ONGUNDU yopapolitika ompe yedhina Christian Poeple’s Organisation (CPO), oya li ya tseyithwa pambelewa mehuliloshiwike lya zi ko mOvenduka.
Ndjika oyi li opaati ontine tayi totwa mu Namibia muule woomvula mbali.
Omupreisdende gwopakathimbo gwa CP, Mathew Veldskoen, ngoka a li nale Amushanga gwo Swapo pu Warmabab nokwa li wo Okandidaate yo UDF moshikandjohogolo sha Karasburg, oye li a tseyitha opaati ndjika.
Veldskoen okwa ti opaati yawo oyi li opaati ya manguluka, ndjoka kayi shi yAakriste ashike, ihe oyi ikwatelela meitaalo.
Okwa ti opaati yawo oya egulikila aantu ayehe, mboka ye na omakankameno noohedhi. Opaati ndjika inayi shangithwa manga nOkomisi yOmahogololo ya Namibia, ihe Veldskoen okwa yi Okomisi ndjika oye yi tseyithila na otayi ka kala ya shangithwa nOkomisi momasiku 1 ga Auguste, moka omo taya ka ninga Okongresa yayo yotango.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
