Namibia okwa hala Amerika a mangulule Acuba yatano

N AKULWA omukulu nokuli omunapolitika a simana Andimba Toivo ya Toivo okwa tseyitha mEtiyali lyoshiwike sha zi ko etameko lyiikonga yopashigwana tayi lalakanene okumangulula Aacuba yatano mboka ye li mondholongo mu Amerika.

Omusamane Ya Toivo oye e li omutse omunene gwongundu ndjoka tayi kondjele emangululo lyaalumentu yAacuba mboka ya ndholongwa ku Amerika. Amerika okwa ndholonga aalumentu mboka ta popi aniwa kutya oya li taya ndaadha oshilongo shawo.Gerardo Hernandez, Antonio Gurrero, Ramon Labanino, Fernando Ganzalez na Rene Gonzalez otaya ka gwanitha omimvo hetatu mondholongo.Oya li ya dhitikwa momumvo 1998 nokutamanekelwa iipotha yi li 26 yuukiliminola, mwakwatelwa okuulika uutse wiifundja nosho tuu iinima yilwe.Aalumentu yalwe oya pewa ondholongo yonkalamwenyo omanga yalwe ya pewa oomimvo 75 konima yekumba.Okudhitikwa kwawo okwa shongo omahololomadhiladhilo gopaigwana nosho wo okuza kEpangelo lya Cuba.Aalumentu mboka otaya popi ngeyi kutya oya li taya konakona onkalo kombinga yoongundu dhilwe ndhoka dhi li ompinge nOmupresidende Fidel Castro notadhi pulanda nokuli okuningila Cuba iiponokela yopaukulo.Otaku popiwa kutya oongundu ndhika odha li tadhi longele pondje ya Miami na Florida.Pethimbo ta popi noThe Namibian mEtiyali, Ya Toivo okwa popi kutya yemwene pamwe nongundu yOokahewa nenge tutye yedhina Cuba Friendship Association, oya zimine nokutsakumwe kutya aalumentu mboka inaya tamanekwa shi li pauyuuki.Ta popi wo kutya oya tsakumwe noongundu dhilwe dhopaigwana moshinima shika kutya aalumentu mboka naya mangululwe nenge ya pangulwe pauyuuki.”Otse mboka twa li muupongekwa pethimbo lyekondjelomanguluko, unene tuu ngame mwene ngoka wo ndali mondholongo ya Robbin Island, otwa li twa kondjelwa koongundu dhopaigwana opo tu mangululwe mondholongo ya Robbin Island mu South Afrika.Otu wete nee kutya osha simana okuyambidhidha aantu mboka opo ya mangululwe nenge ya pewe nee epangulo li li pauyuuki moshinima shika,” Ya Toivo ta popi ngaaka mEtiyali lyoshiwike sha zi ko.Ta ti Aanamibia oyendji inaya kuthilwa ko kombinga yonkalo yaalumentu mboka yatano mondholongo ya Amerika, noshinima shika otashi ka yelithilwa nee Omunamibia kehe pethimbo lyiikonga mbyoka ya tamekwa nenge tutye ya tulwa miilonga mEtiyali.Omukalelipo gwa Cuba mu Namibia ota ka ninga oshipopiwa moshigwana omwedhi nguka nelalakano okukonga eyambidhidho lyopaigwana moshinima shika.Ongundu ndjika ya Namibia oya pulanda okugandja omusholondondo gwomishainokaha dhAanamibia mboka taya indile aalumentu mboka ya mangululwe kOkomitiye ya Amerika yedhina American National Committee opo ya mangulule Aacuba Yatano.Amerika okwa ndholonga aalumentu mboka ta popi aniwa kutya oya li taya ndaadha oshilongo shawo.Gerardo Hernandez, Antonio Gurrero, Ramon Labanino, Fernando Ganzalez na Rene Gonzalez otaya ka gwanitha omimvo hetatu mondholongo.Oya li ya dhitikwa momumvo 1998 nokutamanekelwa iipotha yi li 26 yuukiliminola, mwakwatelwa okuulika uutse wiifundja nosho tuu iinima yilwe.Aalumentu yalwe oya pewa ondholongo yonkalamwenyo omanga yalwe ya pewa oomimvo 75 konima yekumba.Okudhitikwa kwawo okwa shongo omahololomadhiladhilo gopaigwana nosho wo okuza kEpangelo lya Cuba.Aalumentu mboka otaya popi ngeyi kutya oya li taya konakona onkalo kombinga yoongundu dhilwe ndhoka dhi li ompinge nOmupresidende Fidel Castro notadhi pulanda nokuli okuningila Cuba iiponokela yopaukulo.Otaku popiwa kutya oongundu ndhika odha li tadhi longele pondje ya Miami na Florida.Pethimbo ta popi noThe Namibian mEtiyali, Ya Toivo okwa popi kutya yemwene pamwe nongundu yOokahewa nenge tutye yedhina Cuba Friendship Association, oya zimine nokutsakumwe kutya aalumentu mboka inaya tamanekwa shi li pauyuuki.Ta popi wo kutya oya tsakumwe noongundu dhilwe dhopaigwana moshinima shika kutya aalumentu mboka naya mangululwe nenge ya pangulwe pauyuuki.”Otse mboka twa li muupongekwa pethimbo lyekondjelomanguluko, unene tuu ngame mwene ngoka wo ndali mondholongo ya Robbin Island, otwa li twa kondjelwa koongundu dhopaigwana opo tu mangululwe mondholongo ya Robbin Island mu South Afrika.Otu wete nee kutya osha simana okuyambidhidha aantu mboka opo ya mangululwe nenge ya pewe nee epangulo li li pauyuuki moshinima shika,” Ya Toivo ta popi ngaaka mEtiyali lyoshiwike sha zi ko.Ta ti Aanamibia oyendji inaya kuthilwa ko kombinga yonkalo yaalumentu mboka yatano mondholongo ya Amerika, noshinima shika otashi ka yelithilwa nee Omunamibia kehe pethimbo lyiikonga mbyoka ya tamekwa nenge tutye ya tulwa miilonga mEtiyali.Omukalelipo gwa Cuba mu Namibia ota ka ninga oshipopiwa moshigwana omwedhi nguka nelalakano okukonga eyambidhidho lyopaigwana moshinima shika.Ongundu ndjika ya Namibia oya pulanda okugandja omusholondondo gwomishainokaha dhAanamibia mboka taya indile aalumentu mboka ya mangululwe kOkomitiye ya Amerika yedhina American National Committee opo ya mangulule Aacuba Yatano.