LILONGWE – Ngoka a li nale Omupresidende gwa Malawi, Bakili Muluzi, omasiku ga zi ko okwa li popi kutya ota ka kondjitha etokolo lyOkomisi yOmahogololo lyokumwiindika ka kuthe ombinga mOmahogololo gOpaupresidende ngoka taga ka ningwa moshilongo shika momasiku 18ga Mei 2009.
Omasiku ga zi ko, Okomisi ndjika ya manguluka oya tseyitha kutya Muluzi okwi indikwa okukutha ombinga momahogololo ngaka, ihe inayi gandja etompelo kutya omolwashike.
Shika otashi vulu okweeta omakuyunguto moshilongo omanga iilyo iikwatheli yAaEuropa, nayo tashi vulika wo yi ka kale inayi hale we nawa okugandja omakwathelo ku Malawi.
Muluzi okwa ti ye okuwete kutya etokolo ndika omu na opolitika, omanga omulongwantu gumwe a ti kuty Ekotampango lya Malawi inali yela nawa ngele omukwashigwnaa (ngoka a li koshipundi shUupresidende iikako oyali) , ota vulu okuya momahogololo konima yaashoka.
‘Oshinima shika ota tu ke shi kondjitha mOmpangu na onda lombwele nale osipana yaanaveta yandje, ya ninge ngaaka,’ Muluzi osho a popi ngaaka.
Muluzi okwa li a kwatwa po omwedhi gwa zi ko e ta ningilwa oshipotha sheyakopo lyoshimaliwa shOondola oomiliyuna (pethimbo a li Omupresidende0. Oshimaliwa shika osha li aniwa sha pewa Malawi kiilongo iikwathele.
Muluzi koshipundi shUupresidende okwa zi ko momumvo 2004. Nande ongaak, Muluzi okwa ekelwahi ashike shoka ta popilwa.
Nonande ota pipilwa uulunga, Muluzi oku na aayambidhidhi oyendji miitopolwa oyindji, unene tuu mbyoka yokomikunda- Nampa-Reuters
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
