Nakusa Pandeni a tambiwako nesimaneko lyOpaupendafule mOnooli

M INISTA yOmapangelo gOpaitopolwa nOmagumbo John Alfons Pandeni ngoka a manene oondjenda dhe moshiponga shohauto ongula yeti 14 Maalitsa 2008 mepipi lyomimvo 57, sho omudhimba gwe gwa etwa kegumbo kOmundjalala mOmbalantu mOsoondaha ya zi ko okuza kOvenduka, okwa li a tambiwa ko paupendafule koshigwana shomOnooli, shoka tashi ulike kutya Pandeni okwa li e holike koshigwana.

KoNooli, okwa li e ya kegumbo nokuningilwa Oshituthihupulutho Omaandaha mOngeleka yawo ya Anamulenge nopOkapale kOmaudhano kowina mOmbalantu. Sho omudhimba gwe gwa thiki pOkapale ka Ndangwa omutenya gwOsoondaha ya zi ko nOndhila yAakwiita, gwa ende pamwe nOmukulukadhi gwe meme Julia Pandeni, aanona yawo yane, ogwa adha gwa tegelelwa kengathithi enenenene.Mengathithi ndika omwa li mwa kwatelwa Ooministeli dhEpangelo, Oongoloneya dhIitopolwa, Ookansela yIitopolwa, yOondoolopa, Aawiliki yOpamuthigululwakalo taya kwatelwa komeho kElenga enene lyUukwambi tatekulu Herman Ndilimani Iipumbu nElenga enene lya Mbalantu tatekulu Oswin Mukulu, Aawiliki yOpambepo taya kwatelwa komeho kOmumbiishofi gwa Elcin gwOshikandjongeleki shUuzilo tatekulu Johannes Sindano, aanangeshefa taya kwatelwa komeho ku tate Johannes Andjamba, nosho tuu yalwe.Engathithi nosheendo ashihe shoka osha li sha wilikwa ku Gavena yOshitopolwa sha Musati Sakey Kayone, ta kwathelwa ku Gavena ya Shana tate Klemens Kashuupulwa nokuGavena yOshitopolwa sha Hangwena tate Usko Nghaamwa.Omumbiisofi Sindano okwa ningi egalikano pOkapale ka Ndangwa mpoka nokuza mpoka omudhimba gwa Ministeli Pandeni, gu li moshiketha shondilo, ogwa londekwa mOhauto ya AVBOB moka wo mwa londo omushelekadhi.Osheendo shiihauto, tayi tengenekelwa pomathele gaali, osha zi pOkapele ka Ndangwa sha thinda kOutapi kOmbalantu, hoka omudhimba gwa Minista gwa ka tulwa manga mOkila ya AVBOB, gwa tegelela Oshituthihupulutho she ongula yOmaandaha.Molwashoka, Komanda gwOpolisi mOshitopolwa sha Shana, Komufala gwOpevi gwOpolisi Ndahangwapo Kashihakumwa, okwa li a tseyitha kutya mondjila ndjoka onene ya Ndangwa, Ongwediva, Oshakati nOutapi otamu ka enda osheendo shika oshigwana naahingi yiihauto nayi ikondolole, oshigwana shaampoka, osha kala sha momikweyo kooha dhondjila ndjoka tashi gandja esimaneko lya hugunina kOministeli yawo.Yamwe ya yedha ongonyo ySwapo, taya imbi omaimbilo gEkondjelomanguluko, yamwe taya lili omanga yamwe taya galikana.Osheendo shoka sha li sha kwatelwa komeho kOpolisi ya Namibia yomIitopolwa Oshana nOmusati, ano kOpolisi tayi wilikwa ku Komanda gwOpolisi mOshitopolwa sha Shana Komufala gwOpevi gwOpolsi Ndahangwapo Kashihakumwa na Komanda gwOpolisi mOshitopolwa sha Musati Komufala gwOpevi gwOpolisi Simion Shindinge, osha li sha ende nawa lela mOsoondaha moka nokuthika nombili pOkila ya AVBOB mOutapi.Okuza mpoka osheendo tashi kwatelwa komeho ku Ngoloneya Kayone, osha yi kegumbo lyaakuluntu ya Minista Pandeni pOmundjalala, hoka sha adha oonakuvala, ano tatekulu Johannes Pandeni na meekulu Gebharda Pandeni, aakwanezimo nookuume.Omaandaha nee ga zi ko, ongula onene oshiketha shomudhimba gwa nakusa Minista Pandeni osha kuthwa mOkila ya AVBOB pOutapi nokufalwa kegumbo lyaakuluntu ye pOmundjalala, mpoka pwa ningwa egalikano kOmutonatelishitayingeleki sha Kahao Omusita Josaphat Shanghala.Taku talwa oshipala kaakwanezimo nokookuume nokwa yiwa nee kOngeleka yawo ya Anamulenge, popepi negumbo lya tatekulu Pandeni, hoka kwa ka ningwa oshituthihupulitho pa Misa Eyapuki pawiliko lya Pata Omukuluntu gwOopata mOwambo, Jose Thomas.Elenga enene lya Mbalantu tatekulu Oswin Mukulu oye a patulula netaambo lyaanashituthi nokutanga nakusa Minista Pandeni.Ondjokonona oya etwa po ku kuume ka nakusa, ano kOminista yOpevi yAaniilonga Peter Iilonga (Ekanda), Oshitewo ku Fillemo Shikwambi.Mboka ya popya poshituthi shoka ongaashi: Omuunganeki gwoSwapo mOmusati Titus Kanyele, Ngoloneya Sackey Kayone, Ngoloneya Kashuupulwa ngoka a li gumwe gwomaawiliki, Omupeviminista gwanakusa Pandeni, Kazenambo Kazenambo, Amushanga-Ndjayi gwoSwapo Pendukeni Ivula-Iithana.Omudhimba ogwa shunithwa koAVBOB pOutapi mpoka gwa kuthwa ongula yohela nokufalwa kOkapale ka Ndangwa hoka gwa zi nondhila etagu shunwa kOvenduka hoka tagu ka fumvikwa mOmawendo gOmapendafule mOvenduka mOlyomakaya.Sho omudhimba gwe gwa thiki pOkapale ka Ndangwa omutenya gwOsoondaha ya zi ko nOndhila yAakwiita, gwa ende pamwe nOmukulukadhi gwe meme Julia Pandeni, aanona yawo yane, ogwa adha gwa tegelelwa kengathithi enenenene.Mengathithi ndika omwa li mwa kwatelwa Ooministeli dhEpangelo, Oongoloneya dhIitopolwa, Ookansela yIitopolwa, yOondoolopa, Aawiliki yOpamuthigululwakalo taya kwatelwa komeho kElenga enene lyUukwambi tatekulu Herman Ndilimani Iipumbu nElenga enene lya Mbalantu tatekulu Oswin Mukulu, Aawiliki yOpambepo taya kwatelwa komeho kOmumbiishofi gwa Elcin gwOshikandjongeleki shUuzilo tatekulu Johannes Sindano, aanangeshefa taya kwatelwa komeho ku tate Johannes Andjamba, nosho tuu yalwe.Engathithi nosheendo ashihe shoka osha li sha wilikwa ku Gavena yOshitopolwa sha Musati Sakey Kayone, ta kwathelwa ku Gavena ya Shana tate Klemens Kashuupulwa nokuGavena yOshitopolwa sha Hangwena tate Usko Nghaamwa.Omumbiisofi Sindano okwa ningi egalikano pOkapale ka Ndangwa mpoka nokuza mpoka omudhimba gwa Ministeli Pandeni, gu li moshiketha shondilo, ogwa londekwa mOhauto ya AVBOB moka wo mwa londo omushelekadhi.Osheendo shiihauto, tayi tengenekelwa pomathele gaali, osha zi pOkapele ka Ndangwa sha thinda kOutapi kOmbalantu, hoka omudhimba gwa Minista gwa ka tulwa manga mOkila ya AVBOB, gwa tegelela Oshituthihupulutho she ongula yOmaandaha.Molwashoka, Komanda gwOpolisi mOshitopolwa sha Shana, Komufala gwOpevi gwOpolisi Ndahangwapo Kashihakumwa, okwa li a tseyitha kutya mondjila ndjoka onene ya Ndangwa, Ongwediva, Oshakati nOutapi otamu ka enda osheendo shika oshigwana naahingi yiihauto nayi ikondolole, oshigwana shaampoka, osha kala sha momikweyo kooha dhondjila ndjoka tashi gandja esimaneko lya hugunina kOministeli yawo.Yamwe ya yedha ongonyo ySwapo, taya imbi omaimbilo gEkondjelomanguluko, yamwe taya lili omanga yamwe taya galikana.Osheendo shoka sha li sha kwatelwa komeho kOpolisi ya Namibia yomIitopolwa Oshana nOmusati, ano kOpolisi tayi wilikwa ku Komanda gwOpolisi mOshitopolwa sha Shana Komufala gwOpevi gwOpolsi Ndahangwapo Kashihakumwa na Komanda gwOpolisi mOshitopolwa sha Musati Komufala gwOpevi gwOpolisi Simion Shindinge, osha li sha ende nawa lela mOsoondaha moka nokuthika nombili pOkila ya AVBOB mOutapi.Okuza mpoka osheendo tashi kwatelwa komeho ku Ngoloneya Kayone, osha yi kegumbo lyaakuluntu ya Minista Pandeni pOmundjalala, hoka sha adha oonakuvala, ano tatekulu Johannes Pandeni na meekulu Gebharda Pandeni, aakwanezimo nookuume.Omaandaha nee ga zi ko, ongula onene oshiketha shomudhimba gwa nakusa Minista Pandeni osha kuthwa mOkila ya AVBOB pOutapi nokufalwa kegumbo lyaakuluntu ye pOmundjalala, mpoka pwa ningwa egalikano kOmutonatelishitayingeleki sha Kahao Omusita Josaphat Shanghala.Taku talwa oshipala kaakwanezimo nokookuume nokwa yiwa nee kOngeleka yawo ya Anamulenge, popepi negumbo lya tatekulu Pandeni, hoka kwa ka ningwa oshituthihupulitho pa Misa Eyapuki pawiliko lya Pata Omukuluntu gwOopata mOwambo, Jose Thomas.Elenga enene lya Mbalantu tatekulu Oswin Mukulu oye a patulula netaambo lyaanashituthi nokutanga nakusa Minista Pandeni.Ondjokonona oya etwa po ku kuume ka nakusa, ano kOminista yOpevi yAaniilonga Peter Iilonga (Ekanda), Oshitewo ku Fillemo Shikwambi.Mboka ya popya poshituthi shoka ongaashi: Omuunganeki gwoSwapo mOmusati Titus Kanyele, Ngoloneya Sackey Kayone, Ngoloneya Kashuupulwa ngoka a li gumwe gwomaawiliki, Omupeviminista gwanakusa Pandeni, Kazenambo Kazenambo, Amushanga-Ndjayi gwoSwapo Pendukeni Ivula-Iithana.Omudhimba ogwa shunithwa koAVBOB pOutapi mpoka gwa kuthwa ongula yohela nokufalwa kOkapale ka Ndangwa hoka gwa zi nondhila etagu shunwa kOvenduka hoka tagu ka fumvikwa mOmawendo gOmapendafule mOvenduka mOlyomakaya.