Nando owa koka ilonga shaashi elongo iha li kulupilwa

AAKULUNTU mboka kaayeshi oku lesha no ku shanga oya pumbwa okwiishangitha mooproholama dhelongo dhokulesha dhaakuluntu, opo ya hwepopeke oonkalamwenyo dhawo.

Ndika olyo ehiyo lyoMinista yElongo, omusamane Nangolo Mbumba sho a popi pethimbo ta tula miilonga oshiwike 10 shopashigwana she ilongo lyaakuluntu, poombelewa oonene dhoNamcol moVenduka.Mbumba okwa ti okutseya okulesha nokushanga oha shi nkondopeke omuntu opo a vule oku popya nawa no keena uumbanda.Oku tseya okulesha nokushanga oha ku kwathele, opo omuntu a vule oku ninga omatokolo ge li nawa nogomondjila, ngele ta shiya kombinga yo kwiihumitha komeho mwene, na ngele ta shi ya ko ku kutha ombinga miinima ya guma oshigwana ashihe.Oshipalanyolo shoshiwike shonuumvo ota shi ti ‘Okukutha ombinga kwoshigwana montseyo yokulesha nokushanga opo uuthigona wu shonopekwe’.Mbumba okwa ti, pa ku shi talela moshipalanyolo shika, ngele omuntu keshi kulesha nenge okushanga nena ye okwa fa a kuthwa uuthemba we.’Omuntu oto hupu nuupu nonawa uuna wu shi kulesha nokushanga. Shika osho uuthemba womuntu wopetameko.’oto vulu okumona iilonga yi li hwepo ngele owu shi okulesha noku shanga.’Mbumba ta gwedha ko.Aayilongi yaali yelongo lyaakuluntu oya ti otaya humu nawa komeho mootundi dhawo dhelongo lyaakuluntu uule wethimbo lya piti.Omuniilonga gumwe kwa li gwomegumbo Emeldah Lilato (31) okwa ti okwa mono kutya oku na okwiilonga opo a vule oku mona iilonga iihwepo.’ Oomvula ndatu dha piti onda li ashike iha ndi ningisha nda kuutumba ashike megumbo. Ondi ishangitha moproholama yedhina Capacity building Initiative. Kandali, ndishi nokushanga edhina lyandje. Ondi ilongo nkene ta li shangwa noshowo okupopya Oshiingilisa. Ngashingeyi ita ndi shuna monima otandi tsikile okwiilonga ndi mone ograde 10 ndele ta ndi yi sigo oko univesiti, otandi shi ningi’ osho a ti.Shisande Martha Emvula gwopolisi yaNamibia ngoka ishangitha muNamcol, okwa ti ye, omwiilongi gwelongo lyaakuluntu opo a vule okulonga oshilonga she nawa.’Onda yi kootundi dhaakuluntu opo ndi ilonge okupopya nawa Oshiingilisa’.Ngashingeyi otandi shi popi nawa, nonkene otandi vulu okulonga iilonga ya ndje nawa.’Omunista Mbumba okwa gwedha ko ta ti osha pumbiwa oku tala kutya aantu yethike peni moshilongo kaayeshi okushanga nokulesha sigo oompaka .Okwa ti Oproholama Yokwiilonga okulesha nokushanga yaNamibia, ndjoka ha yi ungaunga naantu okuza poomvula 15 okuya pombanda oya ya komeho noshinakugwanithwa shika, noku na etegameno kutya melongelokumwe naayehe ye na mo oshitopolwa melongo ndika, noshowo pamwe neyambidhidho lyepangelo, omalalakano gelongo lyaayehe komumvo 2015 ota li ka adhika.Elalakano lyelongo lyaayehe olya kwatelwa wo momalalakano gehumokomeho lyomillennium.Ootundi dhokulesha nokushanga moNamibia oha dhi nyolitha aantu 30 000 sigo 40 000 komvula, oopelesenda omilongo 70 dhaa ishangithi odho aakiintu.