Nakutsa yaali pofaabulika yoohi pOliindili a pewa oomvula 30

O MULUMENTU gumwe a li nale omuniilonga mofaabulika yoohi pOliindili ngoka a li ta tamanekelwa okutsa yaali yomaaniilonga pamwe naye mofaabulika ndjika momumvo 2004, mOmaandaha okwa pewa egeelo lyoomvula 30 konima yekumba.

“Eponokelo lyaantu mboka kali shi owala uukatalume, ashike otali ulike wo uumbalimbali,” Omupanguli Christie Liebenberg ta lombwele ngaaka Andreas Negongo David (35) ngoka e li he yuunona une, pethimbo ta pewa egeelo ndika moshipotha shedhipago nosho wo oshipotha shonkambadhala yedhipago. David okwa pewa egeelo ndika konima yomasiku 10 sho a li a monika ondjo kOmupanguli Liebenberg mOmpangu yoPombanda momatamaneko kutya okwa dhipaga omuniilonga pamwe naye Geralda Eugenia Appolus (29) nokwali wo kambadhala okudhipaga omuniilonga pamwe naye gulwe, Wilson Shityeni pOliindili momasiku 24 Juni 2004.Iikolokosha mbika oya li ya tukuka pofeema yoohi yedhina Novanam mondoolopa ndjoka konima sho David a ningilwa oshipotha shokuholoka komeho gokomitiye yomazulo konima sho aniwa a ndopa okutula miilonga omalombwelo ngoka a pewa komukuluntu gwe miilonga.Omushangwa ngoka tagu popi kombinga yomatamaneko ngoka ga ningilwa David komukuluntu gwe miilonga, ogwa shainwa ku Appolus ongonzapo, Omupanguli Liebenberg ta lombwelwa ngaaka mOmpangu.Konima sho omushangwa nguka gwa pewa David konima sho a tseyithilwa kutya ota tidhwa mo manga miilonga pakathimbo, natango Appolus oye ngaa a li a gandja elombwelo moshinima shika.David okwa popi kutya okwa geye konima sho Appolus e mu undula montulo iikando itatu.Ta ti okwa kutha nee ombele nokutameka ta tsu nayo Appolus.Omupanguli okwa ekelehi eipopilo ndika molwashoka okwa lombwelwa kutya David okwa li nale e na ombele omanga inaya ku Appolus kiilonga hoka a li ta longele.Ompangu oya lombwelwa kutya sho David a yi ku Appolus, Appolus okwa kambadhala okufadhuka po, ashike okwa gwile pevi omanga a li ta kambadhala okukutha iikwana kumwe ngaaka.Sho a li ta kambadhala okwiikoka nomaako nosho wo noongolo, David okwe mu ponokele nombele okuzilila konima ete mu tsu nombele mombunda.Omupanguli Liebenberg okwa kondema eponokelo lya meme Appolus unene tuu sho a li omukiintu ita vulu okwiigamena, na ishewe okwa ponokelwa komuniilonga pamwe naye okuzilila konima.”Kapu na nando omuntu gulwe a tegelela okuningwa ngaaka,” Omupanguli ta popi ishewe ngaaka.Shityeni okwa li ta kambadhala okusitopa nenge tutye okukeelela David kaatse we Appolus.Omupanguli Liebenberg ta komenda ngeyi kutya David okwa longitha omikalo dha faathana okuponokela nokutsa wo Shityeni okuzilila konima sho Shityeni a pilameneko.Konima sho David a tsu aantu mboka, okwa shuna kegumbo.Mondjila nee moka, okwa ekelehi ombele yoocentimeta 15 ndjoka a longitha okutsa nayo aantu.Konima sho a thiki megumbo, okwa yi mombete ye e ta lala pwafa inapu ningwa sha, ina kambadhala nando okudhiladhila kombinga yaantu mboka a tsa, Omupanguli Liebenberg ta popi ngaaka kombinga yuumbangi mboka wa pewa Ompangu.David okwa ulike shayela kutya inasimaneka onkalamwenyo yuuntu womuntu ndjoka ya kwashilipalekwa pakotampango lya Namibia, Omupanguli Liebenberg ta popi ngaaka.Ta ti egeelo ndyoka tali pewa aapogoli miinima yafa mbika, nali kale oshilongwa kuyalwe molwashoka iikoya yoludhi nduka otayi tsikile nokulonda pombanda mu Namibia, na oyi na nee okukondjithwa sigo olugodhi mokukondjitha iimbuluma otalu sindanwa.Omupanguli Liebenberg okwa gandja egeelo lyoomvula 30 ku David moshipotha shedhipago nosho wo oomvula omulongo moshipotha shonkambadhala yedhipago – ashike ndhika omulongo okwa popi kutya nadhi endele pamwe naandhoka omilongo ndatu (30).David okwa li a kalelwapo komunaveta Winnie Christians palombwelo lyOshikondo shokugandja omakwatho gOpaveta nenge tutye Legal Aid Directorate.Epangelo olya li lya kalelwapo kOmutamaneki Orben Sibeya.David okwa pewa egeelo ndika konima yomasiku 10 sho a li a monika ondjo kOmupanguli Liebenberg mOmpangu yoPombanda momatamaneko kutya okwa dhipaga omuniilonga pamwe naye Geralda Eugenia Appolus (29) nokwali wo kambadhala okudhipaga omuniilonga pamwe naye gulwe, Wilson Shityeni pOliindili momasiku 24 Juni 2004.Iikolokosha mbika oya li ya tukuka pofeema yoohi yedhina Novanam mondoolopa ndjoka konima sho David a ningilwa oshipotha shokuholoka komeho gokomitiye yomazulo konima sho aniwa a ndopa okutula miilonga omalombwelo ngoka a pewa komukuluntu gwe miilonga.Omushangwa ngoka tagu popi kombinga yomatamaneko ngoka ga ningilwa David komukuluntu gwe miilonga, ogwa shainwa ku Appolus ongonzapo, Omupanguli Liebenberg ta lombwelwa ngaaka mOmpangu.Konima sho omushangwa nguka gwa pewa David konima sho a tseyithilwa kutya ota tidhwa mo manga miilonga pakathimbo, natango Appolus oye ngaa a li a gandja elombwelo moshinima shika.David okwa popi kutya okwa geye konima sho Appolus e mu undula montulo iikando itatu.Ta ti okwa kutha nee ombele nokutameka ta tsu nayo Appolus.Omupanguli okwa ekelehi eipopilo ndika molwashoka okwa lombwelwa kutya David okwa li nale e na ombele omanga inaya ku Appolus kiilonga hoka a li ta longele.Ompangu oya lombwelwa kutya sho David a yi ku Appolus, Appolus okwa kambadhala okufadhuka po, ashike okwa gwile pevi omanga a li ta kambadhala okukutha iikwana kumwe ngaaka.Sho a li ta kambadhala okwiikoka nomaako nosho wo noongolo, David okwe mu ponokele nombele okuzilila konima ete mu tsu nombele mombunda.Omupanguli Liebenberg okwa kondema eponokelo lya meme Appolus unene tuu sho a li omukiintu ita vulu okwiigamena, na ishewe okwa ponokelwa komuniilonga pamwe naye okuzilila konima.”Kapu na nando omuntu gulwe a tegelela okuningwa ngaaka,” Omupanguli ta popi ishewe ngaaka.Shityeni okwa li ta kambadhala okusitopa nenge tutye okukeelela David kaatse we Appolus.Omupanguli Liebenberg ta komenda ngeyi kutya David okwa longitha omikalo dha faathana okuponokela nokutsa wo Shityeni okuzilila konima sho Shityeni a pilameneko.Konima sho David a tsu aantu mboka, okwa shuna kegumbo.Mondjila nee moka, okwa ekelehi ombele yoocentimeta 15 ndjoka a longitha okutsa nayo aantu.Konima sho a thiki megumbo, okwa yi mombete ye e ta lala pwafa inapu ningwa sha, ina kambadhala nando okudhiladhila kombinga yaantu mboka a tsa, Omupanguli Liebenberg ta popi ngaaka kombinga yuumbangi mboka wa pewa Ompangu.David okwa ulike shayela kutya inasimaneka onkalamwenyo yuuntu womuntu ndjoka ya kwashilipalekwa pakotampango lya Namibia, Omupanguli Liebenberg ta popi ngaaka.Ta ti egeelo ndyoka tali pewa aapogoli miinima yafa mbika, nali kale oshilongwa kuyalwe molwashoka iikoya yoludhi nduka otayi tsikile nokulonda pombanda mu Namibia, na oyi na nee okukondjithwa sigo olugodhi mokukondjitha iimbuluma otalu sindanwa.Omupanguli Liebenberg okwa gandja egeelo lyoomvula 30 ku David moshipotha shedhipago nosho wo oomvula omulongo moshipotha shonkambadhala yedhipago – ashike ndhika omulongo okwa popi kutya nadhi endele pamwe naandhoka omilongo ndatu (30).David okwa li a kalelwapo komunaveta Winnie Christians palombwelo lyOshikondo shokugandja omakwatho gOpaveta nenge tutye Legal Aid Directorate.Epangelo olya li lya kalelwapo kOmutamaneki Orben Sibeya.