Nepando a pewa oomvula 30 mondholongo

T EOPHELUS Nghilongwa Nependo (31) gwomomukunda Ongha mUukwanyama ngoka komatango geti 16 Oktoba 2004 a dhipaga Paulina Johannes sho e mu tete othingo nekatana, okwa monika ondjo mOmpangu yOpombanda mOshakati mEtine lyoshiwike sha zi ko nokupewa egeelo lyoomvula 30 mondholongo.

Paulina Johannes nguka oku na uunona na Nepando noya li ya kala pamwe megumbo limwe mOngha moka. Nepando okwa li ta pangulilwa iipotha itatu.Iyali yomatilitho naashoka nee shedhipago.Otaku tiwa kutya meti 13 Oktoba 2004, Nepando okwa li a nyenyetele Paulina noku mu kuthila ekatana e mu hahale nalyo.Paulina okwa kutha okanona ke okashona nokuya kegumbo lyaakuluntu ye.Nepando meti 16 Oktoba 2004 okwe mu landulile ko noku mu heka ya shune kegumbo.Paulina okwa itaala noyi itula ondjila ya shune kegumbo lyawo.Mondjila moka, Nepando okwa pilukile po Paulina nokwe mu kuthile ekatana, e mu dhipage.Paulina okwa li e na okanona, hoka aniwa Nepando e ke mu kutha noku ka tula lwaampeyaka, pevi.Ta hata po Paulina noku mu teta othingo nekatana ndjoka.Manga ya li taya kondjo, ta hata po Paulina ngawo, pokuma mpoka opwa ende omumati gumwe gwopomukunda gwawo mpoka.Paulina sho e mu mono okwe mu igidha a ka lombwele kegumbo kutya Nepando okwa hala oku mu dhipaga.Omumati ngoka okweendelele noku ke shi popya kegumbo hoka.Egumbo kalya li kokule niihwa mpoka Nepando na Paulina ya li taya kondjithathana.Kegumbo okwa zi meme gumwe, nokwa endelel pamw enomumati ngoka e ke ya lombwelele.Sho ngaa taya hala okuthika mpoka pu na Nepando na Paulina, oye wete Nepando ta zi kombanda ya Paulina ngoka a lala pevi.Nepando okwa li aniwa a hala oku ya pilukila po nekatana, noya fe taya fadhuka po kashona.Nepando pu Paulina mpoka okwa zi po nokuya.Meme ngoka nomumati ngoka, oye ya po noya adha Paulina a lala mpoka a sa e li kohi yombinzi, a tetwa othingo nekatana.Nepando okuza mpoka nani okwa yi kOpolisi noku ka lopota kutya okwa dhipaga omukulukadhi gwe Paulina sho ya li taya tamanana.Opolisi oye ya yi konaakone nokonima oya kwata po Nepando noku mu ningila iipotha itatu.Shotango sho a li a hala okuhahala Paulina nekatana meti 13 Oktoba 2004, shedhipago, nashi wo a tilitha meme nomumati ngwiya nekatana, konima sho a dhipaga Paulina.Nepando sho a holoka lwotango mOmpangu ndjika yOpombanda, komeho gOmupanguli Louis Muller, ta lopotelwa kOmweetipo gwIipotha Heidi Jacobs, omanga ye, Nepando, a kalelwa po ku Hahende Frieda Kishi ngoka e mu pewa kOshikondo shi na sha nokupopila, okwa ti ke na ondjo miipotha ayihe mbika itatu.Medhipago, Nepando okwa lombwele Ompangu kutya Paulina oye mwene i iteta othingo nekatana, sho ya li taye li kondjele naye, manga e mu kaatumba mela, ta kambadhala e li mu kuthe.Kutya meti 13 Oktoba 2004 okwa tilitha Paulina nekatana nosho wo nee meme ngwiyaka nomumati, esiku Paulina a hulitha, okwa ti kutya kapu na oshinima shatya ngaaka.Kombinga yiipotha iyali yomatilitho, Hahende Kishi okwa indile kOmpangu kutya mbyoka nayi ekelwehi, molwashoka kapu na omaumbangi ga yela.Omupanguli Muller okwa itaala naye kutya kapu na omaumbangi ga yela nokwa mono Nepando ke na ondjo muyo.Ashike okwe mu mono ondjo moshipotha shedhipago, kutya oye naanaa a dhipaga Paulina.Paulina ini iteta mwene ngashi ta ti.Shi na sha nokupewa egeelo, Nepando okupitila mu Hahende gwe okwa lombwele Ompangu kutya a pewe egeelo ehwepo.Nepando ta lombwele Ompangu kutya oku na uunona utano mboka a kala ha kwathele manga ina kwatwa po.Ta lombwele wo Ompangu kutya oku na Ombuto yoHIV nokwa pumbwa okukala ta mono epango.Ta ti wo kutya ezimo lye otashi vulika lya futa nale ombinzi nedhipago lya Paulina pamuthigululwakalo na okwiipa ombedhi mu shoka a ninga.Nakukalelapo Epangelo, Efolo Jacobs, okwa lombwele Ompangu kutya ayihe mbyoka tayi popiwa, paipopilo, ku Nepando oyowala.Ta ti oshinima shoka a ninga shokudhipaga Paulina iipundjamenye oshinene noshopaumbalimbali.Jacobs ta ti Nepando okwiilongela okugeelwa unene kEpangelo nokoshigwana.Shi na sha nuunona, Jacobs okwa ti uunona otau kala ashike wu li naamboka ya kala nawo pethimbo e li mondholongo.Shi na sha nomukithi ngoka ta popi, Jacobs okwa ti shoka kashi shi omukundu mondholongo molwashoka otaka mona epango oshali nokuli.Ta indile kOmpangu yi mu pe egeelo lyoomvula 35 mondholongo, oshoka okwa yona eyono enene.Omupanguli Muller okwa ti kutya okwa pulakena nawa komaumbangi agehegehe nokwa uva wo nawa kombinga ayihe yonkalo ya kundukidha Nepando.Ashike, nande ongawo, naye okuuvite kutya Nepando okwa yona eyono enene nokwiilongela egeelo lya kwata miiti.”Nepando okwa kutha ekatana a ka dhipage Paulina na osho a ningi shili, onkee nee shoka a ningi kashi shi okwiidhidhimikilwa nande, oku na okupewa egeelo enene ndjoka tali kala oshiholelwa kukehe ngoka taka hala okuninga ngashi a ningi,” Omupanguli Muller ta ti.Ta ti wo kutya iiningomwa mbika yomadhipago, ohayi kala tayi leshwa kehe ethimbo miifokundaneki.Tayi uvika mOoradio nokumonika wo mOotelevisi, nOompangu nee odha tulwa meshongo enene, moka dhi na okugandja omageelo ga yaga kegonga koonakudhipaga mbaka, opo kashi ningwe we.Nande ongawo, Omupanguli Muller okwa popi wo eipulo lye miinima mbika yomadhipago negandjo lyomageelo ngaka, ta ti kutya omageelo taya gandja mOompangu otaga kwatha ngaa mokumweneka omadhipago ngaka, nenge ahawe? Ta ti oshigwana kashi inekele ashike momageelo omanene taga pewa oonakuyona kOompangu, ihe shi kondje okukelela omauwinayi ngoka pamukalo gwokwiiputudhila onkalo ombwanawa, ye simaneko lyuuntu womuntu nokusimaneka Oveta nElandulathano.”Ano, Nepando owa yona eyono enene notandi ku pe egeelo lyoomvula omilongondatu mondholongo,” Omupanguli Muller ta lombwele Nepando ngawo sho te mu tokola noku mu tuma kondholongo ngawo.Nepando okwa li ta pangulilwa iipotha itatu.Iyali yomatilitho naashoka nee shedhipago.Otaku tiwa kutya meti 13 Oktoba 2004, Nepando okwa li a nyenyetele Paulina noku mu kuthila ekatana e mu hahale nalyo.Paulina okwa kutha okanona ke okashona nokuya kegumbo lyaakuluntu ye.Nepando meti 16 Oktoba 2004 okwe mu landulile ko noku mu heka ya shune kegumbo.Paulina okwa itaala noyi itula ondjila ya shune kegumbo lyawo.Mondjila moka, Nepando okwa pilukile po Paulina nokwe mu kuthile ekatana, e mu dhipage.Paulina okwa li e na okanona, hoka aniwa Nepando e ke mu kutha noku ka tula lwaampeyaka, pevi.Ta hata po Paulina noku mu teta othingo nekatana ndjoka.Manga ya li taya kondjo, ta hata po Paulina ngawo, pokuma mpoka opwa ende omumati gumwe gwopomukunda gwawo mpoka.Paulina sho e mu mono okwe mu igidha a ka lombwele kegumbo kutya Nepando okwa hala oku mu dhipaga.Omumati ngoka okweendelele noku ke shi popya kegumbo hoka.Egumbo kalya li kokule niihwa mpoka Nepando na Paulina ya li taya kondjithathana.Kegumbo okwa zi meme gumwe, nokwa endelel pamw enomumati ngoka e ke ya lombwelele.Sho ngaa taya hala okuthika mpoka pu na Nepando na Paulina, oye wete Nepando ta zi kombanda ya Paulina ngoka a lala pevi.Nepando okwa li aniwa a hala oku ya pilukila po nekatana, noya fe taya fadhuka po kashona.Nepando pu Paulina mpoka okwa zi po nokuya.Meme ngoka nomumati ngoka, oye ya po noya adha Paulina a lala mpoka a sa e li kohi yombinzi, a tetwa othingo nekatana.Nepando okuza mpoka nani okwa yi kOpolisi noku ka lopota kutya okwa dhipaga omukulukadhi gwe Paulina sho ya li taya tamanana.Opolisi oye ya yi konaakone nokonima oya kwata po Nepando noku mu ningila iipotha itatu.Shotango sho a li a hala okuhahala Paulina nekatana meti 13 Oktoba 2004, shedhipago, nashi wo a tilitha meme nomumati ngwiya nekatana, konima sho a dhipaga Paulina.Nepando sho a holoka lwotango mOmpangu ndjika yOpombanda, komeho gOmupanguli Louis Muller, ta lopotelwa kOmweetipo gwIipotha Heidi Jacobs, omanga ye, Nepando, a kalelwa po ku Hahende Frieda Kishi ngoka e mu pewa kOshikondo shi na sha nokupopila, okwa ti ke na ondjo miipotha ayihe mbika itatu.Medhipago, Nepando okwa lombwele Ompangu kutya Paulina oye mwene i iteta othingo nekatana, sho ya li taye li kondjele naye, manga e mu kaatumba mela, ta kambadhala e li mu kuthe.Kutya meti 13 Oktoba 2004 okwa tilitha Paulina nekatana nosho wo nee meme ngwiyaka nomumati, esiku Paulina a hulitha, okwa ti kutya kapu na oshinima shatya ngaaka.Kombinga yiipotha iyali yomatilitho, Hahende Kishi okwa indile kOmpangu kutya mbyoka nayi ekelwehi, molwashoka kapu na omaumbangi ga yela.Omupanguli Muller okwa itaala naye kutya kapu na omaumbangi ga yela nokwa mono Nepando ke na ondjo muyo.Ashike okwe mu mono ondjo moshipotha shedhipago, kutya oye naanaa a dhipaga Paulina.Paulina ini iteta mwene ngashi ta ti.Shi na sha nokupewa egeelo, Nepando okupitila mu Hahende gwe okwa lombwele Ompangu kutya a pewe egeelo ehwepo.Nepando ta lombwele Ompangu kutya oku na uunona utano mboka a kala ha kwathele manga ina kwatwa po.Ta lombwele wo Ompangu kutya oku na Ombuto yoHIV nokwa pumbwa okukala ta mono epango.Ta ti wo kutya ezimo lye otashi vulika lya futa nale ombinzi nedhipago lya Paulina pamuthigululwakalo na okwiipa ombedhi mu shoka a ninga.Nakukalelapo Epangelo, Efolo Jacobs, okwa lombwele Ompangu kutya ayihe mbyoka tayi popiwa, paipopilo, ku Nepando oyowala.Ta ti oshinima shoka a ninga shokudhipaga Paulina iipundjamenye oshinene noshopaumbalimbali.Jacobs ta ti Nepando okwiilongela okugeelwa unene kEpangelo nokoshigwana.Shi na sha nuunona, Jacobs okwa ti uunona otau kala ashike wu li naamboka ya kala nawo pethimbo e li mondholongo.Shi na sha nomukithi ngoka ta popi, Jacobs okwa ti shoka kashi shi omukundu mondholongo molwashoka otaka mona epango oshali nokuli.Ta indile kOmpangu yi mu pe egeelo lyoomvula 35 mondholongo, oshoka okwa yona eyono enene.Omupanguli Muller okwa ti kutya okwa pulakena nawa komaumbangi agehegehe nokwa uva wo nawa kombinga ayihe yonkalo ya kundukidha Nepando.Ashike, nande ongawo, naye okuuvite kutya Nepando okwa yona eyono enene nokwiilongela egeelo lya kwata miiti.”Nepando okwa kutha ekatana a ka dhipage Paulina na osho a ningi shili, onkee nee shoka a ningi kashi shi okwiidhidhimikilwa nande, oku na okupewa egeelo enene ndjoka tali kala oshiholelwa kukehe ngoka taka hala okuninga ngashi a ningi,” Omupanguli Muller ta ti.Ta ti wo kutya iiningomwa mbika yomadhipago, ohayi kala tayi leshwa kehe ethimbo miifokundaneki.Tayi uvika mOoradio nokumonika wo mOotelevisi, nOompangu nee odha tulwa meshongo enene, moka dhi na okugandja omageelo ga yaga kegonga koonakudhipaga mbaka, opo kashi ningwe we.Nande ongawo, Omupanguli Muller okwa popi wo eipulo lye miinima mbika yomadhipago negandjo lyomageelo ngaka, ta ti kutya omageelo taya gandja mOompangu otaga kwatha ngaa mokumweneka omadhipago ngaka, nenge ahawe? Ta ti oshigwana kashi inekele ashike momageelo omanene taga pewa oonakuyona kOompangu, ihe shi kondje okukelela omauwinayi ngoka pamukalo gwokwiiputudhila onkalo ombwanawa, ye simaneko lyuuntu womuntu nokusimaneka Oveta nElandulathano.”Ano, Nepando owa yona eyono enene notandi ku pe egeelo lyoomvula omilongondatu mondholongo,” Omupanguli Muller ta lombwele Nepando ngawo sho te mu tokola noku mu tuma kondholongo ngawo.