Nero ina pewa ombooloha

SYDNEY Nero, ngoka ta ku popiwa kutya okwa fikepo ombashu yimwe mu Katutura omasiku ga zi ko e ta mu sile aantu yaali nokweehamekelwa yaali, okwa li a ningi eindilo a pewa Omukalelepo gwopaveta.

Nero okwa li a holoka lwotango mOmpangu ya Mengestrata mu Katutura ohela,a lopotelwa iipotha iyali yonkambadhala yedhipago noshefikopo lyolukalwa.Konima sho e si ulike kutya okwa hala okupewa Omukalelipo gwopaveta, oshipotha she oshuundulilwa komasiku 3 ga Maalitsa 2011 eta shuna konima yekumba.Konima sho a kala nokuholama Opolisi uule wethimbo lya thika poshiwike shimwe, Nero okwa li a kwatelwa Keetmanshoop ehuliloshiwike lya zi ko.Nero (35) ota ku popiwa kutya okwa li a tule omahooli gopetolola kombashu yimwe mu Katutura ehuliloshiwike lya zi ko e tayi tsu ondalu.Hendrina Matroos (30) nokamonamati koomvula hetatu, Albertino – oya li ya si sho ya pile mombashu ndjika. Aanona ye yaakadhona ye li yaali nomonamati gumwe, oye li natango taya mono epangelo mOshipangelo.Inspekta omukuluntu Fabian Musweu, okwa ti Nero okwa li a lwatelwa po Keetmanshoop uusiku wEtine lyoshiwike sha zi ko e e ta shunwa kOvenduka.Otaku popiwa kutya Nero okwa li e wete kutya omuntu gumwe a li pamwe naye okwa yaka po ongodhi ye yoseulula na okwa li a tokola oku ka thika moshipala yina yomuntu nguka kombinga yoshinima shika.Omukulukadhi nguka okwa li nee aniwa a tameke okuumana na Nero sigo a ti kutya ‘Shoka te ka ninga oto shi mono.’