Nkene egwopevi lyokawe lya guma omuntu kehe moBotswana

LETLHAKANE oshilando shi li kokule nepandaanda lya Wall street mu New York ndele enkundipalo lyomahupilo ndyoka lye etwa ketekepo lyombaanga yomikuli dhomagumbo yedhina Lehman Brothers olya gumu woo Gracious Oageng ngoka oondjodhi ithano lye lya hulile montsi.

‘Ondi li mpaka omolwa enkundipalo momahupilo’ osho omukiintu gwoomvula 19 a ti a kuutumba konima yotoonbank pehala lyokutaamba aatalelipo megumbo lyaayenda. Okwa li ta pandjula omapandja gatoka, ta shi ulike kutya kapena aatalelipo mboka ando ta ye ya okutalelapo moshilando shokawe shi li ookilometa 400 kuumbangalantu wa Gaborone.Oomwedhi 12 dha piti okwa li eshi ota kala a za po mpaka, molwaashoka okwa li eshi kutya ota ka pewa iimaliwa yokwiilongitha kepangelo mbyoka ha yi zi moshifulwa mevi sha simana okawe.Okawe hoka haka landithwa nokweeta iiyemo yoodola dhAmerika oobiliona ndatu komvula oka kala no ku kwatha Botswana. Shika oshilongo sha humithwa komeho kelanditho lyo shifulwa mevi shika.Omupopyo gwasho ogwa li uuwe molwa ehumokomeho, sha dhiladhilwa opo shi yoolole esimano lyokawe kaa moka, kwaamboka haku tiwa uuwe wombinzi mboka wa longithwa okuhinga iita miilongo ngaashi yuuninginino wa Afrika.Ndele eihunyo lyomahupilo olya thinaneke epulo lyokawe oku ziilila kaalandi muuyuni.Iiyemo yoopelesenda 40 ya Botswana oha yi zi mokawe. Botswana oshilongo shimwe, shina aantu oyendji yeshi okulesha nokushanga osha ndjungandjungwa kenkundipalo ndika, nelongo nalyo olya ehamekwa.’ Epangelo olyo ha li tu futile ndele ngashingeyi ota li ti, ombili kapena oombongo onkene omiyalu otatu dhi tete’osho Oageng ta ti’ Ngame onda lulilwa, osha guma ndje lela nayi’Momahupilo gankundipala miilongo iihepele yimwe yAfrika aakintu oyo haya kala kaa yeshi okushanga nokulesha mbala.Ngashingeyi Botswana naakalimo ye konyala omiliona 1,8. muule woomwedhi 12 oya lolo onkalamwenyo yaa na uuwanawa wokawe nkene yi li no ta shi vulika yi kale ngele esiku limwe okawe okakukuta po.Mu Febuluwali oomina ndhoka hadhi fulu okawe meni lyoshilongo odha patele lwotango oku za nkene evi ndika lya li oshipangelwa longo shaBritania lya tamekele okufula uuwe omimvo 40 dha piti.De Beers ehangano ndyoka ha li mina okawe muukumwe nepangelo lya Botswana olya mwenithile woo iilonga ngambika moNamibia na Canada.Pethimbo ndika sho ita pa landithwa okawe ota shi gandja efano nkene uuyuni ta u vulu okukala ngele kapena okawe, oshoka kashi shi oshiwanawa.Keith Jefferis omunamahupilo moGaborone tati.De Beers nehewa lye Debswana oya tete aaniilonga yawo noshitine shimwe aantu 900 okuza maaniilonga 6200.Ota ya thaneke woo kutya elongo lyuuwe wookarata oomiliona 20 owo ashike oopelesenda 60 dhondondo yo ku longa okawe ngele ethimbo oli li nawa. Onkene iiyemo oya tegelelwa yi ka gwe pevi.Molwaasho elikolo lyoshilongo ashihe olya tegelelwa li gwe pevi nooperesenda 10, epangelo lya Botswana olya taalela oku gwila moongunga. MuMai olya taalele kuChiina nolya pewa omukuli gwoomiliona dhoodola dhAmerika 825 opo li tunge oshitaasi oshipe sholusheno.Mu Juni nuumvo olya yi nembale peke ta li hehela oodola dhAmerika obiliona 1,5 oku ‘balance’ omambo gepangelo.Oku pata omina poLetlhakane osha li owala shopakathimbo ,ndele shika osha guma aantu oyendji noonkondo unene aakalimo yamo 10 000.Aaniilonga oyendji oya ya, naamboka ya hupupo otaya nyenyeta kombinga yoondjambi dhawo naasho iha ya longo we ethimbo lyapitilila opo ya futwe oshindji’.Omina ndjika ota yi tu dhipaga’ David Dog Bontshetse tati, omuhingitaxi a kuutumba keena sho ta ningi e li momukweyo omule gwotaxi dha tegelela aalondimo mboka nayo ya hogolola okweenda koompadhi oshoka nayo ka ye shi wete nawa.’Aantu mbaka ha ya longo moomina oya li haya kala ye na oshimaliwa, noshowo aafuko oyendji..Oya li ha ya gandja oopula 100 mpaka noopula ishewe 100 mpee. Oya li taya vulu okufuta otaxi. Otwa li hatu kala ta tu hingi moshilando muka ethimbo alihe.Ndele ngashingeyi onda kuutumba ashike momukweyo’Aagandji yomikuli nayo oya kotoka okulonga pamwe naaniilonga yomomina’Oondjambi dha wo odha shuna pevi na otwa tila okuya pa iimaliwa yetu, pamwe ita ya ka vula okuyigalula,’ osho Neo Delu a ti ngoka oye omukuluntu gwokugandja iimaliwa mehangano lya Madi Madi Cash loan.Omukululi pooha dhondjila Oamogetswe Kganetso ngoka ongeshefa ye yi shiiwike ongo Mr. Happy Man, okwa ti ye ota ka ya mbala koGaborone shaashi ita vulu okuhupa mokukulula ashike oocustomer dhili mbali esiku kehe.Blackie Marole omukuluntu, gwa Debswana ota ti oondando dhokawe ota dhi ende tadhi hwepopala no kwi itaalwa kutya otadhi ya nawa unene tuu mu USA ngoka oye omulandi omunene gwiikwamalyenge muuyuni. Omanga oonzo dhimwe ota dhi ti oondando dhokawe ka hongwa ota dhi ningi oombwanawa ngashingeyi unene okushitalela miilongo mbyoka ha yi landa okawe ngaashi Chiina na India kenenevi lyAsia..Ndele nando ongawo shika itashi ningwa mbala nepangelo oli na oku dhiladhilapo shimwe oshipe, na oli na oku, kulula oku longitha kwalyo oshimaliwa Jefferis osho a ti’Ngele hasho nena ota li ka gongela oongunga odhindji noonene.Oli na woo okulundulula noku tamununa omahupilo ga kale ga kwata oombinga dhi ili no dhili ili ha ku ikwatelela ashike kiiyemo yokawe ngaashi shili ngashingeyi.Omalunduluko ota shi vulika ita ge ya mbala molwaasho oshilongo shika osha kala mepangelo lyongundu yimwe uule woomvula 43.’ Otwa kala noku popya kombinga yoku tamunamo omahupilo oku za tuu sho nda li ko univesiti ndele opethimbo ashike lyoomvula ndhika mbali shika sha tameke oku ningwa Martin Makgatlhe gwehangano Motswedi Securities moGaborone ta tiOngundu ta yi pangele ya Botswana Democratic Party oya taalela omahogololo mu 16 Kotoba ndele aantu ota ya ti, ota yi pewa ishewe oomvula ntano okupangela oshilongo, molwaashoka oongundu dhoompilameno odha to pa guka.’OBDP oyi li nawa’Jim Joh omupangeli gwooTv osho ta ti,ta tala etango ta li ningine a kuuutumba pokaveranda kegumbo lyakuumeke ta ti. Ndele ita shi ti kutya aantu ota ya gandja uusama kuyo molwa egwo pevi.