Nigeria ota ka gandja Taylor a ka pangulwe koshilongo shaandjawo

Nigeria ota ka gandja Taylor a ka pangulwe koshilongo shaandjawo

L AGOS – Epangelo lya Nigeria otali ka gandja Charles Taylor (ngoka li nale Omupresidende gwa Liberia) koshilongo shaandjawo, opo a ka pangulilwe iilonga iiwinayi mbyoka a longo pethimbo lyiita yopashigwana mu Liberia.

“Omupresidende Olusegun Obasanjo okwa lombwele Omupresidende Ellen Johnson-Sirlieaf kutya Epangelo lya Liberia olya manguluka okukutha po Taylor,” Epangelo lya Nigeria osho lya popi ngaaka pamushangwa. Johnshon-Sirleaf, Omupresidende gwotango gwa Liberia konima yiita yopashigwana – ngoka a yi koshipundi mu Januali nuumvo, okwa li a ningi eindilo kEpangelo lya Nigeria li galulile Taylor kegumbo, opo a ka pangulilwe iilonga yi nyanyalitha mbyoka a longo.Nande ongaaka, Johnson-Sirlieaf ina lombwela oshigwana kutya Taylor ota ka pangulwa, sho a galukile kegumbo okuza ku Amerika mOlyomakaya ga zi ko.Amerika okwa kala a hala noonkondo Taylor a pangulwe.Nande ongaaka, Omunambelewa gumwe mEpangelo lya Nigeria okwa popi kutya kapu na natango omadhidhiliko kutya Taylor ota ka galulilwa kegumbo uunake.Epangelo lya Nigeria olya li lya pe Taylor uuholameno maandjawo momumvo 2003, ong’onkambadhala yokuhulithapo iita mu Liberia, mbyoka ya li ya kwata oomvula omulongo na ne noya li ya faalele nokuli oomwenyo dhaantu ye li 250000 lwaampoka.Taylor ota ka pangulwa mOmpangu yIigwanahangano mu Sierra Leone, moka hamu pangulilwa aantu mboka ya longo iilonga iiwinayi miita.Omutamanekikuluntu mOmpangu ndjika Desmond da Silva, okwa ti ndika oli li etokolo ewanawa.”Otashi ka kwata okathimbo, omasiku gaali nenge gatatu.Inandi inekela tashi ka kwata ethimbo li vule po mpoka,” Da Silva osho a popi ngaaka.Oshiwike sha zi ko, ongundu yimwe yopapolitika mu Sierra Leone yedhina Revolutionary United Front Party (RFP) oya popi kutya oonkambadhala okupangula Taylor mu Sierra Leone, otashi vulika shi ka tukule natango iita yopashigwana moshilongo shika (Sierra Leone).Taylor okwa li ha yambidhidha ongundu ndjika ya RUF pethimbo a li koshipindu.Ihe aantu mboka ya li ya ningilwa uuwinayi kEpangelo lya Taylor oya hala nokuhalelela Taylor, ngoka ngashiingeyi a pewa uuholameno mu Nigeria, a galulilwe kegumpo a ka pangulwe.”Oshinima shika osha nika oshiponga,” Amushanga-Ndjayi gwongundu yo Revolutionary United Front Party (RUFP), Jonathan Kposowa osho a popi ngaaka.Ongundu ndjika nale oya li hayi ithanwa Revolutionary United Front (RUF) sho ya li ashike okangundu kOorebele ka li mewiliko lya nakusa Foday Sankoh, ihe oya ka ninga RUFP sho ya ningi opaati.”Omuleli omukulu gwa Liberia oku na natango eyambidhidho enene,” Kposowa osho a lombwele oshitumikundaneki sha AFP ngaaka.”Onkalo yegameno mu Sierra Leone oyi na lela okutalwa tango, manga ina ku ningwa oshinima shatya ngaaka.Taylor, ngoka a li nale Kalunga kiita e ta ka ninga Omupresidende, okwa lopotelwa iikoya yi li 17 e yi longo pethimbo lyiita yopashigwana mu Liberia, yi na sha nehomateko nedheulo lyOorebele dha RUF, ndhoka dha tetegula aakwashigwana oombati, omayulu, omilungu, omakutsi nomagundji.- Nampa-ReutersJohnshon-Sirleaf, Omupresidende gwotango gwa Liberia konima yiita yopashigwana – ngoka a yi koshipundi mu Januali nuumvo, okwa li a ningi eindilo kEpangelo lya Nigeria li galulile Taylor kegumbo, opo a ka pangulilwe iilonga yi nyanyalitha mbyoka a longo.Nande ongaaka, Johnson-Sirlieaf ina lombwela oshigwana kutya Taylor ota ka pangulwa, sho a galukile kegumbo okuza ku Amerika mOlyomakaya ga zi ko.Amerika okwa kala a hala noonkondo Taylor a pangulwe.Nande ongaaka, Omunambelewa gumwe mEpangelo lya Nigeria okwa popi kutya kapu na natango omadhidhiliko kutya Taylor ota ka galulilwa kegumbo uunake.Epangelo lya Nigeria olya li lya pe Taylor uuholameno maandjawo momumvo 2003, ong’onkambadhala yokuhulithapo iita mu Liberia, mbyoka ya li ya kwata oomvula omulongo na ne noya li ya faalele nokuli oomwenyo dhaantu ye li 250000 lwaampoka.Taylor ota ka pangulwa mOmpangu yIigwanahangano mu Sierra Leone, moka hamu pangulilwa aantu mboka ya longo iilonga iiwinayi miita.Omutamanekikuluntu mOmpangu ndjika Desmond da Silva, okwa ti ndika oli li etokolo ewanawa.”Otashi ka kwata okathimbo, omasiku gaali nenge gatatu.Inandi inekela tashi ka kwata ethimbo li vule po mpoka,” Da Silva osho a popi ngaaka.Oshiwike sha zi ko, ongundu yimwe yopapolitika mu Sierra Leone yedhina Revolutionary United Front Party (RFP) oya popi kutya oonkambadhala okupangula Taylor mu Sierra Leone, otashi vulika shi ka tukule natango iita yopashigwana moshilongo shika (Sierra Leone).Taylor okwa li ha yambidhidha ongundu ndjika ya RUF pethimbo a li koshipindu.Ihe aantu mboka ya li ya ningilwa uuwinayi kEpangelo lya Taylor oya hala nokuhalelela Taylor, ngoka ngashiingeyi a pewa uuholameno mu Nigeria, a galulilwe kegumpo a ka pangulwe.”Oshinima shika osha nika oshiponga,” Amushanga-Ndjayi gwongundu yo Revolutionary United Front Party (RUFP), Jonathan Kposowa osho a popi ngaaka.Ongundu ndjika nale oya li hayi ithanwa Revolutionary United Front (RUF) sho ya li ashike okangundu kOorebele ka li mewiliko lya nakusa Foday Sankoh, ihe oya ka ninga RUFP sho ya ningi opaati.”Omuleli omukulu gwa Liberia oku na natango eyambidhidho enene,” Kposowa osho a lombwele oshitumikundaneki sha AFP ngaaka.”Onkalo yegameno mu Sierra Leone oyi na lela okutalwa tango, manga ina ku ningwa oshinima shatya ngaaka. Taylor, ngoka a li nale Kalunga kiita e ta ka ninga Omupresidende, okwa lopotelwa iikoya yi li 17 e yi longo pethimbo lyiita yopashigwana mu Liberia, yi na sha nehomateko nedheulo lyOorebele dha RUF, ndhoka dha tetegula aakwashigwana oombati, omayulu, omilungu, omakutsi nomagundji.- Nampa-Reuters

Stay informed with The Namibian – your source for credible journalism. Get in-depth reporting and opinions for only N$85 a month. Invest in journalism, invest in democracy –
Subscribe Now!

Latest News