Namibia a tya sha kombinga ya Gaza

EPANGELO lya Namibia oli ikwata iiponokela mbyoka tayi ningilwa Palestina ku Isreali, mbyoka ya faalele oomwenyo dhaantu ye li 600, mwa kwatelwa aakwashigwana itaya vulu okwiigamena nokweehameno aantu ya thika po 3 000.

Namibia okwa kondema iiponokela mbyoka tayi ningilwa Palestina moshitopolwa sha Gaza. Epangelo olya ti iiponokela mbika yi li kombanda oya puka noonondo na otaya ka eta ashike omakuyunguto ogendji, Uuministeli wOmayelele osho wa popi ngaaka pamushangwa.
Namibia okwa ningi eindilo ku Isreali a kuthe mo aakwiita ye mu Gaza e ta indile wo Olaata yEgameno yIigwanahangano yi longa iilyo yayo pautho lyIigwanahangano, opo ku hulithwepo omakuyungo ngaka ngoka taga piyaneke ombili negameno mUuzilo wopakati.
Israeli okwa li um umbu aawiliki yongundu ya Hamas nooshela dha kindja momasiku 27 gomwedhi gwa zi ko, e ta ka landula ko ishewe niiponokela yokolupadhi mu Gaza uusiku wOlyomakaya. Aakwashigwana omathele oya si miiponokela mbika, mbyoka Israeli a popi kutya oya nuninwa aantu ya homaya yongundu ya Hamas. ‘Namibia okwa hala okudhimbulikitha nEpangelo lya Israeli iinakugwanithwa lyawo kombinga yooveta dhopagwana, dhokuganema aakwashigwana mboka ye li muupyakadhi,’ Uuministeli wOmauyelele osho wa popi ngaaka.
Namibia okwa ningi wo eindilo kEpangelo lya Israeli li ethe Aapalestina ya longitha uuthemba wowo wokwiipangelo, mwa kwatelwa wo wevi lyawo nokwokweetapo Epangelo lya Palestina.
Nguka ogwo ashike omukalo gu li nawa, ngoka tagu ka eta po ombili mUuzilo wopokati.
Omunaveta e na sha nuuthemba womuntu nokuli Omukuluntuwiliki gwehangano lya Legal Assistance Centre, Norman Tjombe, okwa ti iiponokela mboka Israeli ta ningile Palestina iiwinayi noya puka noonkondo adhihe.
Tjombe okwa ningi eindilo ku Israeli na Palestina ya kuutmba opo ku hulithwe po omakuyunguto ngaka, opo oomwenyo dhaantu oomiliyuna dhi hupithwe.