Nakudhipaga omukadhona gwe a pewa oomvula 30 mokakuma

“I ILONGA yoye Mazila moshipotha shika, oya li ya nyika uumbalimbali na itayi vulu nokuli okwiidhidhimikilwa.”

Omupanguli Annel Silungwe oshi a li a lombwele ngaaka omukalimo gwomoKatima Mulilo Morris Mazila Sibitwani ngoka a li a dhipaga omukadhona gwe kwali Happy Mulela Kabajani gwoomvula 20, pwa piti ngashiingeyi oomvula ntano lwaampoka. Sibitwani okwa li a holoka mOmpangu yoPombanda mEtitano lya zi ko, nokupewa egeelo lyoomvula omilongo ndatu (30) konima yekumba moshipotha shika.Kabajani okwa si konima sho a tsuwa noombele iikando omulongo poKatima Mulilo momasiku 19 ga Apilili 2003.Okwa li nee a adhika a lala mondjila a sa konima owala yokathimbo sho a li a zi pegumbo lyaandjawo na Sibitwani.Sibitwani gwoomvula 29 ngoka a li a lombwelwa ku Kabajani kutya ine mu hala we, okwa li a monika ondjo mEtine lya zi ko shi na sha noshipotha shika shedhipago lya Kabajani.”Ngele euvathano lyohole yeni olye ya pehulilo, shoka itashi ti kutya ondjila oya hula,” Omupanguli Silungwe ta lombwele ngaaka Sibitwani.”Omuntu oto vulu okwi idhidhimikila onkalo, nokukonga po omuholike gulwe ngele owa hala e to tsikile nonkalamwenyo yoye.”Ta gwedha po ngeyi ta ti: “Owa hogolola kwi ihomateka noshilwitho iikando yi vulithe pu shimwe, sigo oto hulitha po onkalamwenyo ya Happy paipundjamenye sho we mu tsu oombele omulongo .”Omupanguli Silungwe okwa li ta popi i ikwatelela komaumbangi ngoka ga li ga gandjwa pethimbo lyepangulo lya Sibitwani sho lya tameke mu Febuluali omumvo gwa zi ko, kutya ongulohi ya landula esiku ndyoka Kabajani a dhipagwa, Sibitwani okwa li a wo a kambadhala oku mu tsa nombele.Pethimbo ta gandja egeelo ndika, Omupanguli Silungwe okwa li wo a popi ta ti: “Edhipago oli li shimwe shomiipotha iinene moshilongo shika.Okukalamweny oshinima sha kwashilipalekelwa omuntu kehe pakotampango lyoshilongo ndyoka li li oveta yopombanda moshilongo.Na osha simana nee komuntu kehe oku kala a yalula omuntu omukwawo kutya oku na uuthemba okukala nomwenyo nomuntu kehe ta ka yonagula uuthemba mboka, okwi ilongela okugeelwa nonyanya.”Nena, owi iyadha nee monkalo ndjoka, pahogololo lyoye mwene.”Namibia oku li kohi yiilonga yiikulumuna Omupanguli Silungwe ta popi: “Oshigwana shetu oshi li kohi yiilonga yiikulumuna unene ngaashi omadhipago, omayugo, omakwatonkonga nosho tuu.Ashike oshigwana osha loloka iilonga mbyoka iiwinayi.Uupwidhi wokwaasimaneka oonkalamwenyo yaakwashigwana yalwe, owa vuka.”Nando nee oonakumonika oondjo miipotha ngaashi mbika ya kala nokupewa omageelo ga kindja, “iikulumuna otayi tsikile nokwiindjipala moshigwana,” Omupanguli Silungwe ta popi.Oompangu nosho wo omatanga omakalekipo gombili moshigwana, inaga tegelelwa ogo owala ga vudhemo iikulumuna moshigwana, ta popi ngaaka.Molwashoka oonakulonga iikulumuna oye li mokati koshigwana noye li iiyimati yoshigwana, okwa tegelelwa nee ekondjitho lyiilonga yiikulumuna li tameke moshigwana, ashike inashi ethela po owala oompangu nosho wo omatanga omakalekipo gombili moshinima shika.”Nomolwaashoka, aavali, aasilishimpwiyu yalwe, aalongisikola, aanuungononi moshigwana, epangelo, omahangano gEpangelo, omahangano gaashi gopapangelo, nosho wo iikundaneki ayehe kumwe oye na oshinakugwanithwa shokukonga nokutula miilonga omukalo tagu opalele mekandulopo lyomukundu gwiimbuluma moshilongo.”Sibitwani ngoka e li he yuunona uyali kamwe komimvo omugoyi nokakwawo komimvo ne, okwa li a dhitikwa momasiku 20 Apilili 2003 nokwa kala mondholongo uule woomvula ntano lwampoka, omanga ina monika ondjo nokugeelwa.Andola ka li a kala mo ethimbo ele mondholongo, andola Ompangu oye mu ope egeelo lyoomvula dhi vulithe nokuli pwaandhoka omilongo ndatu, Omupanguli Silungwe ta popi.Hahende Titus Mbaeva oye a li a kalelapo Sibitwani pethimbo lyepangulo lye, omanga Omutamaneki gwEpangelo Johan Pienaar oye a li a kwatelekomeho iihokolola mbika pehala lyEpangelo.Sibitwani okwa li a holoka mOmpangu yoPombanda mEtitano lya zi ko, nokupewa egeelo lyoomvula omilongo ndatu (30) konima yekumba moshipotha shika.Kabajani okwa si konima sho a tsuwa noombele iikando omulongo poKatima Mulilo momasiku 19 ga Apilili 2003.Okwa li nee a adhika a lala mondjila a sa konima owala yokathimbo sho a li a zi pegumbo lyaandjawo na Sibitwani.Sibitwani gwoomvula 29 ngoka a li a lombwelwa ku Kabajani kutya ine mu hala we, okwa li a monika ondjo mEtine lya zi ko shi na sha noshipotha shika shedhipago lya Kabajani.”Ngele euvathano lyohole yeni olye ya pehulilo, shoka itashi ti kutya ondjila oya hula,” Omupanguli Silungwe ta lombwele ngaaka Sibitwani.”Omuntu oto vulu okwi idhidhimikila onkalo, nokukonga po omuholike gulwe ngele owa hala e to tsikile nonkalamwenyo yoye.”Ta gwedha po ngeyi ta ti: “Owa hogolola kwi ihomateka noshilwitho iikando yi vulithe pu shimwe, sigo oto hulitha po onkalamwenyo ya Happy paipundjamenye sho we mu tsu oombele omulongo .”Omupanguli Silungwe okwa li ta popi i ikwatelela komaumbangi ngoka ga li ga gandjwa pethimbo lyepangulo lya Sibitwani sho lya tameke mu Febuluali omumvo gwa zi ko, kutya ongulohi ya landula esiku ndyoka Kabajani a dhipagwa, Sibitwani okwa li a wo a kambadhala oku mu tsa nombele. Pethimbo ta gandja egeelo ndika, Omupanguli Silungwe okwa li wo a popi ta ti: “Edhipago oli li shimwe shomiipotha iinene moshilongo shika.Okukalamweny oshinima sha kwashilipalekelwa omuntu kehe pakotampango lyoshilongo ndyoka li li oveta yopombanda moshilongo.Na osha simana nee komuntu kehe oku kala a yalula omuntu omukwawo kutya oku na uuthemba okukala nomwenyo nomuntu kehe ta ka yonagula uuthemba mboka, okwi ilongela okugeelwa nonyanya.”Nena, owi iyadha nee monkalo ndjoka, pahogololo lyoye mwene.”Namibia oku li kohi yiilonga yiikulumuna Omupanguli Silungwe ta popi: “Oshigwana shetu oshi li kohi yiilonga yiikulumuna unene ngaashi omadhipago, omayugo, omakwatonkonga nosho tuu.Ashike oshigwana osha loloka iilonga mbyoka iiwinayi.Uupwidhi wokwaasimaneka oonkalamwenyo yaakwashigwana yalwe, owa vuka.”Nando nee oonakumonika oondjo miipotha ngaashi mbika ya kala nokupewa omageelo ga kindja, “iikulumuna otayi tsikile nokwiindjipala moshigwana,” Omupanguli Silungwe ta popi.Oompangu nosho wo omatanga omakalekipo gombili moshigwana, inaga tegelelwa ogo owala ga vudhemo iikulumuna moshigwana, ta popi ngaaka.Molwashoka oonakulonga iikulumuna oye li mokati koshigwana noye li iiyimati yoshigwana, okwa tegelelwa nee ekondjitho lyiilonga yiikulumuna li tameke moshigwana, ashike inashi ethela po owala oompangu nosho wo omatanga omakalekipo gombili moshinima shika.”Nomolwaashoka, aavali, aasilishimpwiyu yalwe, aalongisikola, aanuungononi moshigwana, epangelo, omahangano gEpangelo, omahangano gaashi gopapangelo, nosho wo iikundaneki ayehe kumwe oye na oshinakugwanithwa shokukonga nokutula miilonga omukalo tagu opalele mekandulopo lyomukundu gwiimbuluma moshilongo.”Sibitwani ngoka e li he yuunona uyali kamwe komimvo omugoyi nokakwawo komimvo ne, okwa li a dhitikwa momasiku 20 Apilili 2003 nokwa kala mondholongo uule woomvula ntano lwampoka, omanga ina monika ondjo nokugeelwa.Andola ka li a kala mo ethimbo ele mondholongo, andola Ompangu oye mu ope egeelo lyoomvula dhi vulithe nokuli pwaandhoka omilongo ndatu, Omupanguli Silungwe ta popi.Hahende Titus Mbaeva oye a li a kalelapo Sibitwani pethimbo lyepangulo lye, omanga Omutamaneki gwEpangelo Johan Pienaar oye a li a kwatelekomeho iihokolola mbika pehala lyEpangelo.