Ngashiingeyi aalumentu 13 oya lopotelwa uufuthi

AALUMENTU ye li 13 (ya li taya pangulilwa oshipotha shekengeleleo enene) – mboka Ompangu yOpombanda pOshaanda ya popi kutya naya mangululwe, oya lombwele aanavetakalelipo yawo kutya ngashiingeyi oye li mokakuma ya lopotelwa okukala nomayego goondjamba shaa li paveta, oshipotha shedhengo neyako lyooshapi dhohauto.

Sigo ongashiingeyi Opolisi pOshaanda nomOvenduka inayi hala okutya sha kombinga yekwatululopo lyaalumentu mbaka. Osha fa shi li negyi kutya aanavetakalelipo yawo oya hala okuninga eindilo kOmpangu kutya yi lombwele Epangelo li taambeko etokolo lyayo (lyOmpangu) kutya aalumentu mbaka naya ethiwe.Momaandaha goshiwike shika, Omupanguli Elton Hoff okwa popi kutya aalumentu mbaka naya mangululwe molwashoka Ompangu ya Namibia kayi na uuthemba okuya pangulu.Konima sho Omupanguli a ningi etokolo ndika, aalumentu mbaka oya li aniwa ya pewa oondokumende lwopotundi onti: 22h30, moka ya lombwelwa kutya otaya ethiwa.Ihe aniwa konima ashike sho ya pewa oondokumende ndhika, oya li ya lombwelwa kutya oya kwatululwapo shi na sha noshipotha shedhengo, shokukala nomayego goondjamba shaa li paveta noshipotha sheyako lyooshapi dhohauto.Aalumentu mbaka oya holoka mOmpangu ya Mengestrata pOshaanda ongula yEtine lya zi ko, moka Mengestrata Andre le Roux eya lombwele kutya oye na uuthemba okupewa aanavetakalelipo.Le Roux okwe ya lombwele wo kutya oshipotha shawo oshu undulilwa kOmpangu ya Mengestrata po Katima Mulilo, molwashoka aniwa oyo yi na oonkondo oku shi pangula.Mompangu ndjika otaya ka holoka mo oshikando shotango mEtitano ndika twa thinda.Aalumentu mbaka oyo John Samboma, ngoka ta ka popiwa kutya okwa li Komanda gwongundu yOorebele ya Caprivi Liberation Army, ndjoka taku popiwa kutya oyo ya ningi oshiponokela shonkambadhala yokuteta ko oshitopolwa sha Caprivi ku Namibia momasiku 2 ga August 1999.Yalwe oyo mumwayinamati Charles Samboma, Ricahard Liabno Misuha, Oscar Muyuka Puteho, Richard John Samati, Moses Limbo Mushwena, Thaddeus Siyoka Ndala, Martin Siona Tubaundule, Oscar Nyambe Puteho, Charles Mafenyeho, Mushakwa, Fred Maemelo Ziezo, Andreas Mulupa naOsbert Mwenyi Likanyi.Osha fa shi li negyi kutya aanavetakalelipo yawo oya hala okuninga eindilo kOmpangu kutya yi lombwele Epangelo li taambeko etokolo lyayo (lyOmpangu) kutya aalumentu mbaka naya ethiwe. Momaandaha goshiwike shika, Omupanguli Elton Hoff okwa popi kutya aalumentu mbaka naya mangululwe molwashoka Ompangu ya Namibia kayi na uuthemba okuya pangulu. Konima sho Omupanguli a ningi etokolo ndika, aalumentu mbaka oya li aniwa ya pewa oondokumende lwopotundi onti: 22h30, moka ya lombwelwa kutya otaya ethiwa. Ihe aniwa konima ashike sho ya pewa oondokumende ndhika, oya li ya lombwelwa kutya oya kwatululwapo shi na sha noshipotha shedhengo, shokukala nomayego goondjamba shaa li paveta noshipotha sheyako lyooshapi dhohauto. Aalumentu mbaka oya holoka mOmpangu ya Mengestrata pOshaanda ongula yEtine lya zi ko, moka Mengestrata Andre le Roux eya lombwele kutya oye na uuthemba okupewa aanavetakalelipo. Le Roux okwe ya lombwele wo kutya oshipotha shawo oshu undulilwa kOmpangu ya Mengestrata po Katima Mulilo, molwashoka aniwa oyo yi na oonkondo oku shi pangula. Mompangu ndjika otaya ka holoka mo oshikando shotango mEtitano ndika twa thinda. Aalumentu mbaka oyo John Samboma, ngoka ta ka popiwa kutya okwa li Komanda gwongundu yOorebele ya Caprivi Liberation Army, ndjoka taku popiwa kutya oyo ya ningi oshiponokela shonkambadhala yokuteta ko oshitopolwa sha Caprivi ku Namibia momasiku 2 ga August 1999. Yalwe oyo mumwayinamati Charles Samboma, Ricahard Liabno Misuha, Oscar Muyuka Puteho, Richard John Samati, Moses Limbo Mushwena, Thaddeus Siyoka Ndala, Martin Siona Tubaundule, Oscar Nyambe Puteho, Charles Mafenyeho, Mushakwa, Fred Maemelo Ziezo, Andreas Mulupa naOsbert Mwenyi Likanyi.