O
MUKALIMO gwomomukunda Otshandumbara mUukwambi mOshitopolwa sha Shana, Remarkus Amutenya Ingamutshiza Ndoroma okwa mana oondjenda dhe ombaadhilila meti 16 Septemba 2010 mOshipangelo shOpaumwene sha Ngwediva konima sho a hakukilwa kuuwehame ombaadhilila lela.
Otaku tiwa kutya esiku ndyoka, nakusa Ndoroma, ngoka a kala Omwiindjinia gwOkufikila iitenda nosho tuu, okwa li a kankamekwa kOpolisi lwopOngwediva lwaampoka, tayi ti oya hala okuhadha ohauto ye. Sho ngaa aniwa a zi mo nokupula Opolisi kutya oya hala okuhadhela ohauto ye shike, Opolisi naamboka ya li po, oya mono ashike sho ta wewetele nokwiihata po. Opolisi tayi endelele noku mu fala kOshipangelo kOshakati hoka a zi tayi ku shOpaumwene sha Ngwediva, hoka a hulithila.Nakusa Remarkus Ndoroma, omumwayinamati gwa, Frans Ndoroma Omukuluntuwiliki gwa Telecom Namibia nokwa thiga ko yina Agatha Tshirunga noyana yahamano, ota fumvikwa nena momawendo omape ga Mege mOtshandumbara okuzilila pegumbo lya yina Agatha Tshirunga mOtshandumbara moka. Oshituthidhimbuluko she osha li ko ohela pegumbo lya yina pOtshandumbara mpoka nOshifo shetu otashi gandja omahekeleko koonakuthigwapo atuheni.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
