Nakuyaha aanegumbo lye a zimina ondjo ye

M ICHAEL Endjala, ngoka ta tamanekelwa iipotha ine yokuyaha aanegumbo lye momasiku 20 Oktoba 2006, okwa zimine ondjo ye mEtiyali mOmpangu yoPashitopolwa mu Katutura mOvenduka.

Endjala gwoomvula 30 ota tamanekelwa okuyaha omukulukadhi gwe Priscilla Endjala montulo, omumwayina gwomukulukadhi gwe Dorothy Gatyehe, ngoka a yaha mepunda, nosho wo uunona wawo kamwe koomvula hetatu nokakwawo koomwedhi 16 mboka a yaha kamwe omokugulu nokakwawo omepunda. Oshiningwanima shika osha ningilwe pokafulata kawo hoka ya li taya thitha (taya hiila) pegumbo limwe molukanda lwa Khomasdal mOvenduka.Okuza owala petameko lyepangulo lye, Omunaveta gwe Sisa Namandje okwa li a popi kutya Endjala oye e na oshinakugwanithwa ashihe moshipotha shika, na okwa zimina kutya ke na nokuli etompelo kutya oshinima shoka okwe shi ningila shike.Namandje ta ti Endjala “ota ulike eitedhululo” moshinima shika a ninga, nomolwashoka, ota indile nee kOmpangu yi mu sile ohenda pethimbo ta ka tokolwa moshipotha shika.Namandje okwa popi kutya kastoma gwe omusamane omwiitulimo nomudhigiginini miilonga nongulohi ndjoka a yaha aantu okwa li owala a adhika kethindokano lyomadhiladhilo nokwa li a shongwa komukulukadhi gwe ngoka a li a popi kutya ota thigi po egumbo lyawo nokuya nuunona wawo.Pahokololo lyomunaveta gwe, Endjala okwa ningi oshinima shoka iha ningi shito, ta ti okwa nu iikolitha opo andola a dhimbwe omaupyakadhi ngoka.Iinima nee ayihe mbika, oya etitha nee Endjala petokolo lyokuyaha aanegumbo lye ongulohi yesiku ndyoka, Namandje ta popi ngaaka – nando nee Endjala okwa zimine kutya okwa li ta vulu okukondolola onkalo momukalo gulwe omuhwepo.Namandje okwa gandja ethaneko ku Mengestrata Omukuluntu Sarel Jacobs kutya Endjala na pewe egeelo lyoomwedhi 12 konima yekumba nenge a pewe ombuta molwashoka ina gandja owala ombili kaanegumbo lye mboka a yaha, ihe okwa gandja wo ombili kOmpangu ndjoka yi li omulongi guuyuuki nosho wo koshigwana shoka sha li shi uvitenayi moku uva kutya omuntu okwa longo iilonga yoludhi ndoka.Endjala okwi ilongekidhila okupandjula epandja epe, omunaveta gwe ta popi ngaaka.Ta ti okwe shi ulike nokuli nale omanga a tegelela epangulo lye mOndholongo onene ya Venduka sho i ishangitha ongomunasikola mo Polytechnic ya Namibia moka ti ilongele uunambelewa (nenge tutye Public Managemant), nota ka kameka mbala omumvo gwe omutiyali.Sho a pulwa a ye mokaketha, omukulukadhi gwe Priscilla okwa indile kOmpangu kutya nayi mangulule omusamane gwe opo a ka yambidhidhe ofamili ye painiwe.Ta ti sho omusamane gwe a zi po ngaaka, oshe mu ningile oshidhigu okufuta oshimaliwa shehala mpoka yaha kala, okufuta osikola yaanona – pakuyoga iinima, pakuteleka nosho wo okulanditha iikulya momapandaanda opo ya hupe.Nando ongaaka, pethimbo omumwayina gwaPriscilla gwedhina Gatyehe a ithanwa mokaketha opo a gandje uumbangi kombinga yepangulo lya Endjala, Gatyehe okwa dhimbulukwa nkene a kala nokuya pamwe na mumwayina Priscilla kOsasiona yOpolisi iikando oyindji oku ka ningila omusamane gwe iipotha yi na sha nedhengo okuza owala momumvo 1995 sigo okesiku ndyoka ya yahwa ayehe ku Endjala.Okwa popi wo kutya kashi shoshili kutya Endjal aa Endjala okwa kala ha kwatha ofamili ye.Ta ti pethimbo limwe omukulukadhi gwe (Priscilla) okwa li a ningi onkambadhala yokuningila Endjala oshipotha sheyambidhidho lyuunona.Konima ngele iipotha mbyoka oya ningwa, ohayi ka ekelwahi molwashoka Endjala oha ka panga ishewe ombili nomukulukadhi gwe e te mu pe oshimaliwa, Gatyehe ta gandja ngaaka uumbangi mOmpangu.Gatyehe ta ti esiku limwe, Endjala okwa li a patele omukulukadhi gwe naanona pondje yegumbo noya li ya thiminikwa oku ka kala kaandje ongulohi yesiku ndyoka.Esiku limwe, Priscilla okwa li a yi kOpolisi noku ka pula ya kuthe ko ombistoli ku Endjala molwashoka okwa ningi omatilitho kutya ote mu yaha.Aniwa Opolisi oya li ye mu lombwele kutya itayi vulu okuninga ngaaka molwashoka ine mu kuthila ondjembo ndjoka.Ina vula okutompa Namandje kombinga yomapopyo ge ngaka molwashoka ina vula okugandja omasiku moka iipotha mbyoka ya ningwa nenga ya ekelwahi.Omutamaneki Bronwell Uirab okwa indile ku Mengestrata kutya na koneke uukwatya woshipotha sha Endjala ong’oshipotha oshinene mokati koshigwana sha Namibia.”Osha pumbiwa Ompangu yi gandje egeelo ndyoka tali tumu etumwalaka lya yela kwaamboka ye na omadhiladhilo ga faathana.Eponokelo ndika olya li enene.Osha li oshipu gumwe gwomoonakuponokelwa a kale a hulitha,” Uirab ta popi ngaaka.Ina tsa wo kumwe na Namandje kutya Endjala na pewe omaageelo taga endelekumwe miipotha mbika ine.”Ina umba owala lumwe.Okwa umbu aantu yane nooholo dhi li ne.Aantu mboka inaya yahwa lulwe noholo yimwe,” ta popi ngaaka.Mengestrata Jacobs okwa tsilike oshipotha shika sigo omomasiku 16 Maalitsa.Oshiningwanima shika osha ningilwe pokafulata kawo hoka ya li taya thitha (taya hiila) pegumbo limwe molukanda lwa Khomasdal mOvenduka.Okuza owala petameko lyepangulo lye, Omunaveta gwe Sisa Namandje okwa li a popi kutya Endjala oye e na oshinakugwanithwa ashihe moshipotha shika, na okwa zimina kutya ke na nokuli etompelo kutya oshinima shoka okwe shi ningila shike.Namandje ta ti Endjala “ota ulike eitedhululo” moshinima shika a ninga, nomolwashoka, ota indile nee kOmpangu yi mu sile ohenda pethimbo ta ka tokolwa moshipotha shika.Namandje okwa popi kutya kastoma gwe omusamane omwiitulimo nomudhigiginini miilonga nongulohi ndjoka a yaha aantu okwa li owala a adhika kethindokano lyomadhiladhilo nokwa li a shongwa komukulukadhi gwe ngoka a li a popi kutya ota thigi po egumbo lyawo nokuya nuunona wawo.Pahokololo lyomunaveta gwe, Endjala okwa ningi oshinima shoka iha ningi shito, ta ti okwa nu iikolitha opo andola a dhimbwe omaupyakadhi ngoka.Iinima nee ayihe mbika, oya etitha nee Endjala petokolo lyokuyaha aanegumbo lye ongulohi yesiku ndyoka, Namandje ta popi ngaaka – nando nee Endjala okwa zimine kutya okwa li ta vulu okukondolola onkalo momukalo gulwe omuhwepo.Namandje okwa gandja ethaneko ku Mengestrata Omukuluntu Sarel Jacobs kutya Endjala na pewe egeelo lyoomwedhi 12 konima yekumba nenge a pewe ombuta molwashoka ina gandja owala ombili kaanegumbo lye mboka a yaha, ihe okwa gandja wo ombili kOmpangu ndjoka yi li omulongi guuyuuki nosho wo koshigwana shoka sha li shi uvitenayi moku uva kutya omuntu okwa longo iilonga yoludhi ndoka.Endjala okwi ilongekidhila okupandjula epandja epe, omunaveta gwe ta popi ngaaka.Ta ti okwe shi ulike nokuli nale omanga a tegelela epangulo lye mOndholongo onene ya Venduka sho i ishangitha ongomunasikola mo Polytechnic ya Namibia moka ti ilongele uunambelewa (nenge tutye Public Managemant), nota ka kameka mbala omumvo gwe omutiyali.Sho a pulwa a ye mokaketha, omukulukadhi gwe Priscilla okwa indile kOmpangu kutya nayi mangulule omusamane gwe opo a ka yambidhidhe ofamili ye painiwe.Ta ti sho omusamane gwe a zi po ngaaka, oshe mu ningile oshidhigu okufuta oshimaliwa shehala mpoka yaha kala, okufuta osikola yaanona – pakuyoga iinima, pakuteleka nosho wo okulanditha iikulya momapandaanda opo ya hupe.Nando ongaaka, pethimbo omumwayina gwaPriscilla gwedhina Gatyehe a ithanwa mokaketha opo a gandje uumbangi kombinga yepangulo lya Endjala, Gatyehe okwa dhimbulukwa nkene a kala nokuya pamwe na mumwayina Priscilla kOsasiona yOpolisi iikando oyindji oku ka ningila omusamane gwe iipotha yi na sha nedhengo okuza owala momumvo 1995 sigo okesiku ndyoka ya yahwa ayehe ku Endjala. Okwa popi wo kutya kashi shoshili kutya Endjal aa Endjala okwa kala ha kwatha ofamili ye.Ta ti pethimbo limwe omukulukadhi gwe (Priscilla) okwa li a ningi onkambadhala yokuningila Endjala oshipotha sheyambidhidho lyuunona.Konima ngele iipotha mbyoka oya ningwa, ohayi ka ekelwahi molwashoka Endjala oha ka panga ishewe ombili nomukulukadhi gwe e te mu pe oshimaliwa, Gatyehe ta gandja ngaaka uumbangi mOmpangu.Gatyehe ta ti esiku limwe, Endjala okwa li a patele omukulukadhi gwe naanona pondje yegumbo noya li ya thiminikwa oku ka kala kaandje ongulohi yesiku ndyoka.Esiku limwe, Priscilla okwa li a yi kOpolisi noku ka pula ya kuthe ko ombistoli ku Endjala molwashoka okwa ningi omatilitho kutya ote mu yaha.Aniwa Opolisi oya li ye mu lombwele kutya itayi vulu okuninga ngaaka molwashoka ine mu kuthila ondjembo ndjoka.Ina vula okutompa Namandje kombinga yomapopyo ge ngaka molwashoka ina vula okugandja omasiku moka iipotha mbyoka ya ningwa nenga ya ekelwahi.Omutamaneki Bronwell Uirab okwa indile ku Mengestrata kutya na koneke uukwatya woshipotha sha Endjala ong’oshipotha oshinene mokati koshigwana sha Namibia.”Osha pumbiwa Ompangu yi gandje egeelo ndyoka tali tumu etumwalaka lya yela kwaamboka ye na omadhiladhilo ga faathana.Eponokelo ndika olya li enene.Osha li oshipu gumwe gwomoonakuponokelwa a kale a hulitha,” Uirab ta popi ngaaka.Ina tsa wo kumwe na Namandje kutya Endjala na pewe omaageelo taga endelekumwe miipotha mbika ine.”Ina umba owala lumwe.Okwa umbu aantu yane nooholo dhi li ne.Aantu mboka inaya yahwa lulwe noholo yimwe,” ta popi ngaaka.Mengestrata Jacobs okwa tsilike oshipotha shika sigo omomasiku 16 Maalitsa.