Nudo a lundilwa a longitha oonkondo

ONGUNDU yoNudo oya lundilwa kutya oya longitha oonkondo pethimbo lyomahogololo. Elundilo ndika olya ningwa sha landula aniwa sho osheenditho shimwe shoshilyo shoSwapo sha ehamekwa.

Ephraim Tjingaete gwoSwapo okwa ti okwa li ta hingi osheenditho she mepandaanda lya Klemens Kapuuo moKatutura oku za koshigongi shoSwapo sho anuwa omugundjuka gumwe gwoNudo a yakula po epandela lye lyoSwapo mohauto ye eta teya po oshiti sha lyo.Oshiningwanima shika sho sha ningwa opethimbo ndyoka ongundu yo Nudo ya adhika opo ya mana oshigongi shawo popepi noombelewa dhayo mepandaanda ndyoka. Tjingaete okwa hokolola kutya okwa li ta hingi kashona okupita mpoka molwaashoka opwa li iiyenditho oyindji.Aaleli ya Nudo oya galulilepo ombili konima yethimbo na Tjingaete okwa galulilwa epandela lye, ndele sho a yi kegumbo opo a ka dhimbulula kutya ekende lyokapi yosheenditho she olya tatukamo noshowo oolamba dhoombiliki.Okwa ka ninga oshipotha nopolisi, ota yi konakona oshipotha shoka.Omuwiliki gwelelo lyoNudo, Theofilus Uahongora ngoka a kambadhala oku keelela olugodhi pokati kTjingaete nayalwe okwa li itaa vulu okutya sha kombinga yekondjo ndika.Amushangandjai gwo Nudo, Ussiel Tjienda naye woo ngoka a keelele eipumo mumwe pehala mpoka ka li eli moshilando ethimbo ndyoka opo a tye kosha koshinima shika.Tjingaete omugavena gwoshitopolwa shaOmaheke nale noshowo a li oshilyo shoDTA okwa ti eponokelo ndika olya ningwa shaa shi ye ngashingeyi oshilyo shoSwapo.’Otweende ondjila onde sigo omemanguluko. Otwa mono emanguluko sha pitile momahogololo, onkene ndjika oyo ompito ombwanawa opo aaleli ya lombwele aayambidhidhi yawo kutya kehe gumwe okuna uuthemba oku ya mongundu ndjoka a hala.