ONKUNDANA yoluhodhi ye tu zilila momukunda Oshikulufitu mOmbalantu mOshitopolwa sha Musati otayi ti kutya mwene gwomukunda ngoka Oshikulufitu, tatekulu Josef ya Tashiya, okwa mana oondjenda dhe mOshipangelo shEpangelo shAutapi mOlyomakaya ngaka ga zi ko geti 11 Apilili 2009.
Nakusa tatekulu Tashiya okwa hulitha konima yuuwehame, nomepipi lyoomvula odhindji lela.Nakusa tatekulu Tashiya, ngoka a thiga ko omukulukadhi gwe, oyana naatekulu oyendji, ota fumvikwa nena pOshikulufitu okuzilila mOngeleka yawo ya Shikulufitu. Oshituthidhimbuluko she osha li ko ohela komatango pegumbo lye.
Nakusa tatekulu Tashiya, ngoka a lela omukunda ngoka Oshikulufitu ethimbo ele lela, okwa kala omuleli omunambili, omwiinekelwa, omugongeli gwaantu, omupukululi,omugandjimayele, omusimaneki nomuholi gwaayehe. Oyendji otaye mu pongola noonkondo. Oshifo shetu otashi gandja omahekeleko koonakuthigwapo atuheni.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
