Nudo ta dhiladhila okuya kompangu

OONGUNDU dhompilameno yo NUDO no COD odha nyenyetele epangelo ,sha landula kelombwelo lya zi mombelewa yoMinista onkuluntu kutya iilonga ayihe yopetameko mepangelo noshowo momahangano gepangelo nayi thigilwe po aanona mbokaya valelwa mekondjelomanguluko.

Aanona mbaka oye li lwopomayovi 10 000 lwaampoka.Oongundu ndhika mbali odha ti oshinima shika ka shi li pakotampango, na oya indile epangelo opo li shi shunithe monima.’žOta tu indile ominista onkuluntu opo yi shunithe oshinima shika monima meendelelo ngaashi tashi vulika, ngele hasho nena ongundu yo Nudo ita yi ka kala nondjila yimwe yaashi ndjoka yoku konga eyamukulo palwe moshinima shika okupitila mompangu. omuwiliki gwo, Nudo, Kwaima Riruako okwa tilitha. ‘žOtwa tameka nale oonkundathana noongundu oonkwawo opo tu kuthe etokolo limwe, Riruako ta lombwele aatoolinkunda pombelewa ye moKatutura metitatu.Ina popya kutya oongundu dhini ishewe tadhi kutha ombinga moshinima shika, okwiindila ompangu yi gandje elombwelo opo epangelo li shunithe oshinima shika monima.Sho apulwa kutya ota ya gandja ethimbo lithike peni koMbelewa yomukuluntu minista Riruako ina tya sha. ‘žNudo okwi itaala kutya egandjo lyiilonga ashike kaanona mboka yavalelwa mekondjo osho okatongotongo, oshoka shika ota shi yugu yalwe woo ompito opo ya vule okumona iilonga.’’žOshinima shika ota shi kondjitha woo okatokolwa oka ti milongo 40(k) kekotampango lya Namibia hoka taka ti Okabinete okena okugandja omatseyitho, omalombwelo, noshowo iinakugwanithwa opo yi etepo etulo miilonga lyoompango,ndele mbika oyi na okukala yi li kohi yekotampango.Riruako okwa ti okushitalela meinyengo lyaantu oshinima shika osha kenyeneke aantu sho epangelo lya kalekele iilonga oohailwa yalyo, onkene elombwelo lyoKabinete ota li ulike nkene oshilongo shika shi na oombumbo nokorruption muuyuni. Amushanga gwaagundjuka moCOD, Kalimbo Ipumbu okwa ti elombwelo ndika olya nika okatongo.’žUudhigu wokwaaniilonga owa guma omuntu kehe moshilongo kutya omunona gwomekondjo nenge ahawe’’žOtwa itaala kutya oshinakugwanithwa shepangelo oku kwatela mo ayehe ndele ha ku ya ninga okatongotongo.