Ngoka a li nale Omutamaneki mOmpangu ya Mengestrata pOutapi a pewa ishewe ondhongo

O SHIPOTHA shotango mOmpangu yOpombanda shaangoka a li nale Omutamaneki mOmpangu ya Mengestrata pOutapi Stanley Nakale oshe ya pehulilo mEtitano lya zi ko ngaashi naanaa shoka oshitiyali shoka sha manithilwe mu Juni – sho Nakale a pewa egeelo lyondholongo.

Nakale gwomimvo 32 okwa li a pewa egeelo lyokukala mondholongo oomvula ntano sho a li a holoka komeho gOmupanguli Louis Muller momasiku 5 Juni nuumvo. Metitano lya zi ko, Nakale okwa gwedhelwa ko omumvo gumwe kegeelo lye lyotango kiipotha mbyoka a kala ta tamanekelwa aniwa e yi longa pethimbo ta longele mOmpangu ya Mengestrata pOutapi ongOmutamaneki.Moshipotha shoka a li ta pangulilwa kOmupanguli Muller, Nakale okwa li ta tamanekelwa oshipotha shokutaamba ombumbo yoondola/N$7 000 nokumangulula omufekelwa moshipotha shonkonga.Nakale okwa li nee a monika ondjo miipotha ine yekorapto nosho wo oshipotha shokuya uuyuuki moshipala moshipotha shoka – nokwa li nee a pewa egeelo lyondholongo yoomvula hetatu hoka kwa ka kuthwa nee oomvula ndatu ye a kale ina uvikila sha uule woomvula ntano.Moshipotha shotango, shoka sha tameke okupangulwa kOmupanguli Kato van Niekerk mu Maalitsa omumvo gwa zi ko, Nakale okwa li ta tamanekelwa iipotha omugoyi shi na sha nelongitho lyiihauto yEpangelo pwaa na epitikilo sho shimwe sha ka hulila meso lyomukiintu gumwe omugundjuka momumvo ngoka a li mohauto ndjoka Iinima mbyoka okwe yi ningi nee poompito dha yooloka – mu Kotoba 2003, Febuluali nosho wo mu Maalitsa omumvo 2005.Omupanguli Van Niekerk okwa mono nee Nakale ondjo miipotha ngaashi okuhinga nuuhasha, edhipago lyaashi lyoshiningilawina, iipotha iyali yokuhinga ohauto pwaa na epitikilo lya mwene nenge lyomunambelewa ngoka a pewa oshinakugwanithwa shokutonatela ohauto nenge iihauto mbyoka, iipotha iyali yekengelelo nosho wo oshipotha shimwe shuufuthi momasiku 27 Juli.Metitano lya zi ko, Omupanguli Van Niekerk okwa pe nee Nakale egeelo lyokufuta ombuta kumwe yoondola/N$5 800 nosho wo okutuma kondholongo yomumvo gumwe miipotha mbyoka.Moshipotha kehe shokuhinga nuuhasha nosho wo okuhinga ohauto pwaa na epitikilo lya mwene sho a dhenga ohauto yEpangelo mondhalate pomukunda gumwe popepi nUutapi momasiku 18 Kotoba 2003, Omupanguli Van Niekerk okwa pe Nakale egeelo lyokufuta oondola/N$1 000 nenge a kala mondholongo oomwedhi mbali.Moshipotha shedhipago lyaashi lyoshiningilawina, moka mwa sile omugundjuka gumwe konima sho ohauto yEpangelo ndjoka Nakale a li ta hingi ya kandomene pokati kOshakati nOutapi momasiku 6 Maalitsa 2005 – moka Nakale a li a humbata aantu omugoyi mOsoondaha, Omupanguli Van Niekerk okwa gandja egeelo kutya Nakale a fute ombuta yoondola/N$6 000 nenge a kale konima yekumba uule womumvo.Etata lyoshimaliwa shoka, nosho wo etata lyondholongo ndjoka, oya kuthwa po ye a kale ina uvikila sha uule womimvo ndatu.Shimwe shomiinima mbyoka a li ta tamanekelwa, osho shoka kutya Nakale okwa longitha omikanda dha kwisha okutula omahooli mohauto ndjoka a li ta longitha pambelewa momasiku 4 gaMaalitsa 2005.Okwa pewa egeelo lyokufuta ombuta yoondola/N$800 nenge a kale konima yekumba oomwedhi mbali moshipotha shoka.Moshipotha shimwe shuulingilingi moka Nakale a li ta tamanekelwa okulongitha oombapila dha kwisha mokutula omahooli mohauto ndjoka, ashike pethimbo okwa li teyi longitha miinima yopaumwene mu Maalitsa 6, 2005, – Nakale okwa pewa egeelo lyokukala mondholongo pwaa na ompito yokufuta ombuta.Omupanguli Van Niekerk okwa gandja egeelo lyondholongo yomumvo gumwe ku Nakale nokugandja elombwelo kutya egeelo ndika okuna okulilongela tali endele pamwe naandyoka lyokulongitha ohauto pwaa na epitikilo lya mwene – sho a longitha ohauto yEpangelo pwaa na epitikilo mu Maalitsa 4, nosho 6 gwomumvo 2005.OngOmutamaneki nomunambelewa gwOmpangu, Nakale okwa li a tegelelwa i ihumbate nawa meni nopondje pOmpangu, Omupanguli Van Niekerk ta popi ngaaka.Nando ongaaka, ngele owa tala kiipotha mbyoka ta tamanekelwa, oto dhimbulula kutya Nakale okwi ihumbata pamukalo itagu opalele omuniilonga gwEpangelo nenge tutye Omutamaneki gwEpangelo, Omupanguli ta popi ngaaka.Osha fa shi li ngeyi kutya Nakale oku li oveta ku yemwene, ta popi ishewe.Ta popi kutya Nakale okwa kala ta monika omunamayele, e na owino meithano lye ongomutamaneki.Nando ongaaka, Nakale okwa fundju iikando oyindji mOmpangu – nosha eta nee omalimbililo kombinga yuukwashili we, ta popi ngaaka.Omupanguli Van Niekerk okwa li a tseyithilwa nkene yina ya Nakale ngoka a li ha longo ongomuwapaleki muuministeli wUundjolowele nOnkalonawa a nana nondatu kombinga yokutuma Nakale kosikola sigo otayi kOyunivesiti hoka a ka za nonzapo muunaveta.Oshinima shi uvitha nayi unene, osho shoka kutya konima yokukondja nuudhigu, Nakale okwa tameke okwiihumbata nayi, Omupanguli Van Niekerk ta popi ngaaka.Omunaveta gwEpangelo Sandra Miller oye a li omutamaneki moshipotha shika.Sisa Namandje oye a li a kalelepo Nakale medhingoloko lya hugunina moshipotha shika.Metitano lya zi ko, Nakale okwa gwedhelwa ko omumvo gumwe kegeelo lye lyotango kiipotha mbyoka a kala ta tamanekelwa aniwa e yi longa pethimbo ta longele mOmpangu ya Mengestrata pOutapi ongOmutamaneki.Moshipotha shoka a li ta pangulilwa kOmupanguli Muller, Nakale okwa li ta tamanekelwa oshipotha shokutaamba ombumbo yoondola/N$7 000 nokumangulula omufekelwa moshipotha shonkonga.Nakale okwa li nee a monika ondjo miipotha ine yekorapto nosho wo oshipotha shokuya uuyuuki moshipala moshipotha shoka – nokwa li nee a pewa egeelo lyondholongo yoomvula hetatu hoka kwa ka kuthwa nee oomvula ndatu ye a kale ina uvikila sha uule woomvula ntano.Moshipotha shotango, shoka sha tameke okupangulwa kOmupanguli Kato van Niekerk mu Maalitsa omumvo gwa zi ko, Nakale okwa li ta tamanekelwa iipotha omugoyi shi na sha nelongitho lyiihauto yEpangelo pwaa na epitikilo sho shimwe sha ka hulila meso lyomukiintu gumwe omugundjuka momumvo ngoka a li mohauto ndjoka Iinima mbyoka okwe yi ningi nee poompito dha yooloka – mu Kotoba 2003, Febuluali nosho wo mu Maalitsa omumvo 2005.Omupanguli Van Niekerk okwa mono nee Nakale ondjo miipotha ngaashi okuhinga nuuhasha, edhipago lyaashi lyoshiningilawina, iipotha iyali yokuhinga ohauto pwaa na epitikilo lya mwene nenge lyomunambelewa ngoka a pewa oshinakugwanithwa shokutonatela ohauto nenge iihauto mbyoka, iipotha iyali yekengelelo nosho wo oshipotha shimwe shuufuthi momasiku 27 Juli.Metitano lya zi ko, Omupanguli Van Niekerk okwa pe nee Nakale egeelo lyokufuta ombuta kumwe yoondola/N$5 800 nosho wo okutuma kondholongo yomumvo gumwe miipotha mbyoka.Moshipotha kehe shokuhinga nuuhasha nosho wo okuhinga ohauto pwaa na epitikilo lya mwene sho a dhenga ohauto yEpangelo mondhalate pomukunda gumwe popepi nUutapi momasiku 18 Kotoba 2003, Omupanguli Van Niekerk okwa pe Nakale egeelo lyokufuta oondola/N$1 000 nenge a kala mondholongo oomwedhi mbali.Moshipotha shedhipago lyaashi lyoshiningilawina, moka mwa sile omugundjuka gumwe konima sho ohauto yEpangelo ndjoka Nakale a li ta hingi ya kandomene pokati kOshakati nOutapi momasiku 6 Maalitsa 2005 – moka Nakale a li a humbata aantu omugoyi mOsoondaha, Omupanguli Van Niekerk okwa gandja egeelo kutya Nakale a fute ombuta yoondola/N$6 000 nenge a kale konima yekumba uule womumvo.Etata lyoshimaliwa shoka, nosho wo etata lyondholongo ndjoka, oya kuthwa po ye a kale ina uvikila sha uule womimvo ndatu.Shimwe shomiinima mbyoka a li ta tamanekelwa, osho shoka kutya Nakale okwa longitha omikanda dha kwisha okutula omahooli mohauto ndjoka a li ta longitha pambelewa momasiku 4 gaMaalitsa 2005.Okwa pewa egeelo lyokufuta ombuta yoondola/N$800 nenge a kale konima yekumba oomwedhi mbali moshipotha shoka.Moshipotha shimwe shuulingilingi moka Nakale a li ta tamanekelwa okulongitha oombapila dha kwisha mokutula omahooli mohauto ndjoka, ashike pethimbo okwa li teyi longitha miinima yopaumwene mu Maalitsa 6, 2005, – Nakale okwa pewa egeelo lyokukala mondholongo pwaa na ompito yokufuta ombuta.Omupanguli Van Niekerk okwa gandja egeelo lyondholongo yomumvo gumwe ku Nakale nokugandja elombwelo kutya egeelo ndika okuna okulilongela tali endele pamwe naandyoka lyokulongitha ohauto pwaa na epitikilo lya mwene – sho a longitha ohauto yEpangelo pwaa na epitikilo mu Maalitsa 4, nosho 6 gwomumvo 2005.OngOmutamaneki nomunambelewa gwOmpangu, Nakale okwa li a tegelelwa i ihumbate nawa meni nopondje pOmpangu, Omupanguli Van Niekerk ta popi ngaaka.Nando ongaaka, ngele owa tala kiipotha mbyoka ta tamanekelwa, oto dhimbulula kutya Nakale okwi ihumbata pamukalo itagu opalele omuniilonga gwEpangelo nenge tutye Omutamaneki gwEpangelo, Omupanguli ta popi ngaaka.Osha fa shi li ngeyi kutya Nakale oku li oveta ku yemwene, ta popi ishewe.Ta popi kutya Nakale okwa kala ta monika omunamayele, e na owino meithano lye ongomutamaneki.Nando ongaaka, Nakale okwa fundju iikando oyindji mOmpangu – nosha eta nee omalimbililo kombinga yuukwashili we, ta popi ngaaka.Omupanguli Van Niekerk okwa li a tseyithilwa nkene yina ya Nakale ngoka a li ha longo ongomuwapaleki muuministeli wUundjolowele nOnkalonawa a nana nondatu kombinga yokutuma Nakale kosikola sigo otayi kOyunivesiti hoka a ka za nonzapo muunaveta.Oshinima shi uvitha nayi unene, osho shoka kutya konima yokukondja nuudhigu, Nakale okwa tameke okwiihumbata nayi, Omupanguli Van Niekerk ta popi ngaaka.Omunaveta gwEpangelo Sandra Miller oye a li omutamaneki moshipotha shika.Sisa Namandje oye a li a kalelepo Nakale medhingoloko lya hugunina moshipotha shika.