Namibia nuumvo okwe shi enditha nawa

NAMIBIA okwa konda po omahala ogendji okuya pombanda molista yiilongo moka mu na ombili noonkondo muuyuni.

Omakonakono ngaka gokutala kutya iilongo yini mu ombili haga oga etwa po kOmunangeshefa OmwAustralia, Steve Killelea, ona oga li ga ningwa miilongo yi li 144 muuyuni okuza ku Afghanistan okuya ku Zimbabwe.Omymvo gwa zi ko, Namibia okwa li ponomola 77 muuyuni noponola 12 mu Afrika. Ihe nuumvo Namibia oku li po 65 muuyuni omanga mu Aafrika e li puutimugoyi.Olista yiilongo mbika ohayi tulwa kumwe kehangano lya Economic Intelligence Unit, taku longithwa iimetithi oyindi meni lyoshilongo nopondje.Nuumvo, Namibia okwa li a mono oopente dhi li nawa omolu ombili ndjoka yi li moshilongo. Botswana oye e li ponolola yotango (mu Afrika), a landulwa ku Malawi, Gabon, Ghana, Mozambique, Zambia, Tanzania na Equatorial Guinea.Angola oku li po 16, South Afrika 21 omanga Zimbawe e li po 27. Afghanista okwa mono oopente oombwinayi, sho omakonakono ngaka ge mu tula po 143, Somalia 142, Israle 141 omanga Russia e li po 136. Ano iilongo mbika oyo yi li pevi lyolista ndjika.New Zealand oye oshilongo shi na ombili noonkondo kuiil;ongo ayihe muuyuni, a landulwa ku Denmark, Norway, Iceland na Austria. Oshikando oshitatu, Iraq oye natango oshilongo shi li pevi muuyuni – omolu omakuyunguto ngoka taga uvika moshilongo shike konyala esiku kehe.