Nashenda a kondema eteyo lyOngeleka

O MUMBIISHOFI Omukuluntu gwOngeleki ya Katoolika ka Roma moNamibia Liborius Ndumbukuti Nashenda okwa kondema noonkondo eteyo lyOngeleka ya Katoolika ya Tshaaneko mUukwambi, ndjoka ya tewa koombotsotso okupendukila Olyomakaya geti 9 Februali 2008.

Oombotsotso kadhi shiwike kutya odhi li ngapi uusiku wokupendukila Olyomakaya ngoka geti 9 Februari 2009, odha li dhi iteyele mOngeleka ndjoka ya Tshaaneko konima sho ndha teya omweelo ngoka omunene gwokuya mOngeleka moka. Tadhi teya po gwokangulu kokuzalelwa kOopata nAaningi yElongelokalunga.Tadhi patulula Oosikopa moka mu na oonguyo dhokuninga Omalongelokalunga nosho tuu.Tadhi hanagula nokushinagula ayihe ya li moka, ngiika tadhi kongo iimaliwa.Tadhi kutha iipatululo yOshitabelenakula, moka hamu kala Oohostia oondjapuki noku shi patulula.Dha li tadhi ti kutya ngiika Oshitabelenakula shika oshiketha shiimaliwa nomu na ngiika iimaliwa.Odha yi niipatululo mbyoka yOshitabelenakula nokuthiga omiyelo dhOngeleka dha teka.Aakwanegongalo sho ye ya kOngeleka mOsoondaha yeti 10 Februari 2008, oya adha nee Ongeleka yawo ya teywa ngawo niipatululo yOshitabelenakula ya yiwa nayo.Omuwiliki Omukuluntu gwOngeleka ya Shaaneko, Omulongwadiakoni Eddy Iiyambo, okwa lopota eteyo ndika ku Pata Omukuluntu gwOshikandjo sha Katana Lukas Mosmedi ngoka e shi lopota ku Pata Omukuluntu Omukalelipo gwOmumbiishofi, ano ku Pata Werner Afunde ngoka e shi fala nee kOmumbiishofi Omukuluntu Nashenda.Mokuuva nee oshinima shika Omumbiishofi Omukuluntu Nashenda ota ti kutya okwa halukithwa koshiningwanima shika noonkondo shoombotsotso dha teya Ongeleka ya Tshaaneko.Ta ti shika kashi shi shotango shoombotsotso tadhi teya Ongeleka ya Katoolika moNooli nosho tuu.Ta ti Ongeleka ya Mono, ya Shikulufitu, ya Ombafi, Okafitukakamba noyomOmbaye mo Kuisebmund, nadho odha teyelwe ngashi ndjika ya Tshaaneko.Omumbiishofi Omukuluntu ta ti kutya oombotsotso ndhika kadhi na nande esimaneko lyomwenyo nolyomaliko gaantu notadhi kondjitha ehumokomeho nombepo yedhiminathanepo.”Oongeleka ndhika otwe dhi tunga opo oshigwana sha Kalunga shi vule okugalikanena mo nokusimanekela mo Kalunga kasho, ashike nee oombotsotso otadhi teya po nokuhanagula po omahala Omayapuki ngaka.”Omumbiishofi Omukuluntu Nashenda ta ti nokugwedha ko ta kumagidha oombotostos ndhoka kutya ngele itadhi etha po iilonga yatya ngawo yokwiiholamwene nena nadhi kale dhi shi shi kutya Oveta ya Kalunga noyoshilongo shika otayi kaungaunga nayo, oshoka omaihumbato gawo oga nika oshiponga mokati koshigwana.Omumbiishofi ta ti kutya shika otashi ulike ashike ekanitho lyomikalo mokati koshigwana, oshinima shoka sha pumbwa ohole ya tate Kalunga nokupangwa kuye.Ta ti oshigwana otashi kanitha ombepo yomaiyuvo omawanawa niinakugwanithwapo yasho.”Ethimbo ndika tu li lyeidhiliko olyo ethimbo ewanawa koombotsotso ndhika dhi dhimbulukwe uuwinayi wadho tau dhi ningi nodhi lundulule omitima dhadho, dhi galukile ishewe ku Kalunga kadho ngoka a udha esilohenda , ka geya ta endelele, nokwa udha ohole oyindji lela,” Omumbiishofi Omukuluntu Nashenda ta ti ngawo nokugwedha po ta ti kutya omiyonena dholudhi nduka inadhi kala na kadhi li ashike tashi ningilwa Ongeleka ya Katoolika ka Roma ayike, ihe nOongeleka wo oonkwawo mo Namibia alihe.Onkee, Omumbiishofi Nashenda ta ti, natu tuleni uukuni kumwe nokukondjitha aateyaguli mokati koshigwana shetu.Tadhi teya po gwokangulu kokuzalelwa kOopata nAaningi yElongelokalunga.Tadhi patulula Oosikopa moka mu na oonguyo dhokuninga Omalongelokalunga nosho tuu.Tadhi hanagula nokushinagula ayihe ya li moka, ngiika tadhi kongo iimaliwa.Tadhi kutha iipatululo yOshitabelenakula, moka hamu kala Oohostia oondjapuki noku shi patulula.Dha li tadhi ti kutya ngiika Oshitabelenakula shika oshiketha shiimaliwa nomu na ngiika iimaliwa.Odha yi niipatululo mbyoka yOshitabelenakula nokuthiga omiyelo dhOngeleka dha teka.Aakwanegongalo sho ye ya kOngeleka mOsoondaha yeti 10 Februari 2008, oya adha nee Ongeleka yawo ya teywa ngawo niipatululo yOshitabelenakula ya yiwa nayo.Omuwiliki Omukuluntu gwOngeleka ya Shaaneko, Omulongwadiakoni Eddy Iiyambo, okwa lopota eteyo ndika ku Pata Omukuluntu gwOshikandjo sha Katana Lukas Mosmedi ngoka e shi lopota ku Pata Omukuluntu Omukalelipo gwOmumbiishofi, ano ku Pata Werner Afunde ngoka e shi fala nee kOmumbiishofi Omukuluntu Nashenda.Mokuuva nee oshinima shika Omumbiishofi Omukuluntu Nashenda ota ti kutya okwa halukithwa koshiningwanima shika noonkondo shoombotsotso dha teya Ongeleka ya Tshaaneko.Ta ti shika kashi shi shotango shoombotsotso tadhi teya Ongeleka ya Katoolika moNooli nosho tuu.Ta ti Ongeleka ya Mono, ya Shikulufitu, ya Ombafi, Okafitukakamba noyomOmbaye mo Kuisebmund, nadho odha teyelwe ngashi ndjika ya Tshaaneko.Omumbiishofi Omukuluntu ta ti kutya oombotsotso ndhika kadhi na nande esimaneko lyomwenyo nolyomaliko gaantu notadhi kondjitha ehumokomeho nombepo yedhiminathanepo.”Oongeleka ndhika otwe dhi tunga opo oshigwana sha Kalunga shi vule okugalikanena mo nokusimanekela mo Kalunga kasho, ashike nee oombotsotso otadhi teya po nokuhanagula po omahala Omayapuki ngaka.”Omumbiishofi Omukuluntu Nashenda ta ti nokugwedha ko ta kumagidha oombotostos ndhoka kutya ngele itadhi etha po iilonga yatya ngawo yokwiiholamwene nena nadhi kale dhi shi shi kutya Oveta ya Kalunga noyoshilongo shika otayi kaungaunga nayo, oshoka omaihumbato gawo oga nika oshiponga mokati koshigwana.Omumbiishofi ta ti kutya shika otashi ulike ashike ekanitho lyomikalo mokati koshigwana, oshinima shoka sha pumbwa ohole ya tate Kalunga nokupangwa kuye.Ta ti oshigwana otashi kanitha ombepo yomaiyuvo omawanawa niinakugwanithwapo yasho.”Ethimbo ndika tu li lyeidhiliko olyo ethimbo ewanawa koombotsotso ndhika dhi dhimbulukwe uuwinayi wadho tau dhi ningi nodhi lundulule omitima dhadho, dhi galukile ishewe ku Kalunga kadho ngoka a udha esilohenda , ka geya ta endelele, nokwa udha ohole oyindji lela,” Omumbiishofi Omukuluntu Nashenda ta ti ngawo nokugwedha po ta ti kutya omiyonena dholudhi nduka inadhi kala na kadhi li ashike tashi ningilwa Ongeleka ya Katoolika ka Roma ayike, ihe nOongeleka wo oonkwawo mo Namibia alihe.Onkee, Omumbiishofi Nashenda ta ti, natu tuleni uukuni kumwe nokukondjitha aateyaguli mokati koshigwana shetu.