Ndohotola yomayego ota vulu oku shangwa

OMUNDOHOTOLA gwomayego omvalele ya Namibia , ha longele mo Britania okwa pewa ompito opo iishangithe opo a longe moNamibia ongo omundohotola gwomayego.

Pandulei Itula okwa ningi konyala omimvo omulongo ta kondjo opo uulongelwe we wuundohotola mboka a pita ko Engeland wu taambweko nokuyalulwa koRaata yUunamiti nOmayego ya Namibia. Etitano lya yi Ohofa yOpombanda ya Venduka oya tokola kutya omundohotola nguka ota vulu oku shangwa koRaata ndjoka nokuyalulwa a longwa shoka tati okwa longwa. Itula okwa ningile eindilo lye okushangwa kOraata ndjika momumvo 2001 ongo ondohotola yomayego moshilongo , ndele eindilo lye olya li lya tindwa kOraata ndjoka mu June 2008.Etokolo ndyoka oli itulilwa kOhofa, metokolo lya gandjwa komupanguli, Kato van Niekerk, na okwa lombwele oRaata yUunamiti nOmayego ya Namibia opo yi tale eindilo lya Itula, pamautho ngoka gelipo. Oraata oya lombwelwa woo yi fute iimaliwa yoohahende dha ndohotola Itula.Omundohotola nguka okuna okapangelo komayego mo Whitley Bay oshilando shili popepi na Newcastle muumbangalantu zilo wa England. Okwiilonga mo University ya Bristol Dental School mo England noku pewa onzapo oku longa ongo ondohotola yomayego momumvo 1994 . Momumvo 1998 okwa mono onkatu yuumaster muundhohotola womayego moUnivesiti ya Sheffield. Itula okwa ti oonzapo ndhoka odhe mupe uuthemba wa gwana okwiishangitha ongo ondohotola moNamibia.Eindilo lye okushangithwa ongo ondohotola yomayego olya li lya tindwa netompelo kutya kapwali omautho ngoka ge na okushangwa ngaashi sha uthwa koveta Medical and Dental Act yomumvo 2008. Itula okwa ti omanga eindilo lye lya tindwa, Oraata ndjoka oya kala tayi yalula oondohotola dhomayego dhospeciale omimvo ndhoka, ndele eindilo lye olyo alike lya li lya ethiwa. Itula okwa ti shika kashi li nawa nokashili payuki, kutya ota tindilwa oku longa iilonga yuunganga womayego mboka a longwa, okushininga moshilongo shooyinakulu. Oraata oya ti ishewe aniwa kakele komautho gaalipo, omundohotola Itula aniwa ka li a gandja uumbangi mboka tawu ulike kutya okwiilonga shili uule womimvo ne kombinga yomayego.Itula kombinga ye okwa ti Oraata ya kwaalukehe yoondohotola dhomayego yEngland oya ulike kutya ye okwa longwa shagwana okulonga ongo omundohotola gwomayego . Okwa li a hokololele Ohofa kutya okwa hala oku tsakanena nOraata ndjoka oshipala noshipala moonkundathana. Ndele shika osha tindwa.