Nda ningilwa iinima iinene kaakwawo yomusamane gwandje: Esther

O MUKALIMO gwomOuhongo wa Matheus popepi nEngela mUukwanyama meme Esther Ndahafa Hamutenya (56) okwe yile kOshifo shika omasiku ga zi ko yo na kapatashu komomukunda ngoka tatekulu Fredrich Nghishikungu (72), ta hokolola nkene a talithwa omalwa kaakwanezimo yomusamane gwe nakusa tatekulu Matheus Hangula ngoka a kala mwene gwomukunda Ouhongo wa Matheus.

Esther ota ti omusamane gwe, ya hokana naye paveta, okwa kala omuniilonga kOlange. Ta ti pokati mpoka mo 1996, tate Matheus okwa ehamene kOlange hoka, a li nelondo lyombinzi edhigu nokwa tumwa kegumbo.Sho e ya kegumbo, ina kala we nuukolele nokwa kala omuntu gwoshipangelo.Manga ta ehama, Esther ota ti, aakwanezimo ye inaya kala taye mu talelepo na oye ashike a kala ta kikimba naye.Ta ti aatekulu ye yamwe, sho ya mono kutya hekulu ke li nawa, oya kala taya kondjitha ya pewe omukunda gwe, ashike Elenga enene lyOshikandjo shoka, tate John Moshana, ine gu ya pa kwali, na ishewe okwa fa a li a ulika nale ngoka ta yi momukunda ngoka, ano a li a ulika Kapatashu ke, Nghishikungu.Meme Esther ta ti, aatekulu ye oya kutha po wo oofaalama dhe.Aakwanezimo ya tate Matheus, Esther ta ti, oya kala taya ti kutya oye a lya omusamane gwe sho ta ehama, omanga yamwe ya ti wo kutya aniwa ineya lombwela uuvu womusamane gwe.Meti 27 Oktoba 2007, tate Matheus okwa tameke ta ehama unene noye mu fala koshipangelo sha Ngela nokamonakadhona kawo kamwe.Koshipangelo, esiku ndyoka, okwa thikile ta hulitha.”Oshinima oshikumithi, sha ningwa okuza esiku lyeso lyomusamane gwandje, oosa odha kala momagumbo gaali.Dhimwe odhi li kegumbo lye, ano kaandjetu, omanga dhimwe dha kala kegumbo lyamumwayina gwomukiintu meme Rosalia Mukwahepo Hangula.Aanona yomusamane nayo oya topolwa pokati moosa dhahe.Yamwe (oyendji) ya kala moosa megumbo omanga yamwe ya kala kooyinagona kooMukwahepo.Omanga esiku lyefumviko lyeti 3 Novemba 2007 inali thika, ngame naanona yamwe otwa landa Oshiketha shomudhimba gwomuholike gwandje.Esiku nee ndyoka lyefumviko, manga tu li kegumbo, tatu ilongekidha okuya kokila, mbeyaka yaakwanezimo oya ka kutha ko oshiketha, katu po, nokuya kOkila, e taya tula omusamane gwandje moshiketha ina zalekwa sha, molwashoka sho nda tumu ko tatekulu Nghishikungu, noonguwo dhanakusa, okwa adha nakusa a tulwa nale moshiketha nokulombwelwa kutya yo oye mu tula nale moshiketha ya mana, na shune niikutu ye, nokwa shuna nayo shili.Manga twa tegelela kegumbo ya ete omudhimba gwomusamane gwandje kegumbo, otwa ka uva ashike taku tiwa kutya omusamane gwandje okwa fumvikwa nale manga twa li twe mu tegelela a pite kegumbo lye.Oshinima osha li oshikumithi noshe tu halutha pamwe naanona yandje naayehe ya li moosa.Nande ongawo, onda kutha ongala yandje nokuya pamwe naanona yandje naamboka twa li nayo megumbo komawendo, hoka twa adha aantu ya mana nale nokuli okufila ombila.Tashi ti tse naanona yetu yamwe, aakwanezimo yamwe nookuume ketu yamwe, inatu mona we ompito yokukala pefumviko lye nokutala omuholike gwetu sho ta fumvikwa.Onda li ndi na ongala yokutula kombila yomuholike gwandje noku mu pa elaleko nesimaneko lya hugunina, ngashi oonakuthigwapo yakwetu.Omudhimba gwe inagu ya wo mOngeleka, egalikano aniwa ndyoka lya ningwa po nuupopiwa wontumba, oya ningilwa kohi yomuti gu li lwaampoka, Esther ta popi.Ta gwedha po ta ti kutya omusamane gwe okwa li omuntu a simana moshigwana molwashoka okwa li mwene gwomukunda, naashoka a ningilwa kaakwanezimo ye yamwe, osha li eshundulo.Shoka sha hokololwa ku meme Esther, osha kolekwa wo ku Kapatashu ka nakusa, ano ku tatekulu Nghishikungu, ngoka wo naye a kuminwa shoka sha ningwa moosa dha mwene gwomukunda Ouhongo wa Matheus.Esther ota ti kutya sigo oompaka, onkalo pokati ke naakwanezimo yamwe yomusamane gwe kayi li nawa nota indile kAaleli yOshitopolwa ya tale nawa onkalo ndjoka.Pethimbo oshinyolwa shika tashi yi koshinyanyangidho, inatu vula okumona yamwe yamnaakwanezimo ya tate Matheus.Ta ti pokati mpoka mo 1996, tate Matheus okwa ehamene kOlange hoka, a li nelondo lyombinzi edhigu nokwa tumwa kegumbo.Sho e ya kegumbo, ina kala we nuukolele nokwa kala omuntu gwoshipangelo.Manga ta ehama, Esther ota ti, aakwanezimo ye inaya kala taye mu talelepo na oye ashike a kala ta kikimba naye.Ta ti aatekulu ye yamwe, sho ya mono kutya hekulu ke li nawa, oya kala taya kondjitha ya pewe omukunda gwe, ashike Elenga enene lyOshikandjo shoka, tate John Moshana, ine gu ya pa kwali, na ishewe okwa fa a li a ulika nale ngoka ta yi momukunda ngoka, ano a li a ulika Kapatashu ke, Nghishikungu.Meme Esther ta ti, aatekulu ye oya kutha po wo oofaalama dhe.Aakwanezimo ya tate Matheus, Esther ta ti, oya kala taya ti kutya oye a lya omusamane gwe sho ta ehama, omanga yamwe ya ti wo kutya aniwa ineya lombwela uuvu womusamane gwe.Meti 27 Oktoba 2007, tate Matheus okwa tameke ta ehama unene noye mu fala koshipangelo sha Ngela nokamonakadhona kawo kamwe.Koshipangelo, esiku ndyoka, okwa thikile ta hulitha.”Oshinima oshikumithi, sha ningwa okuza esiku lyeso lyomusamane gwandje, oosa odha kala momagumbo gaali.Dhimwe odhi li kegumbo lye, ano kaandjetu, omanga dhimwe dha kala kegumbo lyamumwayina gwomukiintu meme Rosalia Mukwahepo Hangula.Aanona yomusamane nayo oya topolwa pokati moosa dhahe.Yamwe (oyendji) ya kala moosa megumbo omanga yamwe ya kala kooyinagona kooMukwahepo.Omanga esiku lyefumviko lyeti 3 Novemba 2007 inali thika, ngame naanona yamwe otwa landa Oshiketha shomudhimba gwomuholike gwandje.Esiku nee ndyoka lyefumviko, manga tu li kegumbo, tatu ilongekidha okuya kokila, mbeyaka yaakwanezimo oya ka kutha ko oshiketha, katu po, nokuya kOkila, e taya tula omusamane gwandje moshiketha ina zalekwa sha, molwashoka sho nda tumu ko tatekulu Nghishikungu, noonguwo dhanakusa, okwa adha nakusa a tulwa nale moshiketha nokulombwelwa kutya yo oye mu tula nale moshiketha ya mana, na shune niikutu ye, nokwa shuna nayo shili.Manga twa tegelela kegumbo ya ete omudhimba gwomusamane gwandje kegumbo, otwa ka uva ashike taku tiwa kutya omusamane gwandje okwa fumvikwa nale manga twa li twe mu tegelela a pite kegumbo lye.Oshinima osha li oshikumithi noshe tu halutha pamwe naanona yandje naayehe ya li moosa.Nande ongawo, onda kutha ongala yandje nokuya pamwe naanona yandje naamboka twa li nayo megumbo komawendo, hoka twa adha aantu ya mana nale nokuli okufila ombila.Tashi ti tse naanona yetu yamwe, aakwanezimo yamwe nookuume ketu yamwe, inatu mona we ompito yokukala pefumviko lye nokutala omuholike gwetu sho ta fumvikwa.Onda li ndi na ongala yokutula kombila yomuholike gwandje noku mu pa elaleko nesimaneko lya hugunina, ngashi oonakuthigwapo yakwetu.Omudhimba gwe inagu ya wo mOngeleka, egalikano aniwa ndyoka lya ningwa po nuupopiwa wontumba, oya ningilwa kohi yomuti gu li lwaampoka, Esther ta popi.Ta gwedha po ta ti kutya omusamane gwe okwa li omuntu a simana moshigwana molwashoka okwa li mwene gwomukunda, naashoka a ningilwa kaakwanezimo ye yamwe, osha li eshundulo.Shoka sha hokololwa ku meme Esther, osha kolekwa wo ku Kapatashu ka nakusa, ano ku tatekulu Nghishikungu, ngoka wo naye a kuminwa shoka sha ningwa moosa dha mwene gwomukunda Ouhongo wa Matheus.Esther ota ti kutya sigo oompaka, onkalo pokati ke naakwanezimo yamwe yomusamane gwe kayi li nawa nota indile kAaleli yOshitopolwa ya tale nawa onkalo ndjoka.Pethimbo oshinyolwa shika tashi yi koshinyanyangidho, inatu vula okumona yamwe yamnaakwanezimo ya tate Matheus.