NDP ta kondjele aathigona naamboka kaa na ewi

ONGUNDU yUudemokoli yOpashigwana (NDP) oya ti oyo ewi lyaamboka kaa na ewi, na ota yi ka soshimpwiyu kutya aayamba ita ya yambapala unene dho oohepele ita dhi hepelele.

Pahapu dhomuwiliki gwoNDP Martin Lukato, ongundu ye oya dhikwa nale okuza mo 2003, nonando nduka olwo lwotango ongundu ta yi kuthombinga momahogololo gopashigwana.’Eigidho lyetu olyo ndika; Ethimbo olya thika’ sho ta tu kondjele uuthemba waantu ayehe yomazimo agehe moshilongo ashihe ya kale taya li iiyimati yemanguluko’ osho a lombwele oThe Namibian momaandaha.’Ota tu indile aahogololi opo ya hogolole ongundu yetu yoNDP ndjoka yi lilepo ewi lyaamboka kaana ewi. Tse otwa hala oshilongo shina omapangelo giithikamena etata molupe lwoshilongo shuufederale, moka iitopolwa ayihe 13 yi na oonkondo dhokwiilela yoyene.Omanga ekotampango lyoshilongo ota li ti Namibia osho oshilongo shimwe tashi lelwa kepangelo limwe.NDP oyo ongundu yotango moNamibia yi na omusholondondo guna aapevi presidende ye li yane mwaashoka ta yi ithana, omuzizimba kabinete kayo. Ota yi kala woo yi na omuprima minista nomupevi gwevi pahapu dha Lukato.