NSHR a londha ‘oopulanda’ dhokugalulila Nujoma koshipundi

E hangano lyuuthemba womunt lyopashigwana nenge tutye National Society of Human Rights (NSHR) olya londodha ngeyi kutya iikonga iinene yokugalulila Omupresidende omukulu tatekulu Sam Nujoma koshipundi shuupresidende oyi li metifa noya kwatelwa komeho kOmupresidende gwoshilongo Hifikepunye Pohamba.

Omukuluntuwiliki gwaNSHR Phil Ya Nangoloh okwa lombwele ngeyi iikundaneki mOvenduka mEtitatu lyoshiwike shika kutya oshipotha she shoka a fala kOmpangu yUukilimunola wOpaigwana nenge tutye International Criminal Court (ICC) otashi longithwa ongoshitsa oshinene mokuninga iikonga mbika. Ta ti, oshipotha shoka otashi longithwa unene pethimbo lyiikonga mbyoka yi li metifa oku uvitha ko aayambidhidhi yoSwapo opo ya yambidhidhe Nujoma a ninge okandidaate yopaupresidende.”Pakushomonona kwetu, otwa dhimbulula ngeyi kutya Mr Nujoma okwa hala okugalukila koshipundi shuupresidende pethimbo lyomahogololo ngoka kwa pulandwa taga ka ningwa momumvo 2009.Otatu shongo Omupresidende Pohamba nenge Mr Nujoma mwene opo yee puuyelele mokutamaneka eshomonono lyetu moshinima shika,” Ya Nangoloh ta popi ngaaka.”Iikonga mbyoka aniwa yokupopila nokugamena Omupresidende gwOpaati yoSwapo Sam Nujoma, ngashiingeyi aniwa oya kwatelwa komeho kOmupresidende gwoshilongo Lucas Hifikepunye Pohamba yemwene.”Kuyele nuumvo, Nujoma okwa li a lombwele iikundaneki yopaigwana mu Zambia kutya ke na naanaa ehalo lyokugalukila mopolitika.Nando ongaaka, Ya Nangoloh okwa popi kutya Nujoma ina holola puuyelele mu Namibia kombinga yaampoka a thikama.Iitayi yoSwapo miitopolwa yimwe moshilongo, oya li ya tseyithile Opaati yoSwapo kutya oya hala Nujoma a kale Omupresidende gwongundu.Ineya nee puuyelele opo andola a ekelehi osheetwapo shoka nenge e shi zimine.Ya Nangoloh okwa popi ngeyi kutya etumwalaka lyopondingandinga miikonga mbika, “olyo aniwa ndyoka kutya ngele Nujoma okwa pingenwa po komuleli gulwe gwoSwapo, moshilongo otamu keya iita yopashigwana – noshizemo itashi ka kala oshiwanawa”.”Aantu yoshilongo shika otaya lombwelwa aniwa kutya Ewawa lyAagundjuka yoSwapo ndyoka li li mewiliko lya Elijah Ngurare ngoka a ndjoina Swapo momumvo 1999, olya homatekwa noombazuka nosho wo noondjembo dhomashiningana opo ya dhipage mboka taya nyana Omupresidende Sam Nujoma,” Ya Nangoloh ta popi ngaaka.Ehangano ndika tali popi wo kutya omapopyo gOmupresidende Pohamba pethimbo lyokudhimbuluka esiku lyomapendafule mOsoondaha kutya opu na aantu yamwe koohandimwe nosho wo omahangano gamwe taga popi nayi nokuponokela Omupresidende Nujoma, osha yela kutya okwa ukitha komahangano naantu koohandimwe mboka haya nyana nokusokona Nujoma – ta ti Pohamba okuwete omukalo ngoka tagu shonopeke oompito dha Nujoma okugalukila koshipundi shuupresidende.”Nomolwashoka, otu wete nee ngeyi kutya Pohamba okwa longitha Esiku lyOmapendafule okugandja etumwalaka kombinga yetopauko ndyoka li li mongundu ye tayi pangele.”Ngele nani okwa li lela a gumwa koshipotha shoka sha ICC, andola Mr Pohamba okwa lombwela oshigwana kutya okwa li a lombwelwa ku NSHR kutya na konge uuyuuku moshilongo nosho wo omulandu gwedhiminathanepo, opo oshipotha shoka tu shi kuthe mo mOmpangu ya ICC.”Ya Nangoloh ta ti Omupresidende Pohamba okwi ipwililikile edhiladhilo lyaNSHR ndyoka a pewa opo a wape okuya komeho nawa niikonga ye okugalulila Nujoma koshipundi sho taku ka thikwa komahogololo gomumvo 2009.”Otwa kumwa nee kutya otashi vulika ngiini okutala nokunyana omuntu ngoka ke na ehalo lyokugalukila koshipundi ku ete omakuyunguto moshilongo.Shika osha nyika oshiponga.Ya nangoloh ta ti oonkambadhala dhokugalulila Nujoma koshipundi ong’Omupresidende gwoshilongo, otashi vulu lela okweeta omakuyunguto moshilongo.”Molwashoka, oshinima shika otashi ti kutya Ekotampango lyoshilongo oli na okulundululwa opo li pitike Nujoma a galukile koshipundi.Otaku ka ningwa mbala osheetwapo mOmutumba gwOpashigwana opo ekotampango li lundululwe.Omasiku ga zi ko, Omupresidende Pohamba okwa li a popi a ukitha koshinima shoka pethimbo a li a gandja oshipopiwa she.”Otwa tseya nale kutya pethimbo a li ta lele oshilongo shoka uule womimvo 15, Mr Nujoma okwa ndopa okweeta po omulandu tagu opalele gwotopolela oshigwana oonzo dhoshilongo.”Okwa ndopa wo okumvudha mo okwaana iilonga, oluhepo, ondjala nomikithi moshilongo shetu,” Ya Nangoloh ta popi.”Okwa ndopa okushunitha pevi iilonga yiimbuluma.Okwa ndopa wo okweeta po omulandu gwuuyuuki tagu opalele.Iilonga yakorapta nosho wo okwiiyambapaleka okwa holoka nokukala kwa vuka pethimbo lyelelo lye.”Pethimbo lyelelo lye, elongo nosho wo iikondo yuuhaku oya kala mevundakano, nuuhepele wokwaana omagumbo owa vuka.”Ya Nangoloh okwa opo Pohamba kaa thiminike oshigwana shi taambe Nujoma ong’omupresidende gwasho.Ta ti, oshipotha shoka otashi longithwa unene pethimbo lyiikonga mbyoka yi li metifa oku uvitha ko aayambidhidhi yoSwapo opo ya yambidhidhe Nujoma a ninge okandidaate yopaupresidende.”Pakushomonona kwetu, otwa dhimbulula ngeyi kutya Mr Nujoma okwa hala okugalukila koshipundi shuupresidende pethimbo lyomahogololo ngoka kwa pulandwa taga ka ningwa momumvo 2009.Otatu shongo Omupresidende Pohamba nenge Mr Nujoma mwene opo yee puuyelele mokutamaneka eshomonono lyetu moshinima shika,” Ya Nangoloh ta popi ngaaka.”Iikonga mbyoka aniwa yokupopila nokugamena Omupresidende gwOpaati yoSwapo Sam Nujoma, ngashiingeyi aniwa oya kwatelwa komeho kOmupresidende gwoshilongo Lucas Hifikepunye Pohamba yemwene.”Kuyele nuumvo, Nujoma okwa li a lombwele iikundaneki yopaigwana mu Zambia kutya ke na naanaa ehalo lyokugalukila mopolitika.Nando ongaaka, Ya Nangoloh okwa popi kutya Nujoma ina holola puuyelele mu Namibia kombinga yaampoka a thikama.Iitayi yoSwapo miitopolwa yimwe moshilongo, oya li ya tseyithile Opaati yoSwapo kutya oya hala Nujoma a kale Omupresidende gwongundu.Ineya nee puuyelele opo andola a ekelehi osheetwapo shoka nenge e shi zimine. Ya Nangoloh okwa popi ngeyi kutya etumwalaka lyopondingandinga miikonga mbika, “olyo aniwa ndyoka kutya ngele Nujoma okwa pingenwa po komuleli gulwe gwoSwapo, moshilongo otamu keya iita yopashigwana – noshizemo itashi ka kala oshiwanawa”.”Aantu yoshilongo shika otaya lombwelwa aniwa kutya Ewawa lyAagundjuka yoSwapo ndyoka li li mewiliko lya Elijah Ngurare ngoka a ndjoina Swapo momumvo 1999, olya homatekwa noombazuka nosho wo noondjembo dhomashiningana opo ya dhipage mboka taya nyana Omupresidende Sam Nujoma,” Ya Nangoloh ta popi ngaaka.Ehangano ndika tali popi wo kutya omapopyo gOmupresidende Pohamba pethimbo lyokudhimbuluka esiku lyomapendafule mOsoondaha kutya opu na aantu yamwe koohandimwe nosho wo omahangano gamwe taga popi nayi nokuponokela Omupresidende Nujoma, osha yela kutya okwa ukitha komahangano naantu koohandimwe mboka haya nyana nokusokona Nujoma – ta ti Pohamba okuwete omukalo ngoka tagu shonopeke oompito dha Nujoma okugalukila koshipundi shuupresidende.”Nomolwashoka, otu wete nee ngeyi kutya Pohamba okwa longitha Esiku lyOmapendafule okugandja etumwalaka kombinga yetopauko ndyoka li li mongundu ye tayi pangele.”Ngele nani okwa li lela a gumwa koshipotha shoka sha ICC, andola Mr Pohamba okwa lombwela oshigwana kutya okwa li a lombwelwa ku NSHR kutya na konge uuyuuku moshilongo nosho wo omulandu gwedhiminathanepo, opo oshipotha shoka tu shi kuthe mo mOmpangu ya ICC.”Ya Nangoloh ta ti Omupresidende Pohamba okwi ipwililikile edhiladhilo lyaNSHR ndyoka a pewa opo a wape okuya komeho nawa niikonga ye okugalulila Nujoma koshipundi sho taku ka thikwa komahogololo gomumvo 2009.”Otwa kumwa nee kutya otashi vulika ngiini okutala nokunyana omuntu ngoka ke na ehalo lyokugalukila koshipundi ku ete omakuyunguto moshilongo.Shika osha nyika oshiponga.Ya nangoloh ta ti oonkambadhala dhokugalulila Nujoma koshipundi ong’Omupresidende gwoshilongo, otashi vulu lela okweeta omakuyunguto moshilongo.”Molwashoka, oshinima shika otashi ti kutya Ekotampango lyoshilongo oli na okulundululwa opo li pitike Nujoma a galukile koshipundi.Otaku ka ningwa mbala osheetwapo mOmutumba gwOpashigwana opo ekotampango li lundululwe.Omasiku ga zi ko, Omupresidende Pohamba okwa li a popi a ukitha koshinima shoka pethimbo a li a gandja oshipopiwa she.”Otwa tseya nale kutya pethimbo a li ta lele oshilongo shoka uule womimvo 15, Mr Nujoma okwa ndopa okweeta po omulandu tagu opalele gwotopolela oshigwana oonzo dhoshilongo.”Okwa ndopa wo okumvudha mo okwaana iilonga, oluhepo, ondjala nomikithi moshilongo shetu,” Ya Nangoloh ta popi. “Okwa ndopa okushunitha pevi iilonga yiimbuluma.Okwa ndopa wo okweeta po omulandu gwuuyuuki tagu opalele.Iilonga yakorapta nosho wo okwiiyambapaleka okwa holoka nokukala kwa vuka pethimbo lyelelo lye.”Pethimbo lyelelo lye, elongo nosho wo iikondo yuuhaku oya kala mevundakano, nuuhepele wokwaana omagumbo owa vuka.”Ya Nangoloh okwa opo Pohamba kaa thiminike oshigwana shi taambe Nujoma ong’omupresidende gwasho.