Namibia a mwena komadhengo mu Zim

S IGO onena Epangelo lya Namibia inali tya sha kombinga yekwatopo nedhengo lyaantu yoongundu dhompilameno mu Zimbabwe omasiku ngaka.

Ihe South Afrika na Zambia oya tya ko sha koshinima shika omanga iilongo yilwe muuyuni, nayo ya kondema wo oshinima shika. Metiyali, omuwiliki gwongundu yompilameno onene mu Zimbabwe Morgan Tsvangirai pamwe naaholi yuudemokoli ye li 50 lwaampoka, oyendji yomuyo ya mangwa nomalapi notaya zi oombizi – oya li ya falwa kOshipangelo konima sho ya holoka mOmpangu, konima yomasiku gaali sho ya kwatwa po kOpolisi nokudhengwa noonkondo, molwashoka aniwa oya li ya ningi oshigongi shi indikwa kEpangelo.Tsvangirai a dhengwa nayi nokwa zinda, okwa li ta ende kashona nakashona u uka mOambulansa ta monika a vulwa, ihe okwe shi pondola ngaa okulonda mohauto ndjika ina yambidhidhwa.Otaku popiwa kutya Tsvangirai okwa li a fikwa nolusheno, konima sho a kwatwa po kOpolisi pamwe naaholi yuundemokoli yalwe mOsoondaha.Aantu mbaka oya kwatwa po kOpolisi molwashoka Epangelo olyi indika iigongi yoludhi nduka, taya kondema omilandu dhEpangelo lyOmupresidende Robert Mugabe.”Ombinga yolulyo yoshipala sha Margan oya zinda nosho wo omeho ge,” Omukalelipo gwa Britain ku Zumbabwe Andrew Pocock, osho a popi.MoVenduka, iilyo yoongundu dhompilameno mOparliamende, odha holola euvonayi lyawo kombinga yeyonagulu lyuuthemba womuntu mu Zimbabwe.Omuwiliki gwongundu yo Congress of Democrats (CoD) Ben Ulenga okwa li a popi kutya ota ka indila Omutumba gwOpashigwana gu kundathane kombinga yomakwatopo nomadhengo gaantu mu Zimbabwe omasiku ngaaka.Iilyo yimwe yongundu yoSwapo mOmutumba gwOpashigwana oya li ya fa ya haluka sho Ulenga a popi ngaaka.Ulenga okwa popi wo kutya ota ka pula Egumbo ndika lyOpashigwana li kondeme omadhengo nomakwatopo gaawiliki yoongundu dhompilameno mu Zimabwe nosho wo ta ka pula Epangelo lya Namibia li longithe omakwatathano galyo gopaudiplomaate na Zimbabwe, li uvithe ko Epangelo lyoshilongo shoka li hulithe po okuyonagula uuthemba womuntu.Manga Ulenga ta popi, iilyo yimwe yo Swapo mEgumbo ndika oya li tayi ngungutula.Sho nee uulenga a thikama e ta fala ombapila yosheetwapo she shika kOmunashipundi gwOmutumba gwOpashigwaan, Ominista yOpevi yUuyuuki Uutoni Nujoma, okwa popi lela mokule ta ti, “Ompinge.”Ulenga okwe mu taalele e te mu lombwele ta ti, “ondi shi shi kutya owa nyanyukilwa shoka tashi ningwa hoka.”Okuza mpoka, Arnold Tjihuiko gwo Nudo okwa umbu Ominista yIikwapondje Marco Hausiku nomapulo.Tjihuiko okwa li a hala okuuva ngele osho shili kutya aawiliki yane yongundu ya MDC (ya Tsvangirai) oya li ya kwatwa po manga ya li yu uka kOkapale komaudhano kamwe mu Harare, kwa li ehololomadhiladhilo lyopambaili.Tjihuiko okwa pula wo ngele oshoshili kutya Ompangu yOpombanda mu Harare oya tindi eindilo lyEpangelo kutya omahohololamadhiladhilo naga indikwe, ihe Opolisi oyi li natango tayi ga kelele? Okwa pula wo Minista Hausiku ngele opu na eyooloko monkalo ndjoka ya li mu South Afrika pethimbo lyuukoloni naandjoka yi li mu Zimababwe ngashiingeyi.Iiwike iyali ya piti po Omupresisdende Mugabe okwa li metalelopo lyopapangelo mu Namibia.Konima yetalelepo lye, Mugabe nOmupresidende Hifikepunye Pohamba oya li ya kondema oondjindikila ndhoka Amerika, Briatin nehangano lyUukumwe wAaEuropa ya ningile Zimbabwe.Shika oye shi popi momushangwa gwawo ayehe.Uuministeli wIikwapondje wa South Afrika mEtiyali lyoshiwike shika owa indile kEpangelo lya Zimbabwe li siminaneke oveta nuuthemba waawiliki yoongundu dhompilameno.Mu Lusaka sha Zambia, Omupresidende Levy Mwanawasa okwa ti onkalo ndjika tayi inyenge mu Zimbabwe oshinima ye shi ikwata noonkondo, ihe uupyakadhi mbuka ou na okukandulwapo kAaZimbabwe yoyene.”Ongula yonena onda lesha kutya Morgan Tsvangirai okwa li a dhengwa nayi.Itandi vulu okutya sha oshindji molwashoka inandi mona natango olopota yu udha,” Mwanawasa osho a popi ngaaka, pethimbo a li ta taamba ombapila yelangeko lyOmukalelipo gwa Zimbabwe omupe ku Zambia, Lovemore Mazemo.Mwanawasa, ngoka oye ta ka kala Omunashipundi gwehangano lya SADC okuza mu Aguste nuumvo, okwa londodha kutya onkalo ya Zimbabwe otashi vuluka yi ka piyageneke elilo miilongo ya SADC.Nampa-Sapa, Nama-AFPMetiyali, omuwiliki gwongundu yompilameno onene mu Zimbabwe Morgan Tsvangirai pamwe naaholi yuudemokoli ye li 50 lwaampoka, oyendji yomuyo ya mangwa nomalapi notaya zi oombizi – oya li ya falwa kOshipangelo konima sho ya holoka mOmpangu, konima yomasiku gaali sho ya kwatwa po kOpolisi nokudhengwa noonkondo, molwashoka aniwa oya li ya ningi oshigongi shi indikwa kEpangelo.Tsvangirai a dhengwa nayi nokwa zinda, okwa li ta ende kashona nakashona u uka mOambulansa ta monika a vulwa, ihe okwe shi pondola ngaa okulonda mohauto ndjika ina yambidhidhwa.Otaku popiwa kutya Tsvangirai okwa li a fikwa nolusheno, konima sho a kwatwa po kOpolisi pamwe naaholi yuundemokoli yalwe mOsoondaha.Aantu mbaka oya kwatwa po kOpolisi molwashoka Epangelo olyi indika iigongi yoludhi nduka, taya kondema omilandu dhEpangelo lyOmupresidende Robert Mugabe.”Ombinga yolulyo yoshipala sha Margan oya zinda nosho wo omeho ge,” Omukalelipo gwa Britain ku Zumbabwe Andrew Pocock, osho a popi.MoVenduka, iilyo yoongundu dhompilameno mOparliamende, odha holola euvonayi lyawo kombinga yeyonagulu lyuuthemba womuntu mu Zimbabwe.Omuwiliki gwongundu yo Congress of Democrats (CoD) Ben Ulenga okwa li a popi kutya ota ka indila Omutumba gwOpashigwana gu kundathane kombinga yomakwatopo nomadhengo gaantu mu Zimbabwe omasiku ngaaka.Iilyo yimwe yongundu yoSwapo mOmutumba gwOpashigwana oya li ya fa ya haluka sho Ulenga a popi ngaaka.Ulenga okwa popi wo kutya ota ka pula Egumbo ndika lyOpashigwana li kondeme omadhengo nomakwatopo gaawiliki yoongundu dhompilameno mu Zimabwe nosho wo ta ka pula Epangelo lya Namibia li longithe omakwatathano galyo gopaudiplomaate na Zimbabwe, li uvithe ko Epangelo lyoshilongo shoka li hulithe po okuyonagula uuthemba womuntu.Manga Ulenga ta popi, iilyo yimwe yo Swapo mEgumbo ndika oya li tayi ngungutula.Sho nee uulenga a thikama e ta fala ombapila yosheetwapo she shika kOmunashipundi gwOmutumba gwOpashigwaan, Ominista yOpevi yUuyuuki Uutoni Nujoma, okwa popi lela mokule ta ti, “Ompinge.”Ulenga okwe mu taalele e te mu lombwele ta ti, “ondi shi shi kutya owa nyanyukilwa shoka tashi ningwa hoka.”Okuza mpoka, Arnold Tjihuiko gwo Nudo okwa umbu Ominista yIikwapondje Marco Hausiku nomapulo.Tjihuiko okwa li a hala okuuva ngele osho shili kutya aawiliki yane yongundu ya MDC (ya Tsvangirai) oya li ya kwatwa po manga ya li yu uka kOkapale komaudhano kamwe mu Harare, kwa li ehololomadhiladhilo lyopambaili.Tjihuiko okwa pula wo ngele oshoshili kutya Ompangu yOpombanda mu Harare oya tindi eindilo lyEpangelo kutya omahohololamadhiladhilo naga indikwe, ihe Opolisi oyi li natango tayi ga kelele? Okwa pula wo Minista Hausiku ngele opu na eyooloko monkalo ndjoka ya li mu South Afrika pethimbo lyuukoloni naandjoka yi li mu Zimababwe ngashiingeyi.Iiwike iyali ya piti po Omupresisdende Mugabe okwa li metalelopo lyopapangelo mu Namibia.Konima yetalelepo lye, Mugabe nOmupresidende Hifikepunye Pohamba oya li ya kondema oondjindikila ndhoka Amerika, Briatin nehangano lyUukumwe wAaEuropa ya ningile Zimbabwe.Shika oye shi popi momushangwa gwawo ayehe.Uuministeli wIikwapondje wa South Afrika mEtiyali lyoshiwike shika owa indile kEpangelo lya Zimbabwe li siminaneke oveta nuuthemba waawiliki yoongundu dhompilameno.Mu Lusaka sha Zambia, Omupresidende Levy Mwanawasa okwa ti onkalo ndjika tayi inyenge mu Zimbabwe oshinima ye shi ikwata noonkondo, ihe uupyakadhi mbuka ou na okukandulwapo kAaZimbabwe yoyene.”Ongula yonena onda lesha kutya Morgan Tsvangirai okwa li a dhengwa nayi.Itandi vulu okutya sha oshindji molwashoka inandi mona natango olopota yu udha,” Mwanawasa osho a popi ngaaka, pethimbo a li ta taamba ombapila yelangeko lyOmukalelipo gwa Zimbabwe omupe ku Zambia, Lovemore Mazemo.Mwanawasa, ngoka oye ta ka kala Omunashipundi gwehangano lya SADC okuza mu Aguste nuumvo, okwa londodha kutya onkalo ya Zimbabwe otashi vuluka yi ka piyageneke elilo miilongo ya SADC.Nampa-Sapa, Nama-AFP