OMUSITA gwOngeleka ya ELCIN (a li moshipundi shevululuko), tatekulu Hendrik Ndeulikilwa Dengeinge – ngoka a hulitha mehuliloshiwike lya zi ko, ota fumvikwa ngula pOhakweenyanga okuzilila mOngeleka ya ELCIN mOngwediva.
Tatekulu Dengeinge okwa hulitha meti: 17 gomwedhi nguka mOshipangelo shEpangelo sha Shakati konima yuuwehame.
Pethimbo lyiilonga ye yUusita, nakusa Dengeinge okwa li a tumwa kOngeleka pomahala ogendji. Okwa li Omusita kOhalushu, kOlange, mOngwediva nokOshomeya, moka a li wo ha zi mo oku ka gandja omambo koondoolopa dhopuushiinda ngashi Oshaanda, Otavi, Outjo nokoKombat. Oshituthihupulutho she otashi ningwa komatango gonena, pegumbo lye pOhakweenyanga.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
