Nampower na Zesco ya shaina euvathano lyolusheno

EUVATHANO lyolusheno lwoonkondo dhoomegawatt 100 olya shainwa pokati kaNampower na Zesco mo Lusaka oshiwike sha yi.

Euvathano ndika ta li kala miilonga uule woomvula 10 ota li pitike Nampower a lande olusheno okuza koZambia kondando yoosenda 4,92 dhAmerika mowili yimwe yokilowatt .Pauvathano ndika Namibia ota landa oomegawatt 50 shu ukilila kutya,olusheno nduka olwa longithwa nenge ina lu longithwa, omanga omegawatt 50 ndhoka dha hupu ko ota dhi longithwa nokufutwa shi ikwatelela koompumbwe dhaNamibia dholusheno.Euvathano ndika ota li yi miilonga muApilili 2010.Omukuluntu gwa Nampower, Paulinus Shilamba okwa ti euvathano ndika olyo oshitopolwa shelongelokumwe pokati kaNamibia na Zambia, pa longekidho lyoKomisi yelongelokumwe ya Namibia na Zambia.Okwa ti euvathano ndika ota li pala ondjila opo oondjandjo dholusheno dha Zimbambwe, Zambia, Botswana na Namibia dhi mangelwe kumwe, na shika ota shi kwathele elalakano lyehangano lyomalusheno lyoMuumbugantu wa Afrika, ndyoka ta li pula opo omahangano gokulonga olusheno miilongo mbika ga kale nokulongela kumwe.Nonando euvathano ndika ita li gwa nithile po Namibia oompumbwe dhe adhihe dholusheno, Nampower okwi ipya kidhila nooprojeka oonkwawo dho ku gandja olusheno ngaashi, Kudu gas, olusheno lwomeya poBaynes komulonga gwa Kunene, oku tulamo eshina etine poRuacana noshowo oku pangela nawa epulo lyolusheno noshowo emanitho lyokutunga oongodhi dholusheno oku mangela oCaprivi kondjandjo yolusheno ya Namibia. Oongodhi ndhika okwa tegelelwa dhikwatakanithe Caprivi koshilongo ashihe, noshowo oku kwatakanitha Namibia niilyolongo ya SAPP yokuumbangalantu naambyoka yokuumbugantu..Pethimbo lyeshaino lye euvathano Shilamba okwa indile Zesco opo a longithe oongodhi dholusheno dha Caprivi.