Ngaye kandi shi nande omutopaguli gwaantu: Nelulu ta ti

M BOKA taya ti kutya ngaye omutopaguli gwaantu, shapo oya li ya hala kutya ngaye omuhanganithi gwaantu, Omunashipundi gwElelo lyAukwanyama tatekulu George Nelulu ngoka wo e li Elenga enene lya Eudaneko mUukwanyama mOshitopolwa sha Hangwena ta ti ngawo moonkundathana dhe nOshifo shika pEenhana mEtitano lyoshiwike sha zi ko.

Metitano ndyoka lya zi ko pEenhana, opwa li oshigongi oshinene nosha simana, moka Ngoloneya gwaHangwena, a li a ithana Elelo lyOpamuthigululwakalo lyUukwanyama, Elelo lya Hangwena newiliko lyoSwapo, ya kundathane onkalo yawo mOshitopolwa noshowo okugandja ompito ku Kansela gwOshikandjohogololo sha Ndobe tate Mandume Pohamba, ngoka wo e li omuhwahwameki gwoSwapo mOhangwena, a yamukule kOmbapila yElelo lyUukwanyama ndjoka ya li ye mu pula kutya omolwashike a tuka Omalenga gUukwanyama poshigongi she shopEdundja meti 31 Mei 2008, sho a ti kutya omalenga gUukwanyama oge shi igilila okukengelela. Moshigongi moka Pohamba okwa ti ye ina popya omalenga agehe nenge Omukwaniilwa gwUukwanyama meekulu Marth Mwadinomho Nelumbu, okwa popya omalenga gamwe.Ashike nee pokati mpoka opwe ke ya omapopyo taga ti kutya omusamane Nelulu oye ta popiwa aniwa ta topagula oshigwana nokukengelela.Omusamane Nelulu ta ti kutya monkalamwenyo ye, sigo okonena ndjika ke na esiku limwe a kembadhalele a ninge sha tashi topola aantu kutya nee omOukwanyama mOshitopolwa sha Hangwena nenge omIitopolwa yilwe moshilongo.Ye wo ke na esiku limwe a kengelele oshigwana.”Sho ndi li ngeyi, kandi na mpoka kandi shiwike, unene tuu muka moNooli, kutya ngaye omukwatakanithikumwe gwoshigwana, kandi shi omutopoli gwasho.Ngele owa yi kOndonga kOmukwaniilwa tatekulu Immanuel Kauluma Elifas naantu ye, ku na okuuva ko taku popiwa kutya Nelulu omutopaguli gwaantu.Ngele owa yi kElenga enene lyUukolonkadhi tatekulu Daniel Shooya naantu yalyo, edhina lyandje oto li adha ko li li nawa na ito uvu ko taku tiwa kutya Nelulu omutopoli gwaantu.Ngele owa yi kOmukwaniilwa gwUukwaluudhi tatekulu Josia Shikongo sha Taapopi, nenge kOmukwaniilwa gwa Ngandjera tatekulu Jafet Munkundi naantu ye, nenge kElenga enene lya Mbalantu tatekulu Oswin Mukulu naantu ye, nenge kUukwambi kElenga enene tatekulu Herman Ndilimani Iipumbu naantu ye, nosho wo kOkalongo kElenga enene lya Kalongo tatekulu Mathias Walaula naantu ye, ito adha ko nando oohapu tadhi ti Nelulu omutopaguli gwaantu.Mboka yomOshitopolwa shetu, taya ti kutya ngame omutopaguli gwaantu, kandi uvite ko kutya oya hala okutya ngiini sho taya ti ngame omutopaguli gwaantu.Shapo oya tumpakanitha oshitya omutopaguli gwaantu noshitya omuhanganithi.Shapo oya li ya hala kutya Nelulu omuhanganithi gwaantu” tatekulu Nelulu ta ti ngawo nokuyeleka onkalo ye.Pethimbo lyoshigongi shomEtitano lya zi ko, pEenhana tatekulu Nelulu okwa li a yamukula wo paufupi kombinga yomapopyo tage mu popilwa kutya ye oshilyo sho RDP.Ta ti kutya ye ke shi oshilyo sho RDP nedhina lye tali popiwa li li membo lyo RDP, olya ya mo ashike sho a li a pulwa kutya ngele ota popile edhikopo lyo RDP.Ta ti ye ke na ko nasha nOongundu dhOpolotika tadhi totwa moshilongo, dhi li pamulandu nopakotampango lyoshilongo.Edhina lye ano olya shangwa ashike sho a gandja eziminino li li ngaaka, molwashoka osho hashi ningwa miilongo tayi lelwa paudemokoli.Tatekulu George Nelulu ta ti kutya ye sigo opo mpaka oku li oshilyo shoSwapo.E na okakalata koSwapo hoka nonuumvo e ka fendela wo nokuli.Ngoka ha popiwa e na ohauto ye kwali yi na epandela lyo RDP haye nande.Ta ti aantu naya tale iinima nawa nokukonakona wo nawa, ihe haku pilika iinima nokulundila aantu.Ashike tatekulu Nelulu, okwa ti kutya ota ningwa nayi noonkondo kiilyo iikwawo yoSwapo nokAawiliki yamwe yoSwapo mOshitopolwa.Ta ti aawiliki yamwe yoSwapo niilyo yimwe yOswapo, oye mu tameka nalenale noku mu lundila.Oomvula dha zile ko, oya li ye mu lundile kutya ye oshilyo sho DTA.Ngashiingeyi ishewe otaku tiwa kutya ye oshilyo sho RDP.”Ano oya halela ndje shike? Omauyelele agehe ngoka tandi lundilwa nago, oonakulundila ndje ohaye ga dha peni ano? Tatekulu Nelulu ta pula nokulombwela oshigongi shoka kutya ngele omalundilo nomaningonayi otaga tsikile nena osha yela kutya Aakwaswapo nani inaye mu halela mo moSwapo, nangele otashi tsikile ngawo otashi vulika shi ke mu thiminike a ye ano ko RDP.”Ngaye omuntu, nangele otandi uhala tandi lundilwa kuyakwetu tu li nayo mongundu yimwe yOpolotika, ano yoSwapo, nokuningwa nayi kuyo, onandi ka kutha etokolo lyokuthiga po ongundu yetu yoSwapo, moka nda monena iihuna oyindji lela nonda hepekelwa nayi omolwayo pethimbo lyuukoloni komukolonyeki gwoshilongo shika, ndele tandi yi ano ko RDP, ngele osho ngawo, “tate Nelulu ta ti ngawo.Sho a ti ngawo aanashigongi yoSwapo oya ti; “Aaye, ino shi ninga nande shoka tatekulu Nelulu”.Tatekulu Nelulu okwa lombwela oshigongi kutya, oshigwana osha pumbwathana.Inashi pumbwa okwiininga nayi nokwiiyundagula ngawo.”Atuheni otwiipumbweni.Ashike mOshitopolwa shetweni sha Hangwena, omu na aanyasha taya yono uukumwe, ombili, omalandulathano noonkulunkedhi dhoshilongo, na oye na okukumagidhwa ya ethe po omikalo ndhoka, oshoka ihadhi tungu, ihadhi tula kumwe oshigwana.Otadhi yonagula onkalo ombwanawa yesiku kehe nombili yopokati komuntu nomuntu mOshitopolwa nomoshilongo shi na euvathano elandulatnano nombili, ya pumbwa ashike yi kalekwe po nawa ndele Namibia ta yi komeho nombili ye,” Tatekulu Nelulu ta ti ngawo.Moshigongi moka Pohamba okwa ti ye ina popya omalenga agehe nenge Omukwaniilwa gwUukwanyama meekulu Marth Mwadinomho Nelumbu, okwa popya omalenga gamwe.Ashike nee pokati mpoka opwe ke ya omapopyo taga ti kutya omusamane Nelulu oye ta popiwa aniwa ta topagula oshigwana nokukengelela.Omusamane Nelulu ta ti kutya monkalamwenyo ye, sigo okonena ndjika ke na esiku limwe a kembadhalele a ninge sha tashi topola aantu kutya nee omOukwanyama mOshitopolwa sha Hangwena nenge omIitopolwa yilwe moshilongo.Ye wo ke na esiku limwe a kengelele oshigwana.”Sho ndi li ngeyi, kandi na mpoka kandi shiwike, unene tuu muka moNooli, kutya ngaye omukwatakanithikumwe gwoshigwana, kandi shi omutopoli gwasho.Ngele owa yi kOndonga kOmukwaniilwa tatekulu Immanuel Kauluma Elifas naantu ye, ku na okuuva ko taku popiwa kutya Nelulu omutopaguli gwaantu.Ngele owa yi kElenga enene lyUukolonkadhi tatekulu Daniel Shooya naantu yalyo, edhina lyandje oto li adha ko li li nawa na ito uvu ko taku tiwa kutya Nelulu omutopoli gwaantu.Ngele owa yi kOmukwaniilwa gwUukwaluudhi tatekulu Josia Shikongo sha Taapopi, nenge kOmukwaniilwa gwa Ngandjera tatekulu Jafet Munkundi naantu ye, nenge kElenga enene lya Mbalantu tatekulu Oswin Mukulu naantu ye, nenge kUukwambi kElenga enene tatekulu Herman Ndilimani Iipumbu naantu ye, nosho wo kOkalongo kElenga enene lya Kalongo tatekulu Mathias Walaula naantu ye, ito adha ko nando oohapu tadhi ti Nelulu omutopaguli gwaantu.Mboka yomOshitopolwa shetu, taya ti kutya ngame omutopaguli gwaantu, kandi uvite ko kutya oya hala okutya ngiini sho taya ti ngame omutopaguli gwaantu.Shapo oya tumpakanitha oshitya omutopaguli gwaantu noshitya omuhanganithi.Shapo oya li ya hala kutya Nelulu omuhanganithi gwaantu” tatekulu Nelulu ta ti ngawo nokuyeleka onkalo ye.Pethimbo lyoshigongi shomEtitano lya zi ko, pEenhana tatekulu Nelulu okwa li a yamukula wo paufupi kombinga yomapopyo tage mu popilwa kutya ye oshilyo sho RDP.Ta ti kutya ye ke shi oshilyo sho RDP nedhina lye tali popiwa li li membo lyo RDP, olya ya mo ashike sho a li a pulwa kutya ngele ota popile edhikopo lyo RDP.Ta ti ye ke na ko nasha nOongundu dhOpolotika tadhi totwa moshilongo, dhi li pamulandu nopakotampango lyoshilongo.Edhina lye ano olya shangwa ashike sho a gandja eziminino li li ngaaka, molwashoka osho hashi ningwa miilongo tayi lelwa paudemokoli.Tatekulu George Nelulu ta ti kutya ye sigo opo mpaka oku li oshilyo shoSwapo.E na okakalata koSwapo hoka nonuumvo e ka fendela wo nokuli.Ngoka ha popiwa e na ohauto ye kwali yi na epandela lyo RDP haye nande.Ta ti aantu naya tale iinima nawa nokukonakona wo nawa, ihe haku pilika iinima nokulundila aantu.Ashike tatekulu Nelulu, okwa ti kutya ota ningwa nayi noonkondo kiilyo iikwawo yoSwapo nokAawiliki yamwe yoSwapo mOshitopolwa.Ta ti aawiliki yamwe yoSwapo niilyo yimwe yOswapo, oye mu tameka nalenale noku mu lundila.Oomvula dha zile ko, oya li ye mu lundile kutya ye oshilyo sho DTA.Ngashiingeyi ishewe otaku tiwa kutya ye oshilyo sho RDP.”Ano oya halela ndje shike? Omauyelele agehe ngoka tandi lundilwa nago, oonakulundila ndje ohaye ga dha peni ano? Tatekulu Nelulu ta pula nokulombwela oshigongi shoka kutya ngele omalundilo nomaningonayi otaga tsikile nena osha yela kutya Aakwaswapo nani inaye mu halela mo moSwapo, nangele otashi tsikile ngawo otashi vulika shi ke mu thiminike a ye ano ko RDP.”Ngaye omuntu, nangele otandi uhala tandi lundilwa kuyakwetu tu li nayo mongundu yimwe yOpolotika, ano yoSwapo, nokuningwa nayi kuyo, onandi ka kutha etokolo lyokuthiga po ongundu yetu yoSwapo, moka nda monena iihuna oyindji lela nonda hepekelwa nayi omolwayo pethimbo lyuukoloni komukolonyeki gwoshilongo shika, ndele tandi yi ano ko RDP, ngele osho ngawo, “tate Nelulu ta ti ngawo.Sho a ti ngawo aanashigongi yoSwapo oya ti; “Aaye, ino shi ninga nande shoka tatekulu Nelulu”.Tatekulu Nelulu okwa lombwela oshigongi kutya, oshigwana osha pumbwathana.Inashi pumbwa okwiininga nayi nokwiiyundagula ngawo.”Atuheni otwiipumbweni.Ashike mOshitopolwa shetweni sha Hangwena, omu na aanyasha taya yono uukumwe, ombili, omalandulathano noonkulunkedhi dhoshilongo, na oye na okukumagidhwa ya ethe po omikalo ndhoka, oshoka ihadhi tungu, ihadhi tula kumwe oshigwana.Otadhi yonagula onkalo ombwanawa yesiku kehe nombili yopokati komuntu nomuntu mOshitopolwa nomoshilongo shi na euvathano elandulatnano nombili, ya pumbwa ashike yi kalekwe po nawa ndele Namibia ta yi komeho nombili ye,” Tatekulu Nelulu ta ti ngawo.