Namibia oku li muudhigu Alweendo ta ti

NAMIBIA oku li kokule nokwaadha omalalakano ge gehumokomeho, na okwa pumbwa okuninga po sha meendelelo, unene ngele tashiya kaaniilonga ye noshowo komulandu gwe gwelongo.

Ndhika odho oohapu londodho, dhomuwiliki gwOmbaanga ya Namibia omusamane, Tom Alweendo.Sho a popi pethimbo lyoshipopiwa she shokomumvo Alweendo okwa ti oshilongo ina shi kala shiipwililika shafa shiwete ayihe yi li nawa.Okwa dhimbulutha kutya Namibia okwa hala okukala oshilongo shi na iiyemo momuntu kehe yoodola dhAmerika 17 000 komumvo noshowo okwaana iilonga ku li pevi lyooperesenda ntano okuya mo 2030.Ndele oku shi talela monkalo yongashingeyi Namibia otaya ka kala yena iiyemo pamuntu kehe yoodola dhAmerika 10 000, omanga okwaana iilonga taku kala ku li pombanda yooperesenda 36. Pambelewa okwaana iilonga moshilongo ngashingeyi okwa thikama pooperesenda 36.’Shoka ndi shi osho shoka kutya atuheni otwa pumbwa okulonga sha meendelelo’omuwiliki gwombaanga a indile.Omatheneko ge opo onkalo ndjika yi lunduluke oga kwatela mo ehumokomeho pamahupilo lyokaendanampadhi, oondjambi oombwanawa dhaalongisikola, iiyenditho noshowo oondjila, uupashioni, uunamapya, nomahangano gaaniilonga ge na omadhiladhilo gomuule.Ngashingeyi ooperesenda 28 dhaanamagumbo yaantu yane moshilongo oha ya hupu koodola 262 komwedhi.Ooperesenda 14 oha ya hupu koodola 185 komwedhi’Alweendo ta tsikile.’Natu thikameni eta tu dhiladhila muule okathimbo, kutya shika ota shi, ti shike,’Ota shi vulika shikale ta shi ti omuntu ita vulu okwiipalutha, omuntu ita vulu okupalutha aanona ye, ita vulu oku ya pa elongo, na ita vulu okwiitungila nenge okwiilandela ehala lyolukalwa,’ Alweendo ta ulike.Pauyelele womapekaapeko ga Afrobarometer, ooperesenda 25 dhaaNamibia ohadhi kalala nondjala omathimbo ogendji okuza omvula ya yi.Konyala ooperesenda 14 kadha li dhi na sha iikulya, omanga ooperesenda 18 oya li kaayena iikulya yokulya lumwe nenge lwaali momvula.Okwa ti ehumokomeho mekoko lyomahupilo goshilongo ogwo ashike omukalo omwaanawa okukondjitha oluhepo, ndele haku shininga pa ku gandja iipewahenda kwaamboka ye yi umbwa.’Oshi li ohenda onene sho a gongeli yomiyalu kombinga yokwaaniilonga ina ya vula oku gandja omauyelele gokolela, kombinga yaaniilonga .Okwa ti ombapila ota dhi ti ooperesenda 36 ogwo omwaalu gwaamboka kaayena iilonga okuza 2004 sho uuyelele mbuka wa gongelelwe omumvo ngoka.Okwa ti patengeneko lyoshili ondika kutya otashi vulika okwaaniilonga huka kuli pooperesenda dhi li pombanda, Omugavena gwOmbaanga yaNamibia okwa ti okwaaniilonga oku li pombanda, na, ando shika osha li shomuujuni ando shika osha ithanwa onkatu ye ulumumompumbwe, shoka ta shi, eta oluhodhi Alweendo tati ooshoka kutya mboka yaanaa iilonga oyo aagundjuka ya kalela po oopereresenda 60.Na oyendji oya sa uunye okukonga iilonga oshoka ka yena etegameno.Elongo olyo oshipatululo oshiwanawa okutameka, opo uupyakadhi mbuka wu kandulwepo.Alweendo oku uvitie ngaaka.Okwa ti opo elongo li kale nongushu ngaashi shito, osha pumbiwa oku li tala ongo eithano ta li ti sha, na ota li vulu okulandulwa.Alweendo tati.Okwa gwedha ko ta ti elongo ngashingeyi olya talika ko ongo eithano lyahugunina.’Omapekapeko getu otaga thaneke kutya aagundjuka mboka ha ya yi kiilonga yuulongi oomboka ya piti ograde 12 niitsa kaayi shi iiwanana.Onkene itashi kumitha sho Namibia keena aalongwantu momaithano gii ili no igi ili, ngoka ga pumbiwa monkalamwenyo unene yokuhumithakomeho omahupilo.Omukalo gumwe oku lundulula shika osho oku ninga eithano lyuulongi ta li hokitha.Alweendo ta ti Onkatu yotango okufuta aalongi yetu, nawa miilonga yawo iiwanawa.Okwa indile woo omahangano gaaniilonga ga longe neiuvo ewanawa ngele taga pula omauwanawa waaniilonga nopomathimo ngoka yetwe kutya otashi kadhigupala miiyemo yomahangano molwonkalo.Alweendo okwa ti ngele oonzo odha longithwa nawa mokutunga oondjila, uupashioni, uunamapya nosho woo tuu, omahupilo goshilongo otaga ka enda nawa, noga tegelelwa ga koke sigo opopersenda heyali.Shika ota shi tsukumwe nomulandu gwa 2030.