Ngungumaneni, NAU ta lombwele iilyo ye

EHANGANO lyaanafaalama yopaipindi nenge/Namibia Agricultural Union (NAU), olya lombwela iilyo yalyo kutya inaya yamukula nayi ketseyitho lyEpangelo kutya otali ka kutha po oofaalama dhopaipindi, nelalakano okweendelelitha oprograma yetopolululo lyevi moshilongo.

Shika osha li sha tseyithwa kOmuprima Theo-Ben Gurirab mOradio nomOtelevisi ya NBC uusiku wEtitatu lyoshiwike sha zi ko. Gurirab okwa ti aanafaalama mboka taya ka kanitha oofaalama dhawo,otaya ka futwa pauyuuki nopakotampango lya Namibia.Metine lyoshiwike sha zi ko, Omupresidende gwa NAU Jan de Wet okwa popi kutya yo oya haluka noonkondo ketseyitho ndika, “ihe ngashi naanaa eso, itali vulu okuyandwa”.”Ngele ina shi ungaungiwa nasho nawa, otashi ka piyaganeka ombili moshilongo nokuguma eliko,” De Wet osho a popi.De Wet okwa ti aanafaalama inaya hala ekutho po lyoofaalama.”Omulandu gwomulandithi a hala nomulandi a hala ogwa longa nogwa eta onkalonawa nombili moshilongo.Oofaalama odhindji odha pewa Epangelo muule woomvula hamano dha zi ko.Pethimbo ndika, kandi wete ekutho (lyoofaalama) lya pumbiwa,” De Wet ta tsikile ko.”Kaanafaalama, onda hala okupopya kutya inatu yamukula sha pitilila.Kaleni mengungumano nomeimweneneno.Ondi inekela kutya tse nEpangelo inatu hala okupiyaganeka onkalonawa,” De Wet ta gwedhapo ishewe.Omuwiliki gwa NAU okwa ti yo oya hala oshinima shika shi ningwe pauyuuki noshi iwetikile.Oshiwike sha zi ko, okwa ti Epangelo oli wete kutya ekutho po lyoofaalama olyo ashike ye wete omulandu tagu ka longa mokugandja evi kaantu mboka kaye na molwashoka, omulandu “gwomulandithi a hala nomulandi a hala,” inagu eta po sha.Gurirab okwa ti nonande Epangelo olya li lya hala okumona omulandu “gwomulanditha a hala nomulandi a hala” gu longe, Epangelo olya haluka noonkondo noneyeme okumona aaniilonga moofaalama noofamili dhawo taya tidhwa tidhwa moofaalama kaahona yawo nokuumbilwa pooha dhoondjila.Omuprima Gurirab okwa ti pethimbo ndika, mu Namibia omu na aantu ye li 240 000, ya tegelela okupewa evi omanga aanafaalama yopaipindi taya tsikile noku ninga oshidhigu Epangelo li lande evi, pakutula pombanda ondando yevi.Okuza momumvo 1995, Epangelo olyali li ikalekele oshimaliwa shOondola dhOomiliyuna omilongo mbali (N$20 million), yokulanda oofaalama mu tulwe aantu mboka ya pumbwa evi.Omumvo gwa zi ko, oshimaliwa shika osha li Oomiliyuna omilongo ntano (N$50 million).Nande ongaaka, Epangelo otali popi kutya aanafaalama oya tsikile nokwiihumbata nayi.Omupresidende gwehangano lyaanafaalama yopaipindi, Jan de Wet, okwa ti ehangano lyawo otali kondjitha etokolo ndika lyEpangelo.Aantu yamwe oya popi kutya etokolo lyEpangelo oku kutha po oofaalama oshi li onkambadhala yEpangelo okuthiminika aanafaalama yoofaalama dhopaindi, ya landithe oofaalama kondano yi li pevi.Shika kashi shi oshikando shotango Epangelo tali popi ngaaka.Oomvula mbali dha piti po, Omupresidende Sam Nujoma okwa li a popi kutya omulandu gwetopolululo lyevi “gwomulandithi a hala nomulandi a hala,” ogu na okutalululwa molwashoka aniwa inagu eta po sha shomupondo.Gurirab okwa ti aanafaalama mboka taya ka kanitha oofaalama dhawo,otaya ka futwa pauyuuki nopakotampango lya Namibia. Metine lyoshiwike sha zi ko, Omupresidende gwa NAU Jan de Wet okwa popi kutya yo oya haluka noonkondo ketseyitho ndika, “ihe ngashi naanaa eso, itali vulu okuyandwa”. “Ngele ina shi ungaungiwa nasho nawa, otashi ka piyaganeka ombili moshilongo nokuguma eliko,” De Wet osho a popi. De Wet okwa ti aanafaalama inaya hala ekutho po lyoofaalama. “Omulandu gwomulandithi a hala nomulandi a hala ogwa longa nogwa eta onkalonawa nombili moshilongo. Oofaalama odhindji odha pewa Epangelo muule woomvula hamano dha zi ko. Pethimbo ndika, kandi wete ekutho (lyoofaalama) lya pumbiwa,” De Wet ta tsikile ko. “Kaanafaalama, onda hala okupopya kutya inatu yamukula sha pitilila. Kaleni mengungumano nomeimweneneno. Ondi inekela kutya tse nEpangelo inatu hala okupiyaganeka onkalonawa,” De Wet ta gwedhapo ishewe. Omuwiliki gwa NAU okwa ti yo oya hala oshinima shika shi ningwe pauyuuki noshi iwetikile. Oshiwike sha zi ko, okwa ti Epangelo oli wete kutya ekutho po lyoofaalama olyo ashike ye wete omulandu tagu ka longa mokugandja evi kaantu mboka kaye na molwashoka, omulandu “gwomulandithi a hala nomulandi a hala,” inagu eta po sha. Gurirab okwa ti nonande Epangelo olya li lya hala okumona omulandu “gwomulanditha a hala nomulandi a hala” gu longe, Epangelo olya haluka noonkondo noneyeme okumona aaniilonga moofaalama noofamili dhawo taya tidhwa tidhwa moofaalama kaahona yawo nokuumbilwa pooha dhoondjila. Omuprima Gurirab okwa ti pethimbo ndika, mu Namibia omu na aantu ye li 240 000, ya tegelela okupewa evi omanga aanafaalama yopaipindi taya tsikile noku ninga oshidhigu Epangelo li lande evi, pakutula pombanda ondando yevi. Okuza momumvo 1995, Epangelo olyali li ikalekele oshimaliwa shOondola dhOomiliyuna omilongo mbali (N$20 million), yokulanda oofaalama mu tulwe aantu mboka ya pumbwa evi. Omumvo gwa zi ko, oshimaliwa shika osha li Oomiliyuna omilongo ntano (N$50 million). Nande ongaaka, Epangelo otali popi kutya aanafaalama oya tsikile nokwiihumbata nayi. Omupresidende gwehangano lyaanafaalama yopaipindi, Jan de Wet, okwa ti ehangano lyawo otali kondjitha etokolo ndika lyEpangelo. Aantu yamwe oya popi kutya etokolo lyEpangelo oku kutha po oofaalama oshi li onkambadhala yEpangelo okuthiminika aanafaalama yoofaalama dhopaindi, ya landithe oofaalama kondano yi li pevi. Shika kashi shi oshikando shotango Epangelo tali popi ngaaka. Oomvula mbali dha piti po, Omupresidende Sam Nujoma okwa li a popi kutya omulandu gwetopolululo lyevi “gwomulandithi a hala nomulandi a hala,” ogu na okutalululwa molwashoka aniwa inagu eta po sha shomupondo.