Nakutsa omuholike gwe ota tokolwa nena mOmpangu yoPombanda

“ONDE mu tsu molwashoka oye a tsu ndje tango.”

Ndika olyo efatululo lya pewa Ompangu yoPombanda mEtine lyoshiwike sha zi ko ku Johannes Amunyela gwoomvula 37 kombinga yetompelo ndyoka a longitha okutsa omukadhona gwe Aina Niita Shiimi gwoomvula 26. Johannes okwa tsu Shiimi okusa nokumuninga iilalo yoombele 23 pomukunda Olukango popepi nOndangwa mu July 22, 2004.Amunyela okwa li ta gandja uumbangi moshipotha she esiku etitatu komeho gOmupanguli Louis Muller, ashike okwa tindi oku zimina ondjo ye moshipotha shika.Okwa fatulula nawa kutya ye na Shiimi ngoka a li ha longele okampani yomakwashilipaleko, oya kala mohole uule woomvula hetatu noya mono okakona kawo okamati omanga ina tsa omuholike gwe.Ta ti uusiku nenge tutye ongulohi ya landula esiku ndyoka a tsa Shiimi, okwa li a mona iihemba (iigwanga) mokadholombuluku ka Shiimi.Oshinima shika oshe mu geyitha, ashike okwa kala e shi mwenena, ashike ongula sho kwashi, okwa mono ishewe iigwanga yilwe ya tulwa moshikuusinga she.Omutenya gwesiku tuu ndyoka, okwa ningi omalongekidho opo ya tsakanene na Shiimi opo andola ya ye naye ku mumwayina gwomukiintu nokuya ishewe kofamili ya Shiimi nelalakano lyoku ka kundathana oshinima shoka she mu geyitha.Omanga ye li nduno mondjila moka, oontamanana odha tukuka pokati ka Shiimi na Amunyela, Amunyela ta lombwele ngaaka Ompangu.Ta ti Shiimi okwa tindi okuya pamwe ya ka tsakanene naakwanezi yawo, ta ti okwe mu pe owala ombili noku kambadhala a zemo mohauto tayi matuka.Ta ti okwa kambadhala oku mu keelela kaaninge ngaaka, nokwe mu dhenge nokuli nomweelo (a dhenga Shiimi) ngoka gwe mu ningi oshilalo momutse, Amunyela ta popi.Konima sho aniwa a thikameke ohauto, Shiimi okwa kutha ombele ndjoka ya li mokaketha kohauto noku kambadhala andola a fadhukepo, Amunyela ta popi.Tango okwe mu lamba aniwa nohauto, ashike sho a thiki popepi naye, okwa nuka mo mohauto e temu lamba kolupadhi sho e mu adha, okwe mu koola e ta gwile po.Aniwa Shiimi okwi ihatapo e te mu tsu nombele ndjoka mokugulu omanga e li pevi mpoka, Amunyela ta popi.”Okwa li ta kambadhala okuza po pevi, ashike onda tona mo ombele mokugulu kwandje etandi tameke oku mu tsa,” Amunyela ta popi.Ta ti ota dhimbulukwa owala kutya okwe mu tsu oshikando shotango mothingo, omanga oshikando oshitiyali e mu tsu mepunda.Ta ti kumwe, okwe mu tsu iikando itano nenge ihamano lwaampoka.Omundohotola ngoka a ningi omakonakono gomudhimba gwa Shiimi, okwa popi kutya okwa yalula iilalo yi li omilongo mbali niitatu (23) molutu lwe.”Osha li tuu sha simana oku mu tsa pethimbo ndyoka?” Omutamaneki gwEpangelo Dominic Lisulo ta pula Amunyela ngaaka pethimbo lyomapulapulo giihokolola mOmpangu ndjika.”Aawe, Amunyela ta yamukula ngaaka.Sho nee Lisulo a pula kutya omolwashike Amunyela a tsu Shiimi, okwa yamukula ta ti: “Onde mu tsu molwashoka ondali nda geya noonkondo, na kandali nokuli ndi shi shoka ndali tandi ningi.”Kuyele pethimbo lyomapulapulo, okwa li wo a gandja etompelo kutya omolwashike e tsu Shiimi ngaaka ta ti: “Onda geye noonkondo molwashoka oye a tsu ndje tango.”Okwa gwedha po ishewe ta ti: “Ondali nda geya noonkondo na ishwe, ondali nda ngwangwana.”Konima nee sho e mu tsu ngaaka nokwa mono kutya Shiimi ota si, okwa hingi ohauto ye etayi, Amunyela ta popi ishewe ngaaka pethimbo ta gandja uumbangi.Ta ti elalakano lye, olya li okuya kOpolisi kOndangwa nokuka lopota oshiningwanima shika nosho wo oku ki igandja yemwene kOpolisi – ta ti sho osho ngaa a ninga ongulohi yesiku ndyoka.Elalakano lye aniwa ka lyali okudhipaga Shiimi, ta popi ishewe ngaaka.Amunyela okwa ekelehi omapopyo kutya ina lombwela aagandji yuumbangi mwakwatelwa omumwayinakadhona gwomukuluntu kutya okwe ya lombwela kutya okwa tsu Shiimi molwashoka okwe mu mbangoloteka, na ishewe ine mu hala we.”Osha teyagulapo onkalamwenyo yandje,” Amunyela osho a li a yamukula ngaaka pethimbo a pulwa komunaveta gwe Lucia Hamutenya kutya oshiningwanima shika oshe mu gumu ngiini.Amunyela ota tokolwa nena, ngele ota monika ondjo nenge aawe, ashike Omutamaneki gwEpangelo okwa pula kutya Amunyela na monike ondjo medhipago nosho wo oshiningilawina medhipago ndika.Nando ongaaka, omunaveta gwe okwa pula Omupanguli kutya Amunyela ota vulu okuminika ondjo moshipotha shedhipago, ihe ina monika ondjo kutya okwe shi ningi pahalo lye nenge tutye pashiningilawina.Johannes okwa tsu Shiimi okusa nokumuninga iilalo yoombele 23 pomukunda Olukango popepi nOndangwa mu July 22, 2004.Amunyela okwa li ta gandja uumbangi moshipotha she esiku etitatu komeho gOmupanguli Louis Muller, ashike okwa tindi oku zimina ondjo ye moshipotha shika.Okwa fatulula nawa kutya ye na Shiimi ngoka a li ha longele okampani yomakwashilipaleko, oya kala mohole uule woomvula hetatu noya mono okakona kawo okamati omanga ina tsa omuholike gwe.Ta ti uusiku nenge tutye ongulohi ya landula esiku ndyoka a tsa Shiimi, okwa li a mona iihemba (iigwanga) mokadholombuluku ka Shiimi.Oshinima shika oshe mu geyitha, ashike okwa kala e shi mwenena, ashike ongula sho kwashi, okwa mono ishewe iigwanga yilwe ya tulwa moshikuusinga she.Omutenya gwesiku tuu ndyoka, okwa ningi omalongekidho opo ya tsakanene na Shiimi opo andola ya ye naye ku mumwayina gwomukiintu nokuya ishewe kofamili ya Shiimi nelalakano lyoku ka kundathana oshinima shoka she mu geyitha.Omanga ye li nduno mondjila moka, oontamanana odha tukuka pokati ka Shiimi na Amunyela, Amunyela ta lombwele ngaaka Ompangu.Ta ti Shiimi okwa tindi okuya pamwe ya ka tsakanene naakwanezi yawo, ta ti okwe mu pe owala ombili noku kambadhala a zemo mohauto tayi matuka.Ta ti okwa kambadhala oku mu keelela kaaninge ngaaka, nokwe mu dhenge nokuli nomweelo (a dhenga Shiimi) ngoka gwe mu ningi oshilalo momutse, Amunyela ta popi.Konima sho aniwa a thikameke ohauto, Shiimi okwa kutha ombele ndjoka ya li mokaketha kohauto noku kambadhala andola a fadhukepo, Amunyela ta popi.Tango okwe mu lamba aniwa nohauto, ashike sho a thiki popepi naye, okwa nuka mo mohauto e temu lamba kolupadhi sho e mu adha, okwe mu koola e ta gwile po.Aniwa Shiimi okwi ihatapo e te mu tsu nombele ndjoka mokugulu omanga e li pevi mpoka, Amunyela ta popi.”Okwa li ta kambadhala okuza po pevi, ashike onda tona mo ombele mokugulu kwandje etandi tameke oku mu tsa,” Amunyela ta popi. Ta ti ota dhimbulukwa owala kutya okwe mu tsu oshikando shotango mothingo, omanga oshikando oshitiyali e mu tsu mepunda.Ta ti kumwe, okwe mu tsu iikando itano nenge ihamano lwaampoka.Omundohotola ngoka a ningi omakonakono gomudhimba gwa Shiimi, okwa popi kutya okwa yalula iilalo yi li omilongo mbali niitatu (23) molutu lwe.”Osha li tuu sha simana oku mu tsa pethimbo ndyoka?” Omutamaneki gwEpangelo Dominic Lisulo ta pula Amunyela ngaaka pethimbo lyomapulapulo giihokolola mOmpangu ndjika.”Aawe, Amunyela ta yamukula ngaaka.Sho nee Lisulo a pula kutya omolwashike Amunyela a tsu Shiimi, okwa yamukula ta ti: “Onde mu tsu molwashoka ondali nda geya noonkondo, na kandali nokuli ndi shi shoka ndali tandi ningi.”Kuyele pethimbo lyomapulapulo, okwa li wo a gandja etompelo kutya omolwashike e tsu Shiimi ngaaka ta ti: “Onda geye noonkondo molwashoka oye a tsu ndje tango.”Okwa gwedha po ishewe ta ti: “Ondali nda geya noonkondo na ishwe, ondali nda ngwangwana.”Konima nee sho e mu tsu ngaaka nokwa mono kutya Shiimi ota si, okwa hingi ohauto ye etayi, Amunyela ta popi ishewe ngaaka pethimbo ta gandja uumbangi.Ta ti elalakano lye, olya li okuya kOpolisi kOndangwa nokuka lopota oshiningwanima shika nosho wo oku ki igandja yemwene kOpolisi – ta ti sho osho ngaa a ninga ongulohi yesiku ndyoka. Elalakano lye aniwa ka lyali okudhipaga Shiimi, ta popi ishewe ngaaka.Amunyela okwa ekelehi omapopyo kutya ina lombwela aagandji yuumbangi mwakwatelwa omumwayinakadhona gwomukuluntu kutya okwe ya lombwela kutya okwa tsu Shiimi molwashoka okwe mu mbangoloteka, na ishewe ine mu hala we.”Osha teyagulapo onkalamwenyo yandje,” Amunyela osho a li a yamukula ngaaka pethimbo a pulwa komunaveta gwe Lucia Hamutenya kutya oshiningwanima shika oshe mu gumu ngiini.Amunyela ota tokolwa nena, ngele ota monika ondjo nenge aawe, ashike Omutamaneki gwEpangelo okwa pula kutya Amunyela na monike ondjo medhipago nosho wo oshiningilawina medhipago ndika.Nando ongaaka, omunaveta gwe okwa pula Omupanguli kutya Amunyela ota vulu okuminika ondjo moshipotha shedhipago, ihe ina monika ondjo kutya okwe shi ningi pahalo lye nenge tutye pashiningilawina.