Nantu ita ka ninga we ekanka

EPANGELO nehangano lyaalongisikola lyedhina Namibia National Teachers’ Union (Nantu) oya tsukumwe okweekelahi ethaneko lyegwedhelo lyoondjambi dhaalongisikola aakuluntu opo ku ningwe etsokumwe epe ndyoka tali ka nyanyudha oongundu ndhika mbali.

Padhiladhilo lyotango kombinga yokunawapeka oondjambi nomauwanawa galwe gaalongisikola, oshinima shika osha li tashi ka pula Epangelo okapandi koomiliyuna omathele gatano (N$500 million). Opwa piti owala oowili dhontumba konima yehololomadhiladhilo lyaalongisikola nosho wo konima sho Ominista yOmauyelele nIikwakutumamawi-mombepo, Netumbo Nandi-Ndaitwah, Nantu okwa ethapo omadhilaadhilo gokunawapeka oondjambi dhaalongisikola patsokumwe ndyoka a li ta popi lya ningilwe omathimbo ga zi ko.Komufala gwAaniilonga Matthew Shinguadja okwa lombwele The Namibian mEtitatu kutya oongundu ndhika mbali odha zimine okweekelahi edhilaadhilo lyotango nokwaadha etsokumwe epe.Uuministeli wElongo owa pewa iiwike iyali moka u na okukala wa holola po etsokumweuvathano epe ndyoka li na okuziminwa ku Nantu omanga ina li tulwa momake gOkabinete noku ziminwa.Oshinima shika oshipe osha kaleke omatilitho gekanka molwashoka Epangelo olya uvaneke okunawapeka oondjambi dhaalongisikola konyala ye li 12 200 mboka ye lilwe po ku Nantu.Aalongisikola yalwe ye li 6 300 lwaampoka oye li mewilikongundu, yamwe kaye na oonzapo omanga yalwe ye li aalongi miiputudhilo yopaungomba mboka inaya kwatelwa moonkundathana ndhika.Amushanga omukuluntu mUuministeli wElongo Vitalis Ankama okwa popi kutya nando nee euvathano ndika itali vulu omanga okwiithanwa etsokumweuvathano, oongundu ndhika mbali odha tsukumwe okweekelahi edhilaadhilo lyotango.Ankama okwa gandja oshiholelwa kutya pauvathano ndyoka Nantu a hala lya tulwa miilonga omulongi omupe ngoka opo owala ta zi mOkolindji oku na okufutwa oondola/N$110 000 komumvo omanga yakwawo mboka aakulu noya kala miilonga ethimbo ele ohaya mono oondola/N$56 000 komumvo.Poompito dhimwe, oondjambi dhaalongi odha ndambulwa, Ankama ta popi.”Otwa tsukumwe okukonga po omukalo gulwe mokugwedhela oondjambi dhaalongisikola.Uuministeli wElongo otau toto po omulandu ngoka nokugu fala kOkabinete ngele otwe gu zimine,” ta popi ishewe.Shinguadja okwa popi kutya ngashiingeyi okatanga okeli momake goongundu ndhika mbali.”Oongundu ndhika mbali odhi na okwiitula mo nokweeta po ondungedhiladhilo ompe, ihe otapu ka kala iinima tayi hokitha naambyoka itayi hokitha,” Komufala gwAaniilonga ta popi ngaaka.Oshinima shoka itashi ka hokitha okukonga oshimaliwa nosho wo kutya Nantu ota vulu okutegelela sigo unake.Onzo yimwe ndjoka yi li mosipana yokuninga oonkundathana na Nantu oya popi kutya nando nee eivathano ndika otali ka pwa nokuziminwa muule wiiwike iyali lwaampoka, oshinima shika otashi ka tulwa owala miilonga ngele pwa monika oshimaliwa mEmbo lyoshimaliwa shomumvo tagu ya ngele lya ziminwa kOparliamende.Otashi vulika Nantu a ninge eindilo kutya omagwedhelo naga tameke ku Januali omumvo gwa zi ko, ihe Epangelo olya ulika nale kutya etsokumweuvathano ndika otali ka tulwa owala miilonga okuza kesiku ndyoka tali ka shainwa nokupatwa.Ankama okwa popi kutya Epangelo olyi itula mo moshinima, ihe itali kambadhala owala okusitopa ekanka lyaalongisikola.Amushanga-Ndjayi gwaNantu, Miriam Hamutenya okwa popi kutya oonkambadhala oompe odhuuka mondjila oombwanawa.Ta ti, oonkundathana dhoomwedhi dha zi ko odha kuthwa po sigo Epangelo tali ka tula poshitaafula ethaneko epe.Minista Nandi-Ndaitwah na Ankama oya li ya popi mEtiyali lya zi ko kutya etsokumweuvathano lyotango olya ningwa “papuko na kali li paveta”.Ankama ta ti kutya etsokumwe lyotango olya li owala tali gumu aalongi ye li 6 000 nokuthiga aalongi yalwe ye li 6 200 yaa na ombili.Ta ti kutya mboka ya zimina oshinima shotango “aapwidhi”.Opwa piti owala oowili dhontumba konima yehololomadhiladhilo lyaalongisikola nosho wo konima sho Ominista yOmauyelele nIikwakutumamawi-mombepo, Netumbo Nandi-Ndaitwah, Nantu okwa ethapo omadhilaadhilo gokunawapeka oondjambi dhaalongisikola patsokumwe ndyoka a li ta popi lya ningilwe omathimbo ga zi ko.Komufala gwAaniilonga Matthew Shinguadja okwa lombwele The Namibian mEtitatu kutya oongundu ndhika mbali odha zimine okweekelahi edhilaadhilo lyotango nokwaadha etsokumwe epe.Uuministeli wElongo owa pewa iiwike iyali moka u na okukala wa holola po etsokumweuvathano epe ndyoka li na okuziminwa ku Nantu omanga ina li tulwa momake gOkabinete noku ziminwa.Oshinima shika oshipe osha kaleke omatilitho gekanka molwashoka Epangelo olya uvaneke okunawapeka oondjambi dhaalongisikola konyala ye li 12 200 mboka ye lilwe po ku Nantu.Aalongisikola yalwe ye li 6 300 lwaampoka oye li mewilikongundu, yamwe kaye na oonzapo omanga yalwe ye li aalongi miiputudhilo yopaungomba mboka inaya kwatelwa moonkundathana ndhika.Amushanga omukuluntu mUuministeli wElongo Vitalis Ankama okwa popi kutya nando nee euvathano ndika itali vulu omanga okwiithanwa etsokumweuvathano, oongundu ndhika mbali odha tsukumwe okweekelahi edhilaadhilo lyotango.Ankama okwa gandja oshiholelwa kutya pauvathano ndyoka Nantu a hala lya tulwa miilonga omulongi omupe ngoka opo owala ta zi mOkolindji oku na okufutwa oondola/N$110 000 komumvo omanga yakwawo mboka aakulu noya kala miilonga ethimbo ele ohaya mono oondola/N$56 000 komumvo.Poompito dhimwe, oondjambi dhaalongi odha ndambulwa, Ankama ta popi.”Otwa tsukumwe okukonga po omukalo gulwe mokugwedhela oondjambi dhaalongisikola.Uuministeli wElongo otau toto po omulandu ngoka nokugu fala kOkabinete ngele otwe gu zimine,” ta popi ishewe.Shinguadja okwa popi kutya ngashiingeyi okatanga okeli momake goongundu ndhika mbali.”Oongundu ndhika mbali odhi na okwiitula mo nokweeta po ondungedhiladhilo ompe, ihe otapu ka kala iinima tayi hokitha naambyoka itayi hokitha,” Komufala gwAaniilonga ta popi ngaaka.Oshinima shoka itashi ka hokitha okukonga oshimaliwa nosho wo kutya Nantu ota vulu okutegelela sigo unake.Onzo yimwe ndjoka yi li mosipana yokuninga oonkundathana na Nantu oya popi kutya nando nee eivathano ndika otali ka pwa nokuziminwa muule wiiwike iyali lwaampoka, oshinima shika otashi ka tulwa owala miilonga ngele pwa monika oshimaliwa mEmbo lyoshimaliwa shomumvo tagu ya ngele lya ziminwa kOparliamende.Otashi vulika Nantu a ninge eindilo kutya omagwedhelo naga tameke ku Januali omumvo gwa zi ko, ihe Epangelo olya ulika nale kutya etsokumweuvathano ndika otali ka tulwa owala miilonga okuza kesiku ndyoka tali ka shainwa nokupatwa.Ankama okwa popi kutya Epangelo olyi itula mo moshinima, ihe itali kambadhala owala okusitopa ekanka lyaalongisikola.Amushanga-Ndjayi gwaNantu, Miriam Hamutenya okwa popi kutya oonkambadhala oompe odhuuka mondjila oombwanawa.Ta ti, oonkundathana dhoomwedhi dha zi ko odha kuthwa po sigo Epangelo tali ka tula poshitaafula ethaneko epe.Minista Nandi-Ndaitwah na Ankama oya li ya popi mEtiyali lya zi ko kutya etsokumweuvathano lyotango olya ningwa “papuko na kali li paveta”.Ankama ta ti kutya etsokumwe lyotango olya li owala tali gumu aalongi ye li 6 000 nokuthiga aalongi yalwe ye li 6 200 yaa na ombili.Ta ti kutya mboka ya zimina oshinima shotango “aapwidhi”.