Mungiki tapiyaganeke mu Kenya

AANTU ya konda po 20 omasiku ga zi ko oya sile miikolokosha ya li pokati kaanamikunda moshitopolwa shopokati sha Kenya sho yi idhenge mumwe nongenga yaagundjuka aapiyganeki yedhina Mungiki.

Iikolokosha mbika oya faalele aniwa aantu ye li 28 nokuthiga oombizi momapandaanda, Opolisi osho ya lopota ngaaka.
Aakalimo yomomikunda dhi li popepi nondoolopa ya Karatina oya lwitha iilyo yongenga yedhina Mungiki, molwashoka aniwa iilyo yingenga ndjika oya li ye ya kutha iimaliwa, Omugandjimulombo gwOpevi gwOpolisi, Charles Owino, osho a popi ngaaka.
‘Oyendji yomwaamboka ya si, oye li iilyo ya Mungiku,’ Owino osho a lombwele oshitumikundaneki sha Associated Press ngaaka.
Ongenga ndjika oya tamekwa po pomimvo 1990 na oya kala taku popiwa kutya ohayi kutha aantu iimaliwa, okudhipaga aantu nokweeta po omakuyunguto gopapolitika. Otaku popiwa kutya ongundu ndjika oyi na aalanduli oyendji, ye li unene yomuhoko gwAaKikuyu – ngoka ogwo gu li omuhoko omunene mu Kenya nogu na aantu oyendji mopolitika nomObisinisa.
Iikolokosha yopaukwamuhoko ngoka ga li ga tukuka mu Kenya momumvo 2008 e taga faalele aantu ya konda po 1 000 nokukutha aantu omauyuvi momagumbo gawo, oga li wo ga etwa ku Mungiki.
-Nampa-AP