OMULUMENTU ngoka ta fekelelwa edhipago lyaakiintu yaali pOmalinda, Salmon Nakle (30) okwa lombwele Ompangu kutya ye ke na ondjo moshinima shika.
Nakale okwa li a holoka mOmpangu ya Mengestrata pOmalinda mEtiyali lyoshiwike shika.
Otaku popiwa kutya, ngoka a li aniwa a kwatwa kokahalu – okwa yaha omukiintu gwe gwonale gwoomvula 22 nokuli yina yokanona kawo, Rebecc Katanga na kuume ka Katanga, Lucia Erastus (gwomimvo 31) polukunda Ombili omutenya gwOlyomakaya.
Katanga opo a sile mpoka sho a yahwa montulo omanga Erastus a ka sule kOshipangelo shEpangelo pOmalinda konima yoowili. Nande ongaaka, Nakale okwa ti ye ina umbu ombisitoli ndjika ya longithwa moshinima shika na haye e na okutalwa medhipago lyaakiintu mbaka yaali.
Okwa ti ombisitoli oya topa ashike mokukilikisha kwe na Katanga. Okwa ti iikolokoshi oya tameke sho Katanga a li a hili mo ombisitoli ye mepaya. Nakele oku li natango konima yekuma na oshipotha she oshuundulilwa komasiku 10 ga June.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
