Mwene gwOkampani yoondhila ya Comav a hulitha

M WENE gwOkampani yoondhila ya Comav, Danie van der Merwe, okwa hulitha mOsoondaha sho edhagadhaga lye lyedhina Robinson R44 lya gu mo pofaalama ye yi li popepi nOshilandopangelo.

Van der Merwe okwa li ta tuka nedhagadhaga lye ndika u uka kofaalama ye ya Augeigas, yi li popepi noshikunino shiinamwenyo sha Daan Viljoen, pondje ya Venduka. Van der Merwe okwa li tango a fala aafaalelwa ye li yaali kokapale ka Hosea Kutako okuza pokapale ka Eros na okwa li nee u uka kofaalama ye sho edhagadhaga lye li idhenge mopaala yoongodhi dholusheno lwopotundi ontihamano komatango mOsoondaha.Edhagadhaga ndika oli idhenge nee pevi nokuyaka omulilo shoka wo sha eta omulilo ngoka gu fike ehala nuuntshitwe mpoka lya gwile.”Okwa li omuhingidhila e na ontseyo oyindji na otashi vulika a li ngiika a piyaganekwa koshinima e shi mono pevi,” Omukuluntuwiliki gwa Comav Issac Kaulinge osho a popi.Kaulinge okwa ti Van der Merwe okwa li a kala ta nyenyeta kombinga yaayaki yiiyamakuti mofaalama ye iiwike ya zi ko na shika otashi vulika nee osho shi kale etompelo sho a kutha ondjila ya yooloka okuya kofaalama ye pethimbo ndyoka.Edhagadhaga ndika limwe lyomomadhagadhaga gaali ga Comav.Nande ongaaka, iilonga ya Comav otayi yi komeho ngashi shito na oondhila adhihe otadhi tuka pethimbo ngashi shito, ano kapu na nando omalunduluko miilonga yokampani ndjika.Van der Merwe okwa li tango a fala aafaalelwa ye li yaali kokapale ka Hosea Kutako okuza pokapale ka Eros na okwa li nee u uka kofaalama ye sho edhagadhaga lye li idhenge mopaala yoongodhi dholusheno lwopotundi ontihamano komatango mOsoondaha.Edhagadhaga ndika oli idhenge nee pevi nokuyaka omulilo shoka wo sha eta omulilo ngoka gu fike ehala nuuntshitwe mpoka lya gwile.”Okwa li omuhingidhila e na ontseyo oyindji na otashi vulika a li ngiika a piyaganekwa koshinima e shi mono pevi,” Omukuluntuwiliki gwa Comav Issac Kaulinge osho a popi.Kaulinge okwa ti Van der Merwe okwa li a kala ta nyenyeta kombinga yaayaki yiiyamakuti mofaalama ye iiwike ya zi ko na shika otashi vulika nee osho shi kale etompelo sho a kutha ondjila ya yooloka okuya kofaalama ye pethimbo ndyoka.Edhagadhaga ndika limwe lyomomadhagadhaga gaali ga Comav.Nande ongaaka, iilonga ya Comav otayi yi komeho ngashi shito na oondhila adhihe otadhi tuka pethimbo ngashi shito, ano kapu na nando omalunduluko miilonga yokampani ndjika.