Nakufika ombelewa yOpolisi pOutjo a pewa 10 mokakuma

A ANTU yaali mboka taya tamanekelwa oshiopotha shokutomeka Osasiona yOpolisi omulilo pOutjo nelalakano okuya moshipala etamaneko lyawo moshipotha shekwatonkonga lya gumwe gwomuyo, oya zimine ondjo yawo moshipotha shika mOmpangu ya Mengestrata pOutjo mpoka oshiwike sha zi ko.

Louis Steenkamp ngoka a ta tamanekelwa oshipotha shekwatonkonga pethimbo lyomulilo ngoka gwa fikepo Osasiona yOpolisi moka mwa pila omapeko ge li 64 mwakwatelwa wo nepeko lyoshipotha she, okwa zimine ondjo ye miipotha iyali mEtiyali lyoshiwike sha zi ko. Otaku popiwa ngeyi kutya aamentu mboka oya tomeke Osasiona omulilo momasiku 23 Aguste omumvo gwa zi ko nelalakano okuhanagula po uumbangi nuuyelele mboka wa tulwa mepeko lyOpolisi.Omunaveta gwe, Hennie Barnard, okwa popi kutya ota ka kondjitha etokolo nokuninga eindilotalululo lyegeelo ndyoka lya pewa Steenkamp – te ke shi ninga mOmpangu yOpombanda.Egeelo ndika olya li lya gandjwa ku Mengestrata Lovelace Ngwanga mEtitatu lya zi ko sho a gandja oomvula ntano moshipotha kehe shomiipotha iyali mbyoka Steenkamp a zimina mwene kutya oku na ondjo mu yo.Oshipotha shimwe oshuufuthi nosho wo okuya uuyuuki moshipala.Nakutamanekwa pamwe na Steenkamp, Dawid Schrader, okwa tegelelwa oku ka pewa egeelo lye momasiku 7 Septemba.Schrader ngoka a li a kalelwapo komunaveta gwe Boris Isaacks, okwa zimine wo ondjo ye, oshipotha shokugandja ombumbo, uufuthi neyonagulo lyeliko.Epogolo ndika okwa li e li zimine komeho ga Mengestrata Albertina Mutilitha mOmaandaha goshiwike sha zi ko.Pauyelele mboka wa pewa Ompangu, Schrader okwa li a kwathele kuume ke Steenkamp nokonima okwe ki iyadha moshipotha shekwatonkonga.Oonkambadhala dhawo okukutha andola Steenkamp moshiponga shokutamanekelwa iipotha ye, inadhi enda we nawa nodha ka hulila owala muyo ayehe yaali taya tamanekwa nokutulwa mokalimosho.Opulanda yotango ya Schrader, oya li okuya kOmupolisi gumwe pOutjo mpoka nokumulombwela kutya otemu pe oondola/N$10 000 nokamenye ngele okwe mu pe epeko lyoshipotha sha Steenkamp.Shika okwa li nee eshi ningi momasiku 22 Aguste omumvo gwa zi ko.Konima nee sho Omupolisi nguka a tindi okulongelakumwe na Schrader moshinima shika nokutinda okufuto ye, aamentu mboka yaali oya pulanda okutula miilonga opulanda ontiyali nenge tutye ya B.Schrader okwa talelepo Osasion yOpolisi pethimbo lyuusiku pokati komasiku 22 nomasiku 23 Aguste nokuya mo omapeko gOpolisi ge li omulongo okupitila mekende lyombelewa yOpolisi pOsasiona ndjoka.Okwa fala nduno omapeko ngoka kofaalama yaakuluntu ya Steenkamp yedhina Saalburg hoka ye ke ga tala pamwe na Steenkamp, ashike mokuga tala, inaya mona mo nando epeko li na sha noshipotha sha Steenkampa shekwatonkonga.Mokumona kutya oya ndopa ngeyi, oya dhiladhila okuya komeho npulanda ya C.Schrader okwa zimine ngeyi mOmpangu kutya, okwa shuna kOsasiona yOpolisi nokwa tile omahooli mombelewa yOpolisi okupitila pekende eta fatula okapalwa nokuka umbila meni lyombelewa ndjoka.Omapeko ge li 64 gomomapeko ge li 130, oga fikwa po nokuhanagulwa po komulilo ngoka.Epeko lyoshipotha Steenkamp shekwatonkonga olya pila mo, ashike oshipotha shika inashi kwisha natango.Steenkamp natango ota ka holoka mOmpangu yOpashitopolwa pOtjiwarongo moshipotha shika momasiku 6 Septemba.Schrader na Steenkamp oya li ya dhitikwa shi na sha noshipotha shokufika Osasiona yOpolisi konima sho Opolisi ya tameke nokuninga omakonakono nokufekela kutya otashi vulika oshinima shika sha ningwa kaalumentu mboka.Opolisi oya yi kofaalama ndjoka ya Saalburg hoka ya ka adha oonyolo (omulato gwoongaku dha fa naanaa ndhoka dha adhika pekende lyombelewa ndjoka ya tomekwa omulilo konima sho ya tilwa omahooli, Opolisi tayi lopota ngaaka pethimbo aalumentu mboka ya dhitikwa omumvo gwa zi ko.Schrader na Steenkamp oya kala mokalimosho okuza sho ya dhitikwa omumvo gwa zi ko.Aatamaneki yEpangelo Bernard Tjatjara na Marilize Willemse oya li kombinga yEpangelo pethimbo lypangulo lyoshipotha shaalumentu mboka yaali oshiwike sha zi ko.Otaku popiwa ngeyi kutya aamentu mboka oya tomeke Osasiona omulilo momasiku 23 Aguste omumvo gwa zi ko nelalakano okuhanagula po uumbangi nuuyelele mboka wa tulwa mepeko lyOpolisi.Omunaveta gwe, Hennie Barnard, okwa popi kutya ota ka kondjitha etokolo nokuninga eindilotalululo lyegeelo ndyoka lya pewa Steenkamp – te ke shi ninga mOmpangu yOpombanda.Egeelo ndika olya li lya gandjwa ku Mengestrata Lovelace Ngwanga mEtitatu lya zi ko sho a gandja oomvula ntano moshipotha kehe shomiipotha iyali mbyoka Steenkamp a zimina mwene kutya oku na ondjo mu yo.Oshipotha shimwe oshuufuthi nosho wo okuya uuyuuki moshipala.Nakutamanekwa pamwe na Steenkamp, Dawid Schrader, okwa tegelelwa oku ka pewa egeelo lye momasiku 7 Septemba.Schrader ngoka a li a kalelwapo komunaveta gwe Boris Isaacks, okwa zimine wo ondjo ye, oshipotha shokugandja ombumbo, uufuthi neyonagulo lyeliko.Epogolo ndika okwa li e li zimine komeho ga Mengestrata Albertina Mutilitha mOmaandaha goshiwike sha zi ko.Pauyelele mboka wa pewa Ompangu, Schrader okwa li a kwathele kuume ke Steenkamp nokonima okwe ki iyadha moshipotha shekwatonkonga.Oonkambadhala dhawo okukutha andola Steenkamp moshiponga shokutamanekelwa iipotha ye, inadhi enda we nawa nodha ka hulila owala muyo ayehe yaali taya tamanekwa nokutulwa mokalimosho.Opulanda yotango ya Schrader, oya li okuya kOmupolisi gumwe pOutjo mpoka nokumulombwela kutya otemu pe oondola/N$10 000 nokamenye ngele okwe mu pe epeko lyoshipotha sha Steenkamp.Shika okwa li nee eshi ningi momasiku 22 Aguste omumvo gwa zi ko.Konima nee sho Omupolisi nguka a tindi okulongelakumwe na Schrader moshinima shika nokutinda okufuto ye, aamentu mboka yaali oya pulanda okutula miilonga opulanda ontiyali nenge tutye ya B.Schrader okwa talelepo Osasion yOpolisi pethimbo lyuusiku pokati komasiku 22 nomasiku 23 Aguste nokuya mo omapeko gOpolisi ge li omulongo okupitila mekende lyombelewa yOpolisi pOsasiona ndjoka.Okwa fala nduno omapeko ngoka kofaalama yaakuluntu ya Steenkamp yedhina Saalburg hoka ye ke ga tala pamwe na Steenkamp, ashike mokuga tala, inaya mona mo nando epeko li na sha noshipotha sha Steenkampa shekwatonkonga.Mokumona kutya oya ndopa ngeyi, oya dhiladhila okuya komeho npulanda ya C.Schrader okwa zimine ngeyi mOmpangu kutya, okwa shuna kOsasiona yOpolisi nokwa tile omahooli mombelewa yOpolisi okupitila pekende eta fatula okapalwa nokuka umbila meni lyombelewa ndjoka.Omapeko ge li 64 gomomapeko ge li 130, oga fikwa po nokuhanagulwa po komulilo ngoka.Epeko lyoshipotha Steenkamp shekwatonkonga olya pila mo, ashike oshipotha shika inashi kwisha natango.Steenkamp natango ota ka holoka mOmpangu yOpashitopolwa pOtjiwarongo moshipotha shika momasiku 6 Septemba.Schrader na Steenkamp oya li ya dhitikwa shi na sha noshipotha shokufika Osasiona yOpolisi konima sho Opolisi ya tameke nokuninga omakonakono nokufekela kutya otashi vulika oshinima shika sha ningwa kaalumentu mboka.Opolisi oya yi kofaalama ndjoka ya Saalburg hoka ya ka adha oonyolo (omulato gwoongaku dha fa naanaa ndhoka dha adhika pekende lyombelewa ndjoka ya tomekwa omulilo konima sho ya tilwa omahooli, Opolisi tayi lopota ngaaka pethimbo aalumentu mboka ya dhitikwa omumvo gwa zi ko.Schrader na Steenkamp oya kala mokalimosho okuza sho ya dhitikwa omumvo gwa zi ko.Aatamaneki yEpangelo Bernard Tjatjara na Marilize Willemse oya li kombinga yEpangelo pethimbo lypangulo lyoshipotha shaalumentu mboka yaali oshiwike sha zi ko.