Nudo ta indile ompango yitulwe miilonga

OMPANGO ndjoka ta yi indike aanwi yomakaya yaa hile omakaya shaampoka,unene tuu mombaa, momahala gokunwina okoothiwa, moositola nenge mookefe, ina yi tulwa natango miillonga.

Ompango ndjika oya holokele nale moshifo shepangelo naashoka sha tegelelwa oku utha ashike esiku ompango ndjika tayi tulwa miilonga pambelewa.Omutotimpango gwongundu ya Nudo, Arnold Tjihuiko okwa pula moshigongi shopashigwana kutya omolwashike ompango ndjika inaa yi tulwa miilonga.Ompango ndjika oya shainwa nale komuperesidende, Hifikepunye Pohamba na oya shangwa nale moshifo shepangelo, onkene ominista yUundjolowele oya pumbwa ashike okuutha esiku kutya uunake ndjika yina oku tameka okulongithwa.Shika natango ina shi ningwa onkene Tjihuiko okwa pula minista, Richard Kamwi kutya oshike sha, imba po.Tjihuiko okwa ti ompango ota yi utha omahala mpoka pena okuhililwa naampoka kaapena okulongithwa omakaya, nokwa ti shika oshina oshilanduli oshinene komalandithilo nokomatalelopo.Okwa pula kutya omolwashike iipumbiwa yopaigwana inaayi tulwa miilonga ngaashi ha yi adhikwa melongitho muuyuni auhe, nenge osha hala kutya mboka ha ya nu omakaya oye na okuthiga po ehala okuya yakanwe omakaya gawo pondje? , osho Tjihuiko a pula.Minista Kamwi okwa uvaneke ta ka gandja eyamukulo lye kepulo lya Tjihuiko, nena[etine].Sigo oompaka ongeshefa yimwe onene poongeshefa dhopOmaerua Life Style, oyo ya tseyitha nale kutya mehala lyawo ita mu longithwa we omakaya kaanwi yomakaya ngele taya nu otee mpoka.