Muluzi ita vulu okuya momahogololo

BLANTYRE – Ompangu yi na sha niikwakotampango mu Malawi mOlyomakaya oya ningi etokolo kutya ngoka a li nale Omupresidende gwa Mali, Bakili Muluzi, ita vulu okuya momahogololo gOpaupresidende ngoka taga ka ningwa moshilongo shika omwedhi tu uka.

Ompangu oya tokla ngaaka molwashoka aniwa Muluzi okwa li nale koshipundi shUupresidende iikako iyali yoomvula ntano, mbyoka oyo yu uthwa kEkotampango.uka oshikando oshitatu. Mu Maalitsa nuumvo, Okomisi yOmahogololo oya li ya ningi etekolo kutya Muluzi ita vulu we okukala okandindaate mOmahogololo gOpaupresidende, molwashoka aniwa okwa li nle koshipundi shUupresidende iikako iyali okuza momumvo 1994 sigo 2004.Nande ongaaka, Muluzi omuntu oha vulu ashike okuya momahogolo uuna iikako oyali mbyoka a ningi koshindi shUupresidende oya li ya lambadathana.Muluzi, ngoka oye li Omupreisidende a hogololwa paundemokoli mu Malawi, okwa li a landula Hastings Kamuzu Banda, ngoka a li a kala koshupundi uule woomvula omulongo.Nampa-AFP