OPOLISI oya gandja edhina lyomugundjuka ngoka aadhikile asa moshitopolwa sha Rocky Crest oshiwike shayi.
Nakusa nguka okwa tumbulwa kutya oye Eugen Matondo, omukalimo gwomoVenduka. Omudhimba gwe ogwa dhimbiululwa kuhe, Michael Matondo, pokila yomidhimba yopolisi oshiwike shayi. Omukwatakanithi miilonga yokukeelela iilonga yomuyonena moshitopolwa, sha Khomas, Komufala gwopevi, Sylvanus Nghishidimbwa okwa ti omuntu gumwe okwa li a pulapulwa kopolisi omaandaha omolwa oshiningwanima shika, ndele sigo oompaka kapena ngoka a kwatwa mushika, nopolisi otayi tsikile omakonakono gayo. Omudhimba gwa Matondo ogwaadhikile mondjila yaayendi yokoompadhi kaanona yosikola kuyele metiyali lyayi moRocky Crest sha Venduka. Opolisi kaya li yina ontseyo yasha kutya nakusa ngoka okwa si koshike kakele kokudhiladhila kutya ngiika okwa dhengwa nemanya ndyoka lyaadhika lwopopepi naye.Omutse gwanakusa Matondo ogwa li gwa ninga nayi tashi vulika kokudhengwa nemanya ndyoka enene.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
