Nakudhipaga a zimina ondjo ye

OMUFEKELWA medhipago lyomukiintu ooSondaha pegumbo lyaapangi moshipangelo shopokati sha Venduka okwa ti oku na ondjo sho a holoka mompangu momaandaha.

David Kaapanda Shiimi okwa tamanekelwa edhipago lyomukiintu gwe Hileni Enkono(24) mosoondaha poshipangelo shopokati shaVenduka pegumbo lyaapangi.Shiimi ngoka a kala ta lili mompangu yamengestrata ya VENDUKA ndjoka ya li yuudha okwa ti okwa dhipaga, Enkono pethimbo ya li ta ya nyenyeta konima sho a pewa onkundana ndjoka ye mu halutha.’Onde mu dhenge nohamala’ a popi sho a pulwa kutya okwa dhipaga Hileni Enkono ngiini.Shiimi okwa lombwele ompangu kutya okwa kala mohole na Enkono uule woomvula dhontumba.Omunona okwa li a valwa mekwatathano ndika, ndele ongashingeyi ashike sho omunona nguka ta katuka opo, Enkono emu tseyithile kutya ye haye he yomunona nguka..Okwa lombwelwa ishewe ku Enkono kutya na ze mo megumbo lye ye ina galuka we.Okwa ti okwe mu pula emu pe ompito opo a kuthe mo iinima ye megumbo lye. Mpaka opo nee pwa zi iita, Shiimi ta ti. Okwa ti okwa dhenge Enkono lumwe komutse na okwa li natango ta fudha sho a zimo megumbo.Okwa ti olwo lwotango ta dhenge Enkono na ka li ena elalakano okumudhipaga andola.Ndele okwa zimine kutya okwe mu siikile oshikusinga moshipala konima sho e mu dhenge nohamala.Shiimi okwa kwatwa kopolisi konima yootundi dhontumba sho a dhipaga Enkono.Enkono omuniilonga moshikondo shonte ya X moshipangelo shopokati shaVenduka okwa adhika asa mondunda ye, konima sho Shiimi a fala okamwanamati kondunda ya kuume ke, ndjoka yi li povloera yimwe metungo ndyoka.Aniwa okwa gandja woo iipatululo yondunda ya Enkono ku kuume ke nguka omanga inaa thiga po etungo potundi ontiheyali.Shiimi ota ka holoka ishewe mompangu mo 11 ga January 2010,Ota kala mondholongo sigo osho ta ka holoka mompangu.