LAGOS -Onkundana okuzilila ku Lagos sha Nigeria otayi ti kutya ongundu yimwe yaantu taya kondjitha uukiliminola moshilongo shika, oya gandja oshikombo kOpolisi shoka tayi ti kutya oshi li omufudhi a li hala okuyaka po ohauto yimwe,ngoka a li a longitha uulodhi wokukala molupe lwoshikombo.
Oshifokundaneki sha Vanguard, shimwe shomiifokunaneki iinene mu Nigeria, mEtitano lya zi ko osha li sha lopota kutya aalumentu yaali oya li ya kambadhala okuyaka po ohauto yo Mazda omasiku gatatu ga piti po moshitopolwa sha Kwara.Gumwe gwomaalumentu mbaka okwa li nee aniwa i itula molupe lwoshikondo, sho iilyo yongundu tayi kondjitha uukilimonola ye mu tula mokoona.Omugandjimulombo gwOpolisi moshitopolwa sha Kwara okwa ti ‘omufuthifekelwa a homata’ ota ka kala mokakuma shigo omakonakono gOpolisi ga pu. Oshikombo shika osha li shu ulikilwa aanankundna mondoolopa ya Ilorini, shoka osho shi li ondoolopa onene moshitopolwa shika.Ihe omapopyo ngaka oga li ga ekelwahi kOmugandjimulombo gwOpolisi yOpashigwana, Emmanuel Ojukwu. Ojukwu okwa ti aantu mbaka oyo ya kwata po oshikombo, taye shi vala kOpolisi nosho wo kiikundaneki.Omaitaalo goshiluudhe ngashi ndika tali ti kutya omuntu oha vulu okuya molupe lwoshinamwenyo, oge li mo ogendji mu Nigeria. Omutoolinkundana gwo BBC mu Abuja, Andrew Walker, okwa ti aakwashigwana oye li ya tala mongundu ndjika mokuya gamena kaalongi yiikulumuna, momahala moka Opolisi ihayi ningi oopatolola uusiku.Innocent Chukwuma gwehangano li na sha nuuyuuki lyedhina Cleen Foundation,okwa ti Aapolisi yAaNigeria oye endwa kokule kelongo noonkondo.’Aapolisi yamwe kaye na nelongo lyOsekundosikola, omanga Opolisi yi na oshilonga oshinene shokukonga aantu mbaka nokuya kutha mo (moshigwana.’ – Nampa-AP-BBC
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
