Natango yo po Aus ota ya si enota

AAKALIMO yomokalando Aus muumbugantu woshilongo natango oye na oku teka omeya gawo pokati kotundi 14h00 notundi 1500 esiku kehe.

Pahapu dha Namwater uundilo woku gandja omeya koshilando shika ita u vulu okuhumbatwa oshoka iimaliwa mbyoka yi na okulongithwa oyi li pombanda noonkondo.Pomathimbo gamwe oshilando shika oshishona ohashi vulu okukala nenota uule womasiku gaali nenge gatatu.Omukwatelikomeho gumwe poAus nokuli omunangeshefa pehala mpoka, Johannes Vlees okwa ti osheendo shoka ye a li oshitopolwa osha tsakanene nomuwiliki gwa Namwater mo 26 gaKotoba nelalakano okwaadha epotokonono lyomukundu oya lombwelwa kutya otashi pula iimaliwa yaashi kuyalulwa opo ando ya etelwe omeya mpoka.Osheendo osha li mewiliko lyomuleli gwoshikandjohogolo shaLindili omusamane David Shoombe nelenga lyaa !Aman, David Fredrick.Dawid okwa ti aakalimo yomoshilando shoka oya li ya tegamena kutya ngiika ota pa tungwa omunino oku za kondama ya Naute popepi noKaiti, ndele einekelo lyawo olya hulupo sho ehangano ndyoka lya li ta li konakona shika lya tokola okumweneka iilonga yalyo yomakonakono ngele shika ota shi vulika okulonga Vlees okwa ti omathimbo gamwe aakalimo oya kala kaa yena omeya uule womasiku gaali nenge gatatu yaana meya, shika ohashi ya thiminike opo ya teke omeya ogendji uuna ndoka puna omeya.Ompumbwe yomeya oya holoka konima yemanguluko. Omanga oshilongo inaashi manguluka aakalimo ka ya li ye na ompumbwe yomeya.Vlees ta ti.’Otandi ku uvanekele kutya ando ompumbwe ndjika yomeya oyali mehala limwe kuumbangalantu woshilongo ando epangelo olya ninga po sha nale.’ Vlees ta gwedha ko.Namwater okwa mboola, oombola momudhingoloko gwa Aus ndele ina vula oku mona omeya pehala mpaka.’NAMWATER okwe tu tseyithile kutya oonzo dhomeya poshilando shika odha manuka omeya.