Namibia ota ningi nawa

ESINDANO enene ndyoka Namibia aadha uule woomvula omilongo mbali dhemanguluko osho ombili.Ndika olyo elaka lyomusamane , Martti Ahtisaari e li popi manga ali muka pevalo lya Namibia lyoomvula 20.Ahtisaari ngoka a li omukuluntu gwo United Nations Transitional Assistance Group[UNTAG] okwa li piitendele yemanguluko pahiyo lyomuperesidende, Hifikepunye Pohamba.Okwa lombwele iikundaneki kutya ombili ndjoka yi li moshilongo oshinima shi shi ku popiwa.

Okwa ti kashishi oshipu koshilongo sha zi methimbo ele lyiita opo shi tunge ombili.Ahtisaari ngoka woo a li omuperesidende gwa Finland okwa pewa epapa lyombili lya Nobel mu Kotoba, omolwa okudhana onkandangala kwe mokuhulitha po iita moNamibia, Indonesia noshow mo Kosovo na Iraq.Ahtisaari okwa ti osha simana oku humitha komeho oonkundathana dhopolitika yopaudemokoli, moshigwana.’Aanona oya pumbwa okulongwa kutya aantu ohaya vulu okukala nomayooloko unene mopolitika ndele shika itashi oye na okuninga aatondi.Okwa ti oonkundathana dhopolitika apehe ngashingeyi odha ninga oombwinayi na odha ninga oludhi lwo propaganda.’Otuna okuhumitha komeho ompumbwe okukala neidhidhimikilathano.Iiputudhilo noshowo iikundaneki oyi na oshinakugwanithwa oshinene mwaashika.Sho a popi sha kombinga ye, yo komeho lyaNamibia konima yemanguluko, Ahtisaari okwa ti Namibia okwa longa nawa’. Okwa ti oshilongo otashi longo nawa ngele owa tala payeleko lyoondjele ngaashi,Mo Ibrahim Index noshowo oshiyelekitho shIIgwana Hangano.Okwa ti kena uupyakadhi nomathaneko ga Peresidende, Hifkepunye Pohamba.’Shika itashi ti kutya kapena omashongo omanene, ta ulike koHIV-AIDS noshowo okwaa thike pamwe pamahupilo. Okwa ti opo omashongo ngaka ga kandulwepo Namibia oku na okulongitha oshimaliwa oshindji, nopethimbo ndika omahupilo niiyemo oyi li nayi oshoka oshipambu shoka Namibia ha mono okuza koshiketha shoompale sha Sacu otashi ende tashi shonopala.Ahtisaari okwa ti epangelo ewanawa oondyoka hali mono mpoka pena ompumbwe lyo ta li kandula po ndjika naashoka lina.