaauw okwa lombwele ndje kutya ewiliko lyopombanda ota li ka kundathana nOmukuluntuwiliki, Green ta tsikile.Green ta ti Hiveluah okwa shangele Kapia momasiku 13 Januali nokuhiya Avid a tule poshitaafula noku ulikila SSC iilongomwa, omayakulo na menindjela gwe ngoka ta vulu iilonga mu shika.Otniel Podewiltz ngoka a li nale omuwiliki mu Avid okwa yo wo aniwa a ka mone menindjela gwiiniwe mu SSC, Gideon Mulder ngoka petamemo a li e li ompinge nokuninga ongeshefa na Avid, Green ta yelitha.Mulder okwa li a geya sho Podewiltz a yi kuye moshinima shika nokwa lundulula nokuli omikalo dhe moshinima sha Avid ngoka a hala oshimaliwa okuza ku SSC, Green ta popi.Green ta ti kutya petameko Avid okwa li a hala okupewa a pungule oshimaliwa shoomiliyuna omilongo hamano (N$60 million) ihe SSC okwa tindi okugandja oshimaliwa shoka kompani yaa na uunongo wa gwana momapungulo.Okwa popin ishewe kutya moshigongi shoka ya li ya ningi na Hiveluah na Mulder okwa li a gandja edhiladhilo kutya Avid na pewe owala oomiliyuna dhi li pokati komulongo nomilongo mbali.Nando ongaaka, Omukuluntuwiliki gwa SSC okwa gandja epopilo kutya SSC na gandje oomiliyuna omilongo ndatu (N$30 million) ku Avid oshinima shoka sha li sha yambidhidhwa ku Mulder, Green ta gandja uuyelele.Pethimbo ta gandja uumbangi mu mOmpangu Mulder okwa popi kutya osha li oshinakugwanithwa she okukala a mona kutya omapungulo giimaliwa ya SSC oga gamenwa, ihe aniwa moshinima sha Avid omwa li omanwethemo gaakuluntu ye nokwa landula nee omalombwelo gawo.Aniwa Green ka li a nyanyukilwa egandjo lyoshimaliwa ku Avid, ihe Hiveluah na Mulder oya zimine oshinima.Nando nee komananathano ngoka ga li po momasiku 21 Januali kombinga yegandjo lyoshimaliwa sha SSC ku Avid shoka sha ziminwa esiku ndyoka, Green okwa kala e li ompinge nokuninga omapulapulo moshima sigo ta sitopa kutya oshimaliwa inashi gandjwa manga.Mulder okwe mu lombwele momasiku 22 gaJanuali kutya okwa lombwela Blaauw kutya egandjo lyoshimaliwa olya kalekwa palombwelo lya Green.Blaauw okwa li nee a hala okutseya kutya omolwashike Green a kaleka egandjo lyoshimaliwa ku Avid, Green ta popi.Esiku lya landula Kapia okwa dhengele wo Green ta pula kutya omolwashike a sitopa oshimaliwa shi ye ku Avid Investements.Momasiku 24 gaJanuali oya li ya ningi oshigongi moka Hiveluah a lombwele Kapia sha yela kutya ngele Lazarus Kandara okwa kutha ombinga mu Avid nena SSC ina hala okupungula nando oshimaliwa mu Avid.”Mr Kapia okwe tu kwashilipaleke kutya Kandara ina kutha nando ombinga mu Avid,” Green ta popi ishewe.Oshinima shika osha pilamenathana na shoka lombwelwa Ompangu kutya Kandara oye a li ha ungaunga niinima ya Avid meukililo.Esiku lya landula Mulder okwa lombwele Green kutya Kapia okwa li e ya ku ye ta lili noku mu pula a gandje oshimaliwa shoka ku Avid.Green ta hokolola ishewe ngeyi kutya esiku tuu ndyoka kwa yi kOkapa (Cape Town).Konima yomasiku gahamano sho a galuka okwa dhimbulula kutya oshimaliwa shoomiliyuna 30 (N$30 million) osha pewa nale Avid.Omunaveta gwa meme Blaauw moshinima shika, Mel Harmse okwa popi kutya okwa ninga ekwatathano na Ralph Blaauw okuza ku Botswana kombinga yomukanda gwa Green.Blaauw oku li ku Botswana miinima yi na sha aniwa noongeshefa.Elombwelo ndyoka a mona okuza ku Blaauw, Blaauw ota kondema omukanda gwa Green, Harmse ta popi ngaaka.Blaauw okwi iyekela pomutenya nokukondema omapopyo ga Green kondandalund kutya okwe mu lombwela ta ti Nujoma oku na oosheya mu Avid nosho wo kutya okwe mu lombwela kutya Ewawa lyAagundjuka moSwapo o li na oopelesenda omilongo hetatu (80%) mu Avid Investements, Harmse ta popi.Esiku etihamano lyomapulapulo pakatendo kOokampani (Company Act) kombinga yoomiliyuna omilongo ndatu (N$30 million) olya tameke mOmpangu yOpombanda mEtiyali moka Omupanguli Raymond Heathcote a tseyithile oohahende mboka ya kutha ombinga moshinima shika kutya uumbangi nenge tutye omukanda gwa Green guuyelele ogwa pewa Ompangu.Omupanguli okwa gandja ookopi dhomukanda nguka kaamaveta mboka.Konima sho a popi kutya okapalagrafa lwopehulilo lyomukanda ngoka, hoka taka ti kutya Omunashipundi gwa SSC Frans Kapofi okwa pewa oshimaliwa opo a undulile esiku lyokushunitha oshimaliwa shoka komeho, Ompangu oya tsikile niinima yilwe.Omukanda nguka ogwa longithwa pamukalo guumbangi komeho gOmupanguli Heathcote.Edhina lya Blaauw olya dhana nale onkandangala moshinima shika sha Avid na SSC lwotango Amushanga gwEwawa lyAagundjuka noku li wo Ominista yOpevi muuministeli wIiyenditho nOmakwatathano, Paulus Kapia, okwa li a popi omasiku ga zi ko mOmpangu kutya Blaauw oye a ningi ekwatathano naye opo a ninge oshilyo shOlaata ya Avid Investements.Shika osha li sha ningwa mu Apilili omumvo gwa zi ko.Ngashiingeyi Blaauw ngoka a li nale oshilyo shOparliamende oku li Amushanga gwOpakathimbo gwOlaata yAagundjuka yOpashigwana/ National Youth Council (NYC).Blaauw ye mwene ka li omuwiliki mu Avid, ihe omukulukadhi gwe Sharon Blaauw okwa li noku li sigo onena omuwiliki mu Avid.Nando ongaaka, Omukanda gwa Green otagu popi unene kombinga ya Blaauw nota gu ulike kutya Blaauw okwa dhana onkandangala moshinima shepungulo lyiimaliwa ya SSC mu Avid Investements shi vulithe nokuli omasiku ga zi ko sigo omEtiyali.Oshinima shoka sha li sha tumbulwa kutya oshimaliwa shoka osha liwa nedhina nenge tutye noonkondo dhopombanda osha holoka ishewe momukanda gwa Green mEtiyali.Pamushangwa gwa Green, Avid okwa longitha aniwa oonkondo okuza pombanda opo a pewe oshimaliwa shoomiliyuna omilongo ndatu (N$30 million) okuza ku SSC.Pamushangwe nguka omupe okwa shanga ngeyi: “Momaandaha geti 3 Januali 2005, Mr Ralph Blaauw okwa li e ya ku ngame, nokwi itseyitha mwene ongoshilyo shOparliamende, ta ti okwa tumwa a tseyithe Avid Investements Corporation (Pty) Ltd ku SSC.Okwa lombwele ndje kutya ye okwa kalelapo Avid Investements Corporation (Pty), oopelesenda omilongo hetatu momapungulo ga Avid odhEwawa lyAagundjuka moSwapo ndyoka li li kohi yOmupresidende gwa Namibia.Okwa lombwele ndje kutya Omupresidende oku na wo oosheya mu Avid ihe shoka itashi hololwa nando openi.”Okwa lombwele ndje ishewe kutya Ewawa lyAagundjuka mo Swapo olya pewa olisinisa yowina okuza kOmbaanga yUuyuni (World Bank) opo li vule okuya moongeshefa dhomapungulo shoka tashi vulu okweeta iizemo iiwanawa.Otaya pumbwa nee okushunitha moshigwana shoka ya mona po okuza momapungulo na ndika olyo nee etompelo kutya Ewawa lyAagundjuka moSwapo li kale li na oosheya odhindji mu Avid Investements Corporation (Pty) Ltd.”Green okwa popi kutya okwa lombwela Blaauw kutya okwa pumbwa manga epitikilo lyOmukuluntuwiliki gwa SSC, Tuli Hiveluah, omanga inaya moonkundathana na Avid.”Mr Blaauw okwa lombwele ndje kutya ewiliko lyopombanda ota li ka kundathana nOmukuluntuwiliki, Green ta tsikile.Green ta ti Hiveluah okwa shangele Kapia momasiku 13 Januali nokuhiya Avid a tule poshitaafula noku ulikila SSC iilongomwa, omayakulo na menindjela gwe ngoka ta vulu iilonga mu shika.Otniel Podewiltz ngoka a li nale omuwiliki mu Avid okwa yo wo aniwa a ka mone menindjela gwiiniwe mu SSC, Gideon Mulder ngoka petamemo a li e li ompinge nokuninga ongeshefa na Avid, Green ta yelitha.Mulder okwa li a geya sho Podewiltz a yi kuye moshinima shika nokwa lundulula nokuli omikalo dhe moshinima sha Avid ngoka a hala oshimaliwa okuza ku SSC, Green ta popi.Green ta ti kutya petameko Avid okwa li a hala okupewa a pungule oshimaliwa shoomiliyuna omilongo hamano (N$60 million) ihe SSC okwa tindi okugandja oshimaliwa shoka kompani yaa na uunongo wa gwana momapungulo.Okwa popin ishewe kutya moshigongi shoka ya li ya ningi na Hiveluah na Mulder okwa li a gandja edhiladhilo kutya Avid na pewe owala oomiliyuna dhi li pokati komulongo nomilongo mbali.Nando ongaaka, Omukuluntuwiliki gwa SSC okwa gandja epopilo kutya SSC na gandje oomiliyuna omilongo ndatu (N$30 million) ku Avid oshinima shoka sha li sha yambidhidhwa ku Mulder, Green ta gandja uuyelele.Pethimbo ta gandja uumbangi mu mOmpangu Mulder okwa popi kutya osha li oshinakugwanithwa she okukala a mona kutya omapungulo giimaliwa ya SSC oga gamenwa, ihe aniwa moshinima sha Avid omwa li omanwethemo gaakuluntu ye nokwa landula nee omalombwelo gawo.Aniwa Green ka li a nyanyukilwa egandjo lyoshimaliwa ku Avid, ihe Hiveluah na Mulder oya zimine oshinima.Nando nee komananathano ngoka ga li po momasiku 21 Januali kombinga yegandjo lyoshimaliwa sha SSC ku Avid shoka sha ziminwa esiku ndyoka, Green okwa kala e li ompinge nokuninga omapulapulo moshima sigo ta sitopa kutya oshimaliwa inashi gandjwa manga.Mulder okwe mu lombwele momasiku 22 gaJanuali kutya okwa lombwela Blaauw kutya egandjo lyoshimaliwa olya kalekwa palombwelo lya Green.Blaauw okwa li nee a hala okutseya kutya omolwashike Green a kaleka egandjo lyoshimaliwa ku Avid, Green ta popi.Esiku lya landula Kapia okwa dhengele wo Green ta pula kutya omolwashike a sitopa oshimaliwa shi ye ku Avid Investements.Momasiku 24 gaJanuali oya li ya ningi oshigongi moka Hiveluah a lombwele Kapia sha yela kutya ngele Lazarus Kandara okwa kutha ombinga mu Avid nena SSC ina hala okupungula nando oshimaliwa mu Avid.”Mr Kapia okwe tu kwashilipaleke kutya Kandara ina kutha nando ombinga mu Avid,” Green ta popi ishewe.Oshinima shika osha pilamenathana na shoka lombwelwa Ompangu kutya Kandara oye a li ha ungaunga niinima ya Avid meukililo.Esiku lya landula Mulder okwa lombwele Green kutya Kapia okwa li e ya ku ye ta lili noku mu pula a gandje oshimaliwa shoka ku Avid.Green ta hokolola ishewe ngeyi kutya esiku tuu ndyoka kwa yi kOkapa (Cape Town).Konima yomasiku gahamano sho a galuka okwa dhimbulula kutya oshimaliwa shoomiliyuna 30 (N$30 million) osha pewa nale Avid.Omunaveta gwa meme Blaauw moshinima shika, Mel Harmse okwa popi kutya okwa ninga ekwatathano na Ralph Blaauw okuza ku Botswana kombinga yomukanda gwa Green. Blaauw oku li ku Botswana miinima yi na sha aniwa noongeshefa.Elombwelo ndyoka a mona okuza ku Blaauw, Blaauw ota kondema omukanda gwa Green, Harmse ta popi ngaaka.Blaauw okwi iyekela pomutenya nokukondema omapopyo ga Green kondandalund kutya okwe mu lombwela ta ti Nujoma oku na oosheya mu Avid nosho wo kutya okwe mu lombwela kutya Ewawa lyAagundjuka moSwapo o li na oopelesenda omilongo hetatu (80%) mu Avid Investements, Harmse ta popi.